San Lucas 4:25 - Q'eqchi Bible

²⁵ Relik chi yaal ninye eere: naab'aleb' xmalka'an ke'wank Israel chiruheb' li kutan kiwank wi' laj Elías, naq kitz'apmank li choxa chiru oxib' chihab' rik'in waqib' po ut kichalk jun nimla we'ej sa' chixjunil li ruuchich'och';

Li Santil hu

²⁵ Relic chi ya̱l nak nabaleb li xma̱lcaꞌan saꞌ li tenamit Israel nak quicuan laj Elías chokꞌ profeta. Saꞌ eb li cutan aꞌan incꞌaꞌ quixqꞌue hab chiru oxib chihab riqꞌuin cuakib po. Ut cꞌajoꞌ li cueꞌej quicuan saꞌ li tenamit aꞌan.

San Lucas 4:25 ပူးပေါင်းရင်းမြစ်များ

Santiago 5:17

Laj Elías a'an chaq qech winqilal; kitijok chi yo'oon re naq ink'a' tixk'e li hab', ut ink'a' kixk'e li hab' sa' xb'een li ruuchich'och' chiru oxib' chihab' rik'in waqib' po.

1 Reyes 17:1

Toja' naq laj Elías, Tisbé xtenamit, sa' xteepal Galahad, kixye re laj Ajab: “Sa' xk'ab'a' li Qaawa', xYos laj Israel, li yookin chi k'anjelak chiru, ninye aawe naq chiruheb' li chihab' a'in maak'a'aq xchu'ke chi moko li hab', wi ink'a' laa'in tinyehoq re”.

San Mateo 20:15

Ma ink'a' naru tinb'aanu laa'in li nawaj rik'in li k'aru we? Malaj xik' nakawil naq chaab'ilin?».

Isaías 55:8

Xb'aan naq link'a'uxl moko jo' ta leek'a'uxl laa'ex, chi moko linb'e jo' ta leeb'e -chan li Qaawa'-.

San Lucas 10:21

Sa' ajwi' li honal a'an, li Jesus kisaho'k sa' xch'ool xb'aan li Santil Musiq'ej ut kixye: “Ninloq'on aawu, at inYuwa', laa'at aj eechal re li choxach'och', xb'aan naq xamuq a'in chiruheb' li wankeb' xna'leb' jo'wi' li seeb'eb' xch'ool, ut xak'ut chiruheb' li q'uneb' xch'ool. Yaal, at inYuwa', xb'aan naq jo'kan xwulak chawu.

Efesios 1:11

Sa' xk'ab'a' ajwi' li Kriist kooxaqab'aak chaq chi eechanink, sik'b'il chaq qu chi junxilaj jo' chanru ki'alaak sa' xch'ool li Yos li nab'aanunk re chixjunil, a' yaal chanru li xk'a'uxl ut li rajom,

Efesios 1:9

Kixk'e chiqanaw li xmuqmuukil na'leb', li ki'alaak sa' xch'ool ut kixk'uub' sa' xk'ab'a' li Kriist,

Romanos 9:20

At winq, k'a' aawu laa'at re xwech'b'al rix li Yos? Ma tixye tab'i' li pak'b'il sek' re laj pak'ol re: “K'a' naq xinaapak' chi jo'ka'in?”.

Romanos 9:15

Xb'aan naq li Yos kixye re laj Moisés: “Twuxtaana ru li ani twuxtaana ru; tintoq'ob'a ru li ani tintoq'ob'a ru”.

Apocalipsis 11:6

Eb' a'in wankeb' xwankil chi xtz'apb'al li choxa re naq ink'a' tixk'e li hab' sa'eb' li kutan yooqeb' wi' chi aatinak jo' propeet; wankeb' ajwi' xwankil chi xsutq'isinkil li ha' cho'q kik' jo'wi' re xrahob'tesinkil li ruuchich'och' rik'in chixjunil li rahilal jar wa te'raj xb'aanunkil.