San Lucas 7:38 - Q'eqchi Bible

³⁸ koxk'e rib' chirix li Jesus, chi roq, ut ki'ok chi yaab'ak ut chi xt'aqresinkileb' li roq rik'in li xya'al ru. Chirix chik a'an kixchaqihob'resiheb' li roq rik'in rismal xjolom, yo chi xtz'ub'aleb' ut xyulb'aleb' rik'in li sununkil b'an.

Li Santil hu

³⁸ Li ixk quijiloc riqꞌuin li Jesús. Qui-oc chi ya̱bac saꞌ xbe̱n li rok ut riqꞌuin lix yaꞌal ru quixchꞌaj. Ut quixmes riqꞌuin rismal xjolom. Quirutzꞌ li rok ut quixyul riqꞌuin li sununquil ban.

San Lucas 7:38 ပူးပေါင်းရင်းမြစ်များ

Isaías 61:3

Ut laa'in tento tink'e xkorooneb' laj Sión li ra wankeb', ruuchil li cha; tinhoy li sununkil b'an sa' xb'eeneb', jo' ruuchil li tz'uyink; tento teb'intiqib' rik'in chaab'il aq'ej, jo' ruuchil li rahil ch'oolej. “Xche'el li tiikilal” chik te'xk'ab'a'in, awb'ileb' xb'aan li Qaawa' re xk'utb'al li xloq'al.

Eclesiastés 9:8

Tiqib' aawib' chi chaab'il chi junelik ut b'on aawib' chi us wulaj wulaj.

Salmos 51:17

At Qaawa', chate taxaq li xtz'uumal we, re naq tinpuktesi resil li xnimal aawankil.

Génesis 18:4

Tintaqla xk'amb'al chaq b'ayaq li ha' re xch'ajb'al leeroq. Hilanqex wan sa' xmu li che'

Jeremías 31:9

Yooqeb' chaq chi tijok ut chi yaab'ak naq te'chalq. Teb'ink'am chireheb' li nima', sa' li b'e tiik ru, re naq ink'a' te'xtich li roqeb'. Xb'aan naq laa'in li xyuwa' laj Israel, ut laj Efraín a'an li xb'een li walal.

Salmos 38:18

A'ut anaqwan kach'in chik maa nint'ane'k, li rahilal wankin wi' tik ink'a' nikinxkanab'.

Esdras 10:1

Wiq'wo laj Esdras chiru rochoch li Yos, yo chi yaab'ak, chi tijok ut chi xxootoninkil li xmaak. Toja' naq jun tuub'eb' aj Israel, jo' winq, ixq ut kok'al, ke'xch'utub' rib' chi xsutam, k'ajo'eb' chi yaab'ak.

Santiago 4:9

Tz'uyinqex chirix li xtoq'ob'aal eeru, chiraho'q sa' leeraanm ut yaab'anqex. Leese' chisutq'iiq cho'q yaab'ak, ut li xsahilal eech'ool cho'q rahil ch'oolej.

San Lucas 6:21

“Us xaq eere li nekextz'okaak anaqwan, xb'aan naq texnujob'resiiq moqon. “Us xaq eere li nekexyaab'ak anaqwan, xb'aan naq texse'eq moqon.

San Mateo 5:4

Us xaq reheb' li neke'yaab'ak, xb'aan naq li Yos taak'ojob'anq xch'ooleb'.

Zacarías 12:10

Ut sa' xb'eeneb' li ralal xk'ajol laj David ut eb' li wankeb' Jerusalén tinhoy jun musiq'ej re usilal ut tijok; toja' naq tine'xka'ya laa'in. Ut li xe'xpaynumi chi ch'iich' te'yot'e'q xch'ool ut te'yaab'aq chirix, jo' na'uxk yaab'ak chirix li xb'een alalb'ej malaj chirix li junaj chirib'il.

Joel 2:12

“Ut anaqwan sutq'inqex chaq wik'in chi anchal leech'ool, rik'in ayuunik, yaab'ak ut rik'in tz'uyink”, chan li Qaawa' Yos.

Isaías 57:9

“Xkohat rik'in laj Molok ut xak'am naab'al li aseeyt jo'wi' sununkil b'an. Yalaq b'ar xataqlaheb' laataql, toj sa' xb'alb'a xak'eheb' chi kub'eek!

Cantares 1:3

q'axal sa chik chiru rutz'b'al laasununkil b'an! Laa'at jo'kat sununkil b'an li nahoye'k, jo'kan naq nakate'xra eb' li ixqa'al.

San Lucas 22:62

Ut ki'elk chirix kab'l: k'ajo' naq kiyot'e'k chi yaab'ak.

San Lucas 7:37

Sa' li tenamit a'an wank jun li ixq aj maak. Naq kixnaw naq li Jesus yo chi hilank sa' meex, sa' rochoch laj pariseey, kixk'am jun saqi meet chi sununkil b'an,

San Lucas 7:39

Naq kiril a'an laj pariseey li kib'oqok re li Jesus, kixye sa' xch'ool: “Wi ta propeet a'in, naxnaw raj ani ut k'a' chi ixqul a'an li yo chi ch'e'ok re, xb'aan naq aj maak”.

San Juan 11:2

Lix María a'an li kiyuluk re li Qaawa' rik'in sununkil b'an ut kixmes li roq rik'in rismal xjolom; ut li ras a'an yaj, aj Lázaro xk'ab'a'.