San Lucas 7:42 - Q'eqchi Bible

⁴² Naq kiril naq maak'a' k'aru te'xtoj wi', laj k'ehol to' kixsacheb' li xk'as xkab'ichaleb'. Ani reheb' a'an li q'axal taarahoq re?

Li Santil hu

⁴² Ut xban nak incꞌaꞌ queꞌru xqꞌuebal re̱kaj li tumin queꞌxtoꞌoni, laj e̱chal re li tumin quixcuyeb xma̱c xcabichaleb. Anakcuan ye cue, ¿ani reheb a cuib aꞌin kꞌaxal ta̱rahok re laj e̱chal re li tumin? chan li Jesús.

San Lucas 7:42 ပူးပေါင်းရင်းမြစ်များ

Colosenses 3:13

Chekuyaq eerib' cherib'il eerib' ut, wi junaq wank k'aru tixjit wi' li jun chik, chek'am eerib' sa' usilal. Jo' naq kixkuy eemaak li Kriist, jo'kan ajwi' cheb'aanu laa'ex.

Efesios 4:32

Chaab'ilaqex b'an cherib'il eerib', aj uxtaanaqex, chekuyaq eemaak cherib'il eerib', jo' ajwi' naq li Yos kixkuy eemaak sa' xk'ab'a' li Kriist.

Efesios 1:7

Sa' xk'ab'a' A'an wank qakolb'al xb'aan li xkik'el, wank xkuyb'al xsachb'al qamaak, sa' xk'ab'a' li xnimal rusilal

Gálatas 3:10

Chek'e reetal: chixjunileb' li k'ojk'ookeb' xch'ool rik'in xk'anjelankil li Chaq'rab' teneb'anb'il li tojb'amaak sa' xb'eeneb', xb'aan naq naxye li Santil Hu: “Maa'usinb'ilaqeb' chixjunileb' li ink'a' neke'xk'e xch'ool chirix chixjunil li tz'iib'anb'il sa' xhuhil li Chaq'rab' chi moko neke'xb'aanu”.

Romanos 5:6

Naq toj maak'a' chaq qametz'ew, li Kriist kikamk sa' xk'ab'a'eb' laj maak, tz'aqal sa' xq'ehil.

Romanos 3:24

Ab'anan neke'xmaatani xtiikob'resinkil xch'ooleb' xb'aan rusilal li Yos, rik'in li kolb'a ib' wank sa' xk'ab'a' li Kristo Jesus.

San Mateo 18:34

Ut k'ajo' naq kipo'k li awab'ej: kixq'axtesi sa' ruq'eb' laj rahob'tesinel toj reetal tixtoj chixjunil li xk'as.

Isaías 44:22

Laa'in xinkuy laaq'etq'etil ut xinsach laamaak jo' naq nasachk li choql ut li mayuus. Sutq'in chaq wik'in xb'aan naq laa'in xinkolok aawe.

Isaías 43:25

Ab'an laa'in xinkuy chixjunil laamaak ut ink'a' chik xink'e sa' inch'ool laamaa'usilal, xb'aan naq Yosin.

Salmos 103:3

A'an nakuyuk re chixjunil linmaak ut naxk'irtasi chixjunil linyajel;

San Mateo 6:12

ut chakuy chasach ta li qamaak jo' laa'o xqakuyeb' xmaak li xe'maakob'k chiqu.

San Mateo 18:27

Kitoch'e'k xch'ool li awab'ej; jo'kan naq kirach'ab' chi xik ut kixsach reetalil li xk'as.

San Lucas 7:43

Kichaq'ok laj Simón: —Nink'oxla naq a' li naab'al xk'as xsache'k, chan. Kisumeek: —Tz'aqal yaal li xaye.

2 Samuel 14:13

Toja' naq li ixq kixye: “At awab'ej, k'a'ut naq jo'kan laak'a'uxl chirix li xtenamit li Yos? Rik'in li k'aru xaye, laa'at nakaxooto laamaak, xb'aan naq ink'a' chik nakak'e chi sutq'iik chaq laj Absalón.