San Lucas 6:43 - Q'eqchi Bible

⁴³ “Maajun li chaab'il che' ink'a' ta us li ru tixk'e, chi moko li ink'a' usil che' chaab'ilaq ta li ru tixk'e.

Li Santil hu

⁴³ Joꞌcan ajcuiꞌ riqꞌuin li cheꞌ. Cui cha̱bil junak cheꞌ, cha̱bil ajcuiꞌ li ru naru̱chin. Ut cui incꞌaꞌ us li cheꞌ, li ru li naru̱chin incꞌaꞌ ajcuiꞌ us. Li cha̱bil cheꞌ incꞌaꞌ naru naru̱chin li incꞌaꞌ us, chi moco li cheꞌ incꞌaꞌ us naru naru̱chin li us.

San Lucas 6:43 ပူးပေါင်းရင်းမြစ်များ

Jeremías 2:21

Laa'in katwaw jo' jun toon chi chaab'il che', li sik'b'il ru riyajil. Ab'anan chan put ru naq xajaltesi aawib' cho'q ruq' xtoonal li che' ink'a' na'uuchink?

San Mateo 12:33

“Wi chaab'il li che', chaab'il ajwi' li ru tixk'e; ut wi ink'a' us li che', ink'a' ajwi' us li ru tixk'e: xb'aan naq rik'in li naruuchin, li che' nanawe'k ru.

San Mateo 3:10

Ak wank li maal sa' xtoonaleb' li che'; ut chixjunil li che' ink'a' chaab'il li ru naxk'e, taayok'manq ut taakutmanq sa' xam.

Isaías 5:4

K'a' raj chik ru xinb'aanu re li wawimq? Malaj wank k'aru ink'a' xinb'aanu re? Xwoyb'eni ki'il uub'; k'a'ut naq junes ra re li uub' xk'e?

Isaías 61:3

Ut laa'in tento tink'e xkorooneb' laj Sión li ra wankeb', ruuchil li cha; tinhoy li sununkil b'an sa' xb'eeneb', jo' ruuchil li tz'uyink; tento teb'intiqib' rik'in chaab'il aq'ej, jo' ruuchil li rahil ch'oolej. “Xche'el li tiikilal” chik te'xk'ab'a'in, awb'ileb' xb'aan li Qaawa' re xk'utb'al li xloq'al.

San Lucas 6:42

Chanru tatruuq xyeeb'al re laawas aawiitz'in: «At was wiitz'in, kanab'in risinkil li mul sa' laawu», ut ink'a' nakak'e reetal li tz'amb'a wank sa' laawu? At aj ka'pak'al u, isi wan li tz'amb'a sa' laawu; chi jo'kan tat-iloq chi us ut tatruuq risinkil li mul sa' ru laawas aawiitz'in.