San Lucas 7:16 - Q'eqchi Bible

¹⁶ K'ajo' naq ke'xiwak chixjunileb' ut ke'ok chi xnimankil ru li Yos: —Jun xnimal ru propeet xwakliik sa' qayanq. Ke'xye ajwi': —Li Yos xolrula'ani li xtenamit.

Li Santil hu

¹⁶ Nak queꞌril li cꞌaꞌru quicꞌulman chixjunileb li cuanqueb aran, cꞌajoꞌ nak queꞌxucuac ut queꞌoc chixqꞌuebal xlokꞌal li Dios. Ut queꞌxye: —Jun xnimal ru profeta xcꞌulun saꞌ kaya̱nk.— Ut queꞌxye ajcuiꞌ: —Li Dios xchal chixtenkꞌanquil lix tenamit, chanqueb.

San Lucas 7:16 ပူးပေါင်းရင်းမြစ်များ

San Lucas 7:39

Naq kiril a'an laj pariseey li kib'oqok re li Jesus, kixye sa' xch'ool: “Wi ta propeet a'in, naxnaw raj ani ut k'a' chi ixqul a'an li yo chi ch'e'ok re, xb'aan naq aj maak”.

San Mateo 9:8

Naq ke'ril a'in li tenamit, ke'xiwak ut ke'xnima xloq'al li Yos li kik'ehok li nimla wankilal a'in reheb' li winq.

San Lucas 1:68

“Usilaatinanb'il taxaq li Qaawa', xYos laj Israel, xb'aan naq kolrula'ani ut kixkol li xtenamit;

Jeremías 33:9

Jerusalén a'anaq li xnimal xsahil linch'ool, a'anaq linloq'al ut linwankil sa' xyanqeb' chixjunil li tenamit sa' ruuchich'och'. Naq eb' a'an te'rab'i resil chixjunil li us tink'am chaq sa' xb'eeneb' laj Jerusalén, ut chixjunil li usilal tinb'aanu reheb', te'xsiksiki rib' ut te'sachq xch'ool”.

San Lucas 5:26

Q'axal ke'sachk xch'ool chixjunileb'; ke'xnima ru li Yos ut ke'xye chi k'ajo'eb' xxiw: —Xninqal sachb'ach'oolej xqil anaqwan.

San Lucas 2:20

Ut eb' laj k'aak'alenel ketomq ke'q'ajk, yookeb' chi xnimankil ut chi xloq'oninkil ru li Yos xb'aan li k'aru ke'rab'i ut ke'ril chaq, jo' chanru kiyeemank reheb'.

San Lucas 1:65

Ke'chalk xxiw chixjunileb' li rechkab'al, ut sa'atqeb' li xtzuulul Judea naseeraq'imank chixjunil a'in.

San Mateo 21:11

Ut eb' li poyanam neke'xye: —A'an a'in li propeet Jesus aj Nazaret re Galilea.

San Mateo 15:31

Jo'kan naq eb' li tenamit nalaje'sachk xch'ool chi rilb'al naq eb' li mem neke'aatinak chik, li toqoleb' k'irajenaqeb', li yeqeb' neke'b'eek ut eb' li mutz' neke'ilok chik. Ut ke'xnima xloq'al li xYos aj Israel.

Salmos 65:9

Eb' li wankeb' sa' xmaril li ruuchich'och' k'ajo'eb' xxiw xb'aaneb' laasachb'ach'oolej; neke'b'ichank rik'in sahil ch'oolej jo'k'ihaleb' li wankeb' sa' releb'l ut rokeb'l li saq'e.

Éxodo 4:31

Eb' laj Israel ke'xpaab' ut, naq ke'rab'i naq li Qaawa' xulrula'ani li xtenamit ut xk'e reetal li xrahilaleb', ke'xhupub' rib' chi loq'onink.

Gálatas 1:24

Ut neke'xnima ru li Yos inb'aan.

Hechos 5:5

Naq kirab'i li aatin a'in, laj Ananías kit'ane'k ut ki'elk xch'ool. Ut k'ajo' naq ke'chalk xxiweb' li ke'ab'ink re.

San Juan 9:17

Toja' naq ke'xpatz' wi' chik re li mutz': —Ut laa'at k'aru nakaye chirix a'an, xb'aan naq xte xsa' laawu? Kichaq'ok: —A'an jun propeet, chan.

San Juan 6:14

Naq eb' li tenamit ke'ril li xnimal eetalil kixb'aanu li Jesus, ke'xye: —Relik chi yaal naq a'in li propeet li tento taak'ulunq sa' ruuchich'och'.

San Juan 4:19

Kixye li ixq re: —Qaawa', nink'e reetal naq laa'at propeet.

San Juan 1:25

Ut ke'xpatz' re: —K'a' put naq nakatkub'sink ha', wi maawa'at li Kriist, chi moko laj Elías, chi moko li propeet?

San Juan 1:21

Ke'xpatz' wi' chik re: —Anihat put laa'at? Ma laa'at laj Elías? Laj Jwan kixye: —Maawa'in. —Ma laa'at li propeet? chankeb' wi' chik re. Kixsumeheb' ut kixye: —Ink'a'.

San Lucas 24:19

Ut a'an kixye reheb': —K'a' anchal ru a'an? Ke'xye re: —Chirix li Jesus aj Nazaret: a'an propeet naq xwank, nim xwankil rik'in raatin ut xb'aanuhom chiru li Yos ut chiru chixjunil li tenamit.

San Lucas 9:19

Ke'chaq'ok eb' a'an ut ke'xye: —Wan neke'yehok naq laa'at laj Jwan aj kub'sihomha'. Wankeb' chik neke'yehok naq laa'at laj Elías, ut wankeb' wi' chik neke'yehok naq laa'at jun reheb' li najteril propeet xwakliik wi' chik chi yo'yo.

San Lucas 8:37

Toja' naq chixjunil li k'iila poyanam li wankeb' sa' xsutam Gerasa ke'relaji ru li Jesus naq chi'elq sa' xyanqeb', xb'aan naq k'ajo'eb' xxiw. Kitaqe'k li Jesus sa' jun li jukub' ut kiq'ajk.

San Lucas 5:8

Naq kiril a'an laj Simón Pedro, koxkut rib' chi roq li Jesus ut kixye: —Elen chink'atq, at Qaawa', xb'aan naq laa'in jun winq aj maak!

San Mateo 28:8

Ak te'eelunq wan wi' li muqleb'aal chi yookeb' xxiw ut k'ajo' ajwi' xsahilaleb' xch'ool, koheb' sa' aanil chi xyeeb'al resil reheb' li xtzolom.

Hechos 7:37

A'an a'in laj Moisés li kiyehok reheb' laj Israel: «Li Yos tixwaklesi cho'q eere jun li propeet kama' laa'in, sa' xyanqeb' leeras eeriitz'in».

San Lucas 19:44

tate'xmuch'i chiru ch'och' laa'at ut eb' laawalal aak'ajol li wanqeb' aawik'in, ut ink'a' te'xkanab' pek chi xb'een pek, xb'aan naq ink'a' xak'e reetal li honal xat-ula'aniik wi'”.

Deuteronomio 18:15

“Li Qaawa' laaYos tixwaklesi jun li propeet kama' laa'in sa' eeyanq, sa' xyanqeb' laawas ut laawiitz'in: a'an cherab'ihaq.

San Lucas 7:15

Toja' naq li kamenaq kixk'ojob' rib', ki'ok chi aatinak ut kiq'axtesiik xb'aan li Jesus re li xna'.