San Lucas 5:32 - Q'eqchi Bible

³² Ink'a' xinchalk chi xb'oqb'aleb' li tiikeb' xch'ool, a'eb' b'an laj maak re naq te'xyot' xch'ool te'xjal xk'a'uxl.

Li Santil hu

³² Joꞌcan nak la̱in incꞌaꞌ xinchal chixsicꞌbal li ti̱queb xchꞌo̱l. Xinchal ban chixsicꞌbaleb laj ma̱c re nak teꞌyotꞌekꞌ xchꞌo̱l ut teꞌxjal xcꞌaꞌuxeb, chan li Jesús.

San Lucas 5:32 ပူးပေါင်းရင်းမြစ်များ

San Lucas 19:10

Xb'aan naq li K'ajolb'ej xk'ulunk chi xsik'b'al ut chi xkolb'al li b'arwan sachenaq.

San Lucas 15:10

“Ninye eere naq kama'an ajwi' li sahil ch'oolej nawank sa' xyanqeb' li x'ánjel li Yos naq junaq aj maak tixyot' xch'ool tixjal xk'a'uxl”.

San Lucas 15:7

“Ninye eere naq jo'kan ajwi' sa' choxa. Q'axal nim chik li sahil ch'oolej taawanq naq junaq aj maak tixyot' xch'ool tixjal xk'a'uxl, chiruheb' li b'eleelaju ro'k'aal tiikeb' xch'ool li moko aajel ta chik ru naq te'xjal xk'a'uxeb'.

Hechos 3:19

Yot'omaq b'i' eech'ool ut jalomaq eek'a'uxl re naq te'kuymanq te'sachmanq leemaak.

San Lucas 24:47

ut taapuktesimanq resil A'an re naq chixjunileb' li tenamit te'sutq'iiq rik'in li Yos ut te'kuymanq te'sachmanq li xmaakeb', taatiklaaq a'an arin Jerusalén».

Hechos 17:30

Anaqwan li Yos xtz'eq chirix xch'ool eb' li kutan xe'numje'k, naq eb' li tenamit xe'wank sa' xmajelal xna'leb'eb', ut naxye resil naq yalaq b'ar tento naq chixjunileb' te'xyot' xch'ool te'xjal xk'a'uxl.

2 Pedro 3:9

Li Qaawa' ink'a' nab'ayk chi xk'eeb'al li b'arwan kixyeechi'i. Wankeb' neke'k'oxlank re naq yo chi b'ayk, ab'an moko yaal ta. Nim xkuyum li Yos eerik'in; ink'a' naraj naq taasachq junaq, naraj b'an naq chixjunileb' te'yot'e'q xch'ool ut te'xjal xk'a'uxl.

Hechos 2:38

Laj Pedro kixchaq'b'eheb' ut kixye: —Cheyot' eech'ool chejal eek'a'uxl ut chikub'eeq eeha' chejunjunqal sa' xk'ab'a' li Jesus li Kriist, re te'kuymanq te'sachmanq leemaak; ut teek'ul li xsimaatan li Santil Musiq'ej.

Hechos 20:21

xinjultika chi kaw chiruheb' laj Judiiy ut eb' laj Griego naq tento te'xjal xk'a'uxl ut te'xq'axtesi rib' re li Yos, jo' ajwi' naq te'xpaab' li Qaawa' Jesus.

Hechos 3:26

Xb'enwa cho'q eere laa'ex li Yos kixwaklesi chi yo'yo li Jesus li xmoos ut kixtaqla chaq cherosob'tesinkil, re naq li junjunq tixkanab' li xmaa'usilal”.

San Mateo 18:10

“Chek'ehaq reetal, meetz'eqtaana junaq reheb' li kok' a'in, xb'aan naq ninye eere naq eb' li x'ánjel sa' choxa junelik neke'ril ru linchoxahil Yuwa'.

Hechos 5:31

A'an li kitaqsiik xb'aan li Yos toj sa' xnim uq' cho'q aj jolominel ut aj kolonel, re xk'eeb'al reheb' laj Israel li yot'b'ach'oolej jalb'ak'a'uxl jo'wi' li xkuyb'al xsachb'aleb' li xmaak.

San Marcos 15:10

Xb'aan naq naxnaw naq xkaqaleb' xch'ool li xb'eenileb' aj tij naq ke'xq'axtesi.

Isaías 57:15

Xb'aan naq jo'ka'in xyehom li Nimajwal Yos, li nim xwankil, li junelik wank chalen chaq q'e kutan ut li q'axal Sant li xk'ab'a': “Laa'in wankin sa' li na'ajej najt xteram ut jwal loq', ab'anan wankin ajwi' rik'in li ra sa' xch'ool ut li tz'eqtaananb'il, re xk'eeb'al xkawub' xch'ool li kub'enaq xwankil ut li namayok raanm.

San Marcos 15:7

Jun li winq, aj Barrabás xk'ab'a', wank sa' tz'alam rochb'eeneb' li ink'a' useb' xna'leb' li ke'kamsink sa' jun mululij ib'.

San Mateo 9:13

Ayuqex chi xtzolb'al xyaalal a'in: «Uxtaanank nawaj, ink'a' mayejak». Xb'aan naq ink'a' xinchalk chi xb'oqb'aleb' li tiikeb' xch'ool, a'eb' b'an laj maak.

San Marcos 2:17

Li Jesus kirab'i a'an ut kixye reheb': —Ink'a' neke'raj aj b'anonel li kaweb', a'eb' b'an li yaj neke'ajok re. Ink'a' xinchalk chi xb'oqb'aleb' li tiikeb' xch'ool, a'eb' b'an laj maak.

San Lucas 5:31

Kichaq'ok li Jesus ut kixye reheb': —Ink'a' neke'raj aj b'anonel li kaweb', a'eb' b'an li yaj neke'ajok re.

San Lucas 5:33

Ut eb' a'an ke'xye re li Jesus: —Eb' li xtzolom laj Jwan k'iila sut neke'ayuunik ut neke'tijok, jo'kaneb' ajwi' eb' li xtzolom laj Pariseey; ut eb' laatzolom laa'at neke'wa'ak neke'uk'ak.