San Lucas 4:43 - Q'eqchi Bible

⁴³ Ab'an li Jesus kixye reheb': —Tento tinpuktesi li xChaab'il Esil li xnimajwal awab'ejihom li Yos sa'eb' ajwi' li jalan chik tenamit, xb'aan naq a'in aj e naq xintaqlaak chaq.

Li Santil hu

⁴³ Abanan li Jesús quixye reheb: —Tento nak tinxic saꞌ jalan tenamit chixchꞌolobanquil li cha̱bil esilal chirix lix nimajcual cuanquilal li Dios xban nak aꞌan aj e nak xintakla̱c chak arin, chan.

San Lucas 4:43 ပူးပေါင်းရင်းမြစ်များ

2 Timoteo 4:2

chapuktesi li Aatin, chayal aaq'e chi xb'aanunkil a'in naq tixk'e rib' ut naq ink'a'; chatq'usuq, chak'ehaq xna'leb'eb' ut chawaklesi xch'ooleb' rik'in xnimal aakuyum ut aana'leb'.

San Juan 9:4

Naq toj kutan, tento tqab'aanu li k'anjel naraj li kitaqlank chaq we. Chalk re li q'oqyink ut maa'ani chik truuq taak'anjelaq.

Hechos 10:38

yookin chi xyeeb'al chirix li Jesus aj Nazaret li kiyule'k xb'aan li Yos rik'in Santil Musiq'ej ut xwankil, ut kinume'k yalaq b'ar, yo chi rusilankil ut xk'irtasinkil jo'k'ihaleb' li wankeb' rub'el xwankil laj tza, xb'aan naq li Yos wank rik'in.

San Juan 20:21

Toja' naq kixye wi' chik li Jesus reheb': —Chiwanq taxaq eerik'in li tuqtuukil usilal. Jo' naq xinxtaqla chaq li Yuwa'b'ej, jo'kan ajwi' naq texintaqla laa'in.

Isaías 48:16

Jilonqex chaq chink'atq ut ab'ihomaq a'in: Chalen chaq sa' xtiklajik maak'a' xinye chi muqmu; ut naq yo chi k'ulmank chixjunil a'in, wankin aran laa'in. Ut anaqwan laa'in, li Qaawa' Yos, xintaqlank chaq re rik'in xwankil linmusiq'”.

San Mateo 4:23

Li Jesus kixb'eeni chixjunil Galilea, yo chi xtzolb'aleb' sa'atqeb' li xch'utleb'aal kab'l. Naxpuktesi li xchaab'il esil li xnimajwal wankilal li xchoxa ut naxk'irtasi chixjunil li rahilal ut yajel sa' xyanqeb' li tenamit.

San Marcos 1:35

Naq x'ok chi hik'e'k, toj q'oqyink ajwi', kiwakliik, ki'elk aran ut koho sa' jun junesal na'ajej, ut ki'ok chi tijok.