San Lucas 5:24 - Q'eqchi Bible

²⁴ Ab'anan re teenaw naq li K'ajolb'ej wank xwankil sa' ruuchich'och' re kuyuk sachok maak -kixye re li sik: Aawe ninye, waklin, xok laach'ina ch'aat ut ayu sa' laawochoch.

Li Santil hu

²⁴ La̱in tincꞌut che̱ru nak la̱in li Cristo li Cꞌajolbej ut cuan incuanquil saꞌ ruchichꞌochꞌ chixcuybal xsachbal li ma̱c, chan reheb. Tojoꞌnak li Jesús quixye re li yaj, —At cui̱nk, la̱in tinye a̱cue, cuaclin, cꞌam la̱ cuarib ut ayu saꞌ la̱ cuochoch, chan.

San Lucas 5:24 ပူးပေါင်းရင်းမြစ်များ

Apocalipsis 1:13

ut sa' xyiheb' li xna'aj kanteel kiwil kama' jun li K'ajolb'ej, tiqto rik'in jut-aq', b'ak'b'o li re xch'ool rik'in k'aamalsa' oor.

Isaías 53:11

Sa' xk'ab'a' li k'iila rahilal kixk'ul taaril li saqenk ut taak'ojlaaq li xch'ool. Rik'in li xnawom, laj K'anjel chiwu naab'aleb' tixtiikob'resiheb' xch'ool, xb'aan naq xriiqani li xmaakeb' a'an.

Hechos 14:10

ut kixye re chi kaw xyaab' xkux: —Xaqab' aawib' chi tiik sa' xb'eeneb' laawoq. Ut a'an ak taapisk'oq, ut ki'ok chi b'eek.

Hechos 9:40

Toja' naq laj Pedro kirisiheb' chixjunil, kixwiq'ib' rib' ut kitijok. Chirix chik a'an kixsutq'isi rib' wan wi' li kamenaq ut kixye: —At Tabitá, waklin! A'an kixte li ru ut, naq kiril laj Pedro, kik'ojlaak.

Hechos 9:34

Ut laj Pedro kixye re: —At Eneas, li Jesukriist nak'irtasink aawe. Waklin ut yiib' laawarib'aal, chan. Tikto kiwakliik laj Eneas.

Hechos 5:31

A'an li kitaqsiik xb'aan li Yos toj sa' xnim uq' cho'q aj jolominel ut aj kolonel, re xk'eeb'al reheb' laj Israel li yot'b'ach'oolej jalb'ak'a'uxl jo'wi' li xkuyb'al xsachb'aleb' li xmaak.

San Juan 17:2

ut, sa' xk'ab'a' li wankil aak'ehom re sa' xb'eeneb' chixjunil li yo'yookeb', tixk'e taxaq xjunelik yu'am chixjunileb' li xak'eheb' re.

San Juan 11:43

Naq kiraqe'k chi xyeeb'al a'in, kixjap re chi kaw xyaab' xkux: —Lázaro, elen chaq, chan.

San Juan 5:27

ut kixk'e xwankil chi raqok aatin xb'aan naq a'an li K'ajolb'ej.

San Juan 3:13

“Maa'ani taqenaq sa' choxa, ka'ajwi' li kikub'e chaq sa' choxa, a' li K'ajolb'ej.

San Lucas 8:54

Li Jesus kixchap chi ruq' li ixqa'al ut kixye chi kaw xyaab' xkux: —At ch'ina ixqa'al, waklin!

San Lucas 7:14

Tikto kinach'ok ut kixtoch' li kamenaq, ut eb' li yookeb' chi paqonk re ke'xaqliik. Ut kixye: —At ch'ina winq, aawe ninye: Waklin!

San Lucas 5:13

Li Jesus kixye' li ruq', kixch'e' ut kixye re: —Twaj, tatk'iraaq. Ut sa' junpaat ki'elk li saqlep chirix.

San Mateo 28:18

Kijilok li Jesus chi xk'atqeb', kiraatinaheb' ut kixye: —K'eeb'il we chixjunil li wankilal, jo' sa' choxa jo' ajwi' sa' ruuchich'och'.

San Mateo 26:64

Kixye li Jesus re: —Hehe', laa'at xatyehok re. Ut laa'in ninye eere naq chalen anaqwan teeril li K'ajolb'ej k'ojk'ooq sa' xnim uq' li Nimajwal Yos, yooq chaq chi chalk sa' xb'eeneb' li choql sa' choxa.

San Mateo 25:31

“Naq taak'ulunq chaq li K'ajolb'ej sa' li xnimal xloq'al rochb'eenaqeb' chaq chixjunileb' li x'ánjel, toja' naq taak'ojlaaq sa' li xloq'laj k'ojarib'aal.

San Mateo 16:13

Naq kiwulak li Jesus sa' xteepal Cesarea re Filipo, kixpatz' reheb' li xtzolom: —Ani li K'ajolb'ej naq neke'xye eb' li tenamit?

San Mateo 9:6

Ab'anan re teenaw naq li K'ajolb'ej wank xwankil sa' ruuchich'och' re kuyuk sachok maak -kixye re li sik: Waklin, xok laach'aat ut ayu sa' laawochoch.

Daniel 7:13

“Sa' ajwi' li q'oqyink a'an, sa' moy u, kiwil naq sa' choxa kikub'e chaq jun chanchan li winq: koho wan wi' li cheekel winq ut koxxaqliiq chiru.

San Mateo 4:24

Kiwulak resil li Jesus sa' chixjunil Siria: ut ke'xk'am chaq rik'in chixjunileb' li yaj, k'iila paay ruheb' li xyajel ut li xrahilal; ke'xk'ameb' ajwi' chaq li eechaninb'ileb' xb'aan laj tza, eb' li neke'pohonk xyajel, eb' li sik, ut kixk'irtasiheb'.

San Lucas 5:18

Toja' naq wankeb' winq ke'chalk, ke'xk'am chaq chiru ch'aat jun li sik: te'raj raj roksinkil re xk'eeb'al chiru li Jesus.

San Lucas 5:23

B'ar wank li ink'a' ch'a'aj xyeeb'al: «Kuyb'il sachb'il chik laamaak», malaj: «Waklin ut b'een»?