San Lucas 4:32 - Q'eqchi Bible

³² ut neke'kanaak chi sachsookeb' xch'ool rik'in li xk'utum, xb'aan naq na'aatinak rik'in xwankilal.

Li Santil hu

³² Naxcꞌut lix ya̱lal chiruheb chi cuan xcuanquil. Ut chixjunileb li yo̱queb chi abi̱nc re queꞌsach xchꞌo̱l chirabinquil li tijleb li yo̱ chixyebal xban nak naxcꞌut lix ya̱lal chiruheb chi cuan xcuanquil.

San Lucas 4:32 ပူးပေါင်းရင်းမြစ်များ

San Lucas 4:36

Chixjunileb' ke'kanaak chi sachsookeb' xch'ool ut neke'xyehatq chirib'ileb' rib': —K'a' chi aatinul a'in? Nataqlank rik'in wankilal ut kawilal sa' xb'eeneb' li tz'ajn aj musiq'ej, ut neke'elk xb'aan.

San Juan 6:63

A' li musiq'ej nak'ehok yu'am; li tz'ejwalej maak'a' na'ok wi'. Eb' li aatin xinye eere a'an musiq'ej ut yu'am.

Tito 2:15

Kama' a'an tat-aatinaq, chak'eheb' xna'leb' ut chaq'useb' chi wanq aawankil. Maa'ani chitz'eqtaananq aawe.

1 Ts 1:5

xb'aan naq li Chaab'il Esilal xqapuktesi eere moko ka'aj ta wi' rik'in aatin xwulak eerik'in, rik'in aj b'an wi' xwankil li Yos jo'wi' rik'in li Santil Musiq'ej, chi tz'aqal yaal. Nekenaw chanru naq xoowank chaq sa' eeyanq xb'aan eeraab'al.

2 Corintios 4:2

Xqatz'eqtaana li k'a' re ru xutaanal ut li wank chi muqmu, ut ink'a' yooko chi k'anjelak rik'in b'alaq'il aatin chi moko yooko chi xjalb'al xyaalal li Raatin li Yos, naqak'e b'an chi nawe'k li yaal. Chi jo'kan naqaq'axtesi qib' chiru chixjunileb' re naq te'xk'e reetal chanru wank li qach'ool, chiru li Yos.

San Marcos 1:22

Ut sachsookeb' xch'ool ke'kanaak li tenamit rik'in li xk'utum, xb'aan naq naxtzoleb' chi wank xwankil, ut ink'a' jo'eb' laj tz'iib'.

San Lucas 2:47

Sachsookeb' xch'ool chixjunileb' li neke'ab'ink re xb'aan li xseeb'al xk'a'uxl ut li xsumehom.

San Lucas 4:33

Wank aran, sa' li ch'utleb'aal kab'l, jun li winq wank tz'ajn aj musiq'ej rik'in; ut a'an kixjap re chi kaw chi xyeeb'al:

San Juan 7:46

Ke'chaq'ok eb' laj k'aak'alenel: —Maajun junaq winq na'aatinak jo' na'aatinak li winq a'an, chankeb'.