San Lucas 6:27 - Q'eqchi Bible

²⁷ “Ab'anan ninye eere laa'ex li yookex chi ab'ink we: Cherahaqeb' li xik' neke'ilok eere, cheb'aanu usilal reheb' li neke'tz'eqtaanank eere.

Li Santil hu

²⁷ Ut la̱ex li yo̱quex chi abi̱nc re li yo̱quin chixyebal, cheqꞌuehak retal li tinye e̱re. Cherahakeb li xicꞌ nequeꞌiloc e̱re. Ut cheba̱nuhak usilal reheb li nequeꞌtzꞌekta̱nan e̱re.

San Lucas 6:27 ပူးပေါင်းရင်းမြစ်များ

1 Ts 5:15

Chek'e reetal, maa'ani chi'eeqajunq maa'usilal rik'in maa'usilal, a' b'an li us cheb'aanu junelik cherib'il eerib' ut rik'ineb' chixjunil.

San Lucas 6:35

“A'ut laa'ex cherahaqeb' li xik' neke'ilok eere, chex'usilanq ut chexk'ehoq chi to' chi ink'a' teeroyb'eni reeqaj: jo'kan naq nimaq leeq'ajkamunkil ut laa'exaq ralal li Nimajwal, xb'aan naq A'an chaab'il rik'ineb' li ink'a' neke'xnaw yoxink ut rik'ineb' li ink'a' useb' xch'ool.

Proverbios 24:17

Matsaho'k naq taat'ane'q li xik' na'ilok aawe, chi moko tatninq'ehiq xb'aan li xrahilal.

Gálatas 6:10

Jo'kan utan, naq toj naxk'e rib' chiqu, qab'aanuhaq li usilal reheb' chixjunil, ab'anan q'axal chik tqab'aanu reheb' li qech aj paab'anelil.

San Marcos 4:24

Kixye ajwi' reheb': “K'ehomaq reetal li yookex chi rab'inkil. Rik'in li b'isleb' nekexb'isok wi', texb'ise'q ajwi' laa'ex, ut taak'eemanq chik xtz'aqob'.

Hechos 10:38

yookin chi xyeeb'al chirix li Jesus aj Nazaret li kiyule'k xb'aan li Yos rik'in Santil Musiq'ej ut xwankil, ut kinume'k yalaq b'ar, yo chi rusilankil ut xk'irtasinkil jo'k'ihaleb' li wankeb' rub'el xwankil laj tza, xb'aan naq li Yos wank rik'in.

Hechos 7:60

Chirix chik a'an kit'ane'k chi wiq'wo ut kixjap re chi kaw, ut kixye: “At Qaawa', maak'e xaq li maak a'in sa' xb'eeneb'”. Ut naq kixye a'in, kikamk.

San Lucas 23:34

Ut li Jesus kixye: “At inYuwa', chakuyeb' xmaak xb'aan naq ink'a' neke'xnaw k'aru yookeb' chi xb'aanunkil”. Ut eb' laj puub' ke'xjek'i li raq' chirib'ileb' rib' chi b'uulinb'il rix.

San Lucas 8:18

“Chek'e b'i' reetal chanru nekex'ab'ink, xb'aan naq ani wank k'aru re, ruk' chik taak'eemanq re; ut ani maak'a' wank re, a' ajwi' li k'aru wank re naq naxk'oxla, taamaq'manq chiru”.

San Lucas 8:15

Li kit'ane'k sa' chaab'il ch'och' a'aneb' li neke'ab'ink re li Aatin ut neke'xk'uula sa' chaab'ilal ut chi anchaleb' xch'ool, ut neke'uuchink xb'aan naq junelik neke'xkuy xk'anjelankil ru.

San Lucas 8:8

Wan chik iyaj kinaqk sa' chaab'il ch'och': kimoqk ut ki'uuchink chi o'taqk'aal”. Naq ak xye a'in, li Jesus ki'aatinak chi kaw chi kama'in: “Li wank xxik re ab'ink, chi'ab'inq”, chan.

San Lucas 6:22

“Us xaq eere naq xik' tex'ile'q xb'aaneb' li poyanam, tex'isiiq sa' xyanqeb', texhob'e'q ut te'xtz'eqtaana leek'ab'a' jo' ink'a' us, sa' xk'ab'a' li K'ajolb'ej.

3 Juan 1:11

At inrahom, maak'am aawe rik'in li ink'a' us, chak'am b'an aawe rik'in li us. Ani nab'aanunk re li us, a'an re li Yos; ut li naxb'aanu li ink'a' us, moko rilom ta ru li Yos.

Proverbios 25:2

Xloq'al li Yos, a'an xk'uulankil li xk'a'uxl; ab'an xloq'al li winq xtawb'al ru li k'aru muqmu.

Salmos 7:4

At Qaawa', at inYos, wi xinb'aanu a'in, wi wank maa'usilal sa' li wuq',

1 Reyes 13:6

Ut laj Jerobohán li awab'ej kixye re li propeet: “B'aanu usilal, tijon chiwix chiru li Qaawa' laaYos ut tz'aama naq tixk'irtasi li wuq'”. Kitijok li propeet chiru li Qaawa', ut li ruq' laj Jerobohán kik'iraak ut kikanaak jo' naq xwank junxil.

Hechos 16:28

A'ut laj Pablo kixye re chi kaw xyaab' xkux: —Maarahob'tesi aawib', wanko chiqajunil arin.