San Lucas 6:48 - Q'eqchi Bible

⁴⁸ chanchan jun winq li kikab'lak, kixb'ek xna'aj chi cham ut kixk'e li rub'elankil sa' xb'een pek. Naq kichalk li b'ut', koxpik'a rib' li nima' chiru li kab'l a'an ut ink'a' kiru xjuk'b'al xb'aan naq kab'lanb'il chi us.

Li Santil hu

⁴⁸ Quixbec chi cham ut quixqꞌue li cimiento saꞌ xbe̱n li pec. Quichal li hab ut quibutꞌir li nimaꞌ. Coxsacꞌ rib li haꞌ chiru li cab ut incꞌaꞌ quirecꞌasi li cab saꞌ xnaꞌaj xban nak yi̱banbil chi us saꞌ xbe̱n pec.

San Lucas 6:48 ပူးပေါင်းရင်းမြစ်များ

Salmos 62:2

Ka'ajwi' rik'in linYos nak'ojlaak linch'ool ut rik'in a'an nachalk linkolb'al.

Isaías 28:16

Jo'kan naq li Qaawa' kixye chi jo'ka'in: “K'ehomaq reetal naq aran Sión tink'ojob' jun li pek sik'b'il ru ut jwal loq'; a'anaq li xnimal ru pek ut rub'elankilaq li ochoch. Li k'ojk'o sa' xb'een a'an, ink'a' taawiib'anq xch'ool.

San Judas 1:24

A' taxaq li Yos li wank xwankil chekolb'al chiru li maak jo'wi' cheq'axtesinkil sa' li xnimal xloq'al chi maak'a'aq eemuxul ut rik'in sahil ch'oolej,

Isaías 26:4

K'ojob'omaq leech'ool rik'in li Qaawa' chi junelik, xb'aan naq A'an tz'aqal li Saqoonak nakolok qe.

Efesios 2:20

kab'lanb'ilex sa' xb'een rub'elahomeb' li apóstol ut eb' li propeet, ut li Kriist a'an li xnimal ru pek sa' li kab'l.

1 Juan 2:28

Ut anaqwan, ex inkok'al, chexwanq rik'in li Kriist chi junelik re naq, jo'q'e tixk'ut rib', chiwanq xkawub' qach'ool ut ink'a' tooxutaanaq chiru, sa' li xk'ulunik.

2 Timoteo 2:19

Ab'anan li rub'elankil li xk'ehom li Yos a'an kaw rib', xaqxo sa' xna'aj ut kaaxtinb'il rik'in li aatin a'in: “Li Qaawa' naxnaw ruheb' li re”, ut: “Chixjunil li nayaab'ank re xk'ab'a' li Qaawa', chirisihaq rib' sa' li maa'usilal”.

Salmos 32:6

Jo'kan naq chixjunileb' laj paab'anel neke'xyaab'a laak'ab'a' sa' xhonalil li xnimal rahilal; us ta k'ajo' li b'ut' taachalq sa' xb'eeneb', ab'anan ink'a' te'tawe'q xb'aan.

2 Samuel 22:32

Ma wank tab'i' junaq chik Yos chirix li Qaawa'? Ani tab'i' truuq taakoloq qe? Ma ink'a' tab'i' ka'ajwi' li qaYos?

Proverbios 10:25

Li ink'a' us xna'leb' na'oso'k xb'aan li k'iila rahilal; ut li tiik xch'ool wanq chi junelik.

2 Samuel 22:47

“Chiwanq taxaq xloq'al li Qaawa'! Usilaatinanb'il taxaq li Saqoonak ninkol wi' wib'; chiterq'usiiq xwankil linYos laj kolol we,

Isaías 59:19

Chixjunileb' li poyanam chalen sa' releb'l saq'e toj sa' rokeb'l te'xk'e xloq'al li Qaawa' naq te'ril li xwankil, xb'aan naq taachalq jo' li xkawil oq li nima' naq na'apuuk xb'aan li kawil iq'.

2 Pedro 1:10

Jo'kan utan, ex was wiitz'in, q'axal k'ehomaq eech'ool chi xkawub'resinkil leeb'oqb'al ut li xsik'b'al eeru xb'aan li Yos. Wi jo'kan nekeb'aanu, maajaruj text'ane'q.

Hechos 14:22

yookeb' chi xk'eeb'al xkawub' xch'ooleb' laj paab'anel ut chi xjultikankil chiruheb' naq che'wanq junelik sa' li paab'ank: “Tento tqanumsi naab'al rahilal re naq tooruuq too'ok sa' li xnimajwal awab'ejihom li Yos”, chankeb'.

San Juan 16:33

Xinye a'in eere re naq teetaw tuqtuukil usilal wik'in. Sa' li ruuchich'och' teek'ul li rahilal, ab'anan kawaq eech'ool! Laa'in xinq'ax ru xwankil li ruuchich'och'.

Nahum 1:8

naq nanume'k li b'ut'iha'. Ab'anan naxsacheb' li neke'xq'etq'eti rib' chiru, ut sa' aak'ab' neke'kanaak li xik' neke'ilok re.

Salmos 95:1

Kimqex, b'ichanqo chiru li Qaawa' chi sa qach'ool, qanimaaq ru li Saqoonak li naqakol wi' qib'.

2 Samuel 22:5

“Xinxsut chaq li xwankil li kamk, k'ajo' xnimal rahil xxib'esink chaq we;

Deuteronomio 32:15

“Ke'tzekank chi us eb' laj Israel; ke'nimank xtib'el laj Yesurún ut ke'xq'etq'eti rib'; ke'nimank li xsa'eb', ke'xb'olob' rib' ut ke'xkanab' li Yos, a' laj Yoob'tesinel reheb'. Ke'xtz'eqtaana li Saqoonak, laj Kolol reheb'.

2 Samuel 23:3

Li xYos laj Israel x'aatinak, laj Kolol re laj Israel xye we: «Li nataqlank sa' xb'eeneb' li tenamit sa' tiikilal ut na'awab'ejink chi k'ojk'o xch'ool rik'in li Yos,

2 Samuel 22:2

Kixye: “At Qaawa', laa'at laj muheelahom ut laj kupuhom we, laa'at laj ach'ab'anel we

1 Samuel 2:2

Maak'a' junaq sant jo' li Qaawa', chi moko junaq saqoonak jo' li qaYos. Maa'ani chik junaq jo' A'an.

Deuteronomio 32:31

Neke'xnaw chi us eb' li xik' neke'ilok qe naq laj ilol reheb' moko jo' ta laj Ilol qe laa'o.

Deuteronomio 32:18

“At Israel, xsachk sa' aach'ool li Saqoonak, laj Yoob'tesinel aawe; xatz'eqtaana li Yos li kisiyank aawe.

San Lucas 6:47

Chixjunil li nachalk wik'in ut narab'i li waatin, ut naxk'anjela ru, tink'ut cheru ani juntaq'eet wi':

San Lucas 6:49

A'ut li x'ab'ink re li waatin ut ink'a' xk'anjela ru, chanchan jun winq li kikab'lak sa' xb'een ch'och' chi maak'a' rub'elankil; ut naq koxpik'a rib' li nima' chiru li kab'l a'an, sa' junpaat kit'ane'k ut k'ajo' xrahil kixk'ul li kab'l a'an”.