San Lucas 6:13 - Q'eqchi Bible

¹³ Naq kikutano'k, kixb'oqeb' li xtzolom, kixsik' ru kab'laju sa' xyanqeb' ut apóstol kixk'e cho'q xk'ab'a'eb':

Li Santil hu

¹³ Nak ac xsake̱u quixbokeb lix tzolom ut quixsicꞌ ruheb li cablaju saꞌ xya̱nkeb ut quixqꞌueheb chokꞌ apóstol. Aꞌaneb aꞌin li apóstol li quixsicꞌ ruheb:

San Lucas 6:13 ပူးပေါင်းရင်းမြစ်များ

Apocalipsis 21:14

Li tz'ak sutsu wi' li tenamit, a'an k'ojob'anb'il sa' xb'een kab'laju chi rub'elankil, ut chiruheb' a'an tz'iib'anb'il xk'ab'a' eb' li kab'laju chi x'apóstol li Karneer.

Efesios 4:11

Ut A'an wan ajwi' kixxaqab'eb' cho'q apóstol; wankeb' cho'q propeet; wankeb' cho'q aj puktesinel li Chaab'il Esilal; wankeb' chik cho'q aj k'aak'alenel ut aj tzolonel.

San Marcos 6:30

Ke'ch'utlaak eb' li apóstol rik'in li Jesus ut ke'xseeraq'i chixjunil li ke'xb'aanuhatq ut li ke'xtzolatqeb' wi' chaq li tenamit.

San Marcos 6:7

Toja' naq kixb'oqeb' li Kab'laju, kixtikib' xtaqlankileb' sa' ka'kab'il ut kixk'eheb' xwankil sa' xb'eeneb' li tz'ajn aj musiq'ej.

San Mateo 9:36

Naq kirileb' li k'iila tenamit, kixtoq'ob'a ruheb' xb'aan naq ch'i'ch'i'inb'ileb' ut cha'chookeb', jo'keb' li karneer maak'a' aj ilol reheb'.

Apocalipsis 18:20

Chatsaho'q xb'aan a'an, at choxa. Chisaho'q sa' eech'ool, ex sant, apóstol ut propeet, xb'aan naq rik'in xteneb'ankil li tojb'amaak sa' xb'een, li Yos xraqok aatin sa' tiikilal.

Apocalipsis 12:1

Jun li nimla eetalil kik'utunk sa' choxa: jun li ixq tiqto rik'in li saq'e, li po wank rub'el roq, ut sa' xjolom wank jun li koroon kab'laju chi chahim wank chiru.

2 Pedro 3:2

Chijultiko'q eere li aatin ke'xye chi junxilaj eb' li santil propeet, jo' ajwi' chijultiko'q eere li xchaq'rab' li Qaawa' ut laj Kolonel, q'axtesinb'il eere xb'aaneb' lee'apóstol.

Hebreos 3:1

Jo'kan utan, ex was wiitz'in, laa'ex li santex ut nekextz'aqonk rik'in li xchoxahil b'oqom li Qaawa', chek'e eech'ool chi xk'oxlankil li Jesus, a'an li apóstol ut xyuwa'il aj tij sa' li qapaab'aal.

Efesios 2:20

kab'lanb'ilex sa' xb'een rub'elahomeb' li apóstol ut eb' li propeet, ut li Kriist a'an li xnimal ru pek sa' li kab'l.

Hechos 1:13

Ut naq ke'wulak sa' li tenamit, ke'taqe'k sa' xkab' k'ojar li kab'l b'arwi' neke'hilank. Wankeb' laj Pedro, laj Jwan, laj Santiago ut laj Andrés, laj Felipe ut laj Tomás, laj Bartolomé ut laj Mateo, laj Santiago, ralal laj Alfeo, laj Simón Zelote ut laj Judas, ralal laj Santiago.

San Lucas 22:30

re naq texwa'aq tex'uk'aq chire linmeex sa' linnimajwal wankilal ut texk'ojlaaq sa'eb' li k'ojarib'aal chi raqok aatin sa' xb'eeneb' li kab'laju xteepal aj Israel”.

San Lucas 11:49

“Jo'kan utan yeeb'il chaq xb'aan li xnimal xk'a'uxl li Yos: «Tintaqlaheb' propeet ut apóstol rik'ineb': wan te'kamsiiq ut wan te'rahob'tesiiq»,

San Mateo 19:28

Kixye li Jesus reheb': —Relik chi yaal ninye eere naq sa' li ak' ruuchich'och', naq taak'ojlaaq li K'ajolb'ej sa' li xloq'laj k'ojarib'aal, laa'ex ajwi' li xextaaqenk we texk'ojlaaq sa' kab'laju chi k'ojarib'aal ut texraqoq aatin sa' xb'eeneb' li kab'laju xteepal aj Israel.

San Mateo 10:2

Li xk'ab'a'eb' li kab'laju chi apóstol a'aneb' a'in: xb'een, laj Simón, aj Pedro nayeemank re, ut laj Andrés li riitz'in; laj Santiago, ralal laj Sebedeo, jo'wi' laj Jwan li riitz'in;

San Lucas 6:14

laj Simón (aj Pedro chik kixk'e cho'q xk'ab'a') ut laj Andrés li riitz'in, laj Santiago ut laj Jwan, laj Felipe ut laj Bartolomé,

San Juan 4:33

Eb' li xtzolom ke'xyehatq chirib'ileb' rib': —Malaj ani xk'amok chaq xwa?