San Lucas 6:28 - Q'eqchi Bible

²⁸ Chetz'aama usilal sa' xb'eeneb' li neke'maa'usilank eere, chextijoq chirixeb' li neke'q'ab'ank eere.

Li Santil hu

²⁸ Chetzꞌa̱ma̱k rusilal li Dios saꞌ xbe̱neb li nequeꞌma̱usilan e̱re. Ut chextijok ajcuiꞌ chirixeb li nequeꞌhoboc e̱re.

San Lucas 6:28 ပူးပေါင်းရင်းမြစ်များ

1 Pedro 3:9

Mex'eeqajunk maa'usilal rik'in maa'usilal, chi moko hob'e'k rik'in hob'ok; chex'usilaatinanq b'an, xb'aan naq a'an a'in b'oqb'ilex wi' chaq: re naq teereechani leerosob'tesinkil.

1 Corintios 4:12

Naqatawasi qib' chi k'anjelak rik'in quq'. Nokoohe'xhob', ut naqusilaheb'. Nokoohe'xsik' re qarahob'tesinkil, ut naqakuy.

Romanos 12:14

Chetz'aama rusilal li Yos sa' xb'eeneb' li xik' neke'ilok eere; cherusilaheb' ut meemajewaheb'.

Santiago 3:10

Sa' jun chi ehej na'elk chaq li usilaatinank ut li majewank. Ex was wiitz'in, a'in ink'a' naru taawanq chi jo'kan.

San Lucas 23:34

Ut li Jesus kixye: “At inYuwa', chakuyeb' xmaak xb'aan naq ink'a' neke'xnaw k'aru yookeb' chi xb'aanunkil”. Ut eb' laj puub' ke'xjek'i li raq' chirib'ileb' rib' chi b'uulinb'il rix.

San Lucas 6:27

“Ab'anan ninye eere laa'ex li yookex chi ab'ink we: Cherahaqeb' li xik' neke'ilok eere, cheb'aanu usilal reheb' li neke'tz'eqtaanank eere.

San Mateo 5:44

A'ut laa'in ninye eere: Cherahaqeb' li xik' neke'ilok eere ut chextijoq chirixeb' li neke'rahob'tesink eere,

Hechos 7:60

Chirix chik a'an kit'ane'k chi wiq'wo ut kixjap re chi kaw, ut kixye: “At Qaawa', maak'e xaq li maak a'in sa' xb'eeneb'”. Ut naq kixye a'in, kikamk.

San Lucas 6:35

“A'ut laa'ex cherahaqeb' li xik' neke'ilok eere, chex'usilanq ut chexk'ehoq chi to' chi ink'a' teeroyb'eni reeqaj: jo'kan naq nimaq leeq'ajkamunkil ut laa'exaq ralal li Nimajwal, xb'aan naq A'an chaab'il rik'ineb' li ink'a' neke'xnaw yoxink ut rik'ineb' li ink'a' useb' xch'ool.

Hechos 14:5

Ut eb' li maawa'eb' aj Judiiy ke'xk'am rib' sa' aatin rik'ineb' laj Judiiy rochb'eeneb' laj k'amol xb'eheb', ut ke'xk'uub' ru xmajewankil eb' li apóstol ut xteninkileb' chi pek.

Ezequiel 36:5

Jo'ka'in xye li Qaawa': Sa' xxamlel injosq'il twaatinaheb' li tenamit junch'ol, ut q'axal wi' chik rik'ineb' laj Edom, xb'aan naq chi k'ajo' xsahilaleb' xch'ool xe'reechani linna'aj ut xe'relq'a chixjunil li k'a'aq re ru wank chisa'».

Ezequiel 25:15

“Laa'in, li Qaawa', ninye chi jo'ka'in: Eb' laj Filistea xe'eeqajunk chi k'ajo' xjosq'ileb' sa' xb'een Judá. Xe'xtz'eqtaana ut xe'xsach lintenamit xb'aan naq xik' neke'ril chalen chaq junxil.

1 Reyes 13:6

Ut laj Jerobohán li awab'ej kixye re li propeet: “B'aanu usilal, tijon chiwix chiru li Qaawa' laaYos ut tz'aama naq tixk'irtasi li wuq'”. Kitijok li propeet chiru li Qaawa', ut li ruq' laj Jerobohán kik'iraak ut kikanaak jo' naq xwank junxil.