San Lucas 3:5 - Q'eqchi Bible

⁵ Chixjunil li julux taab'ut'manq, chixjunileb' li tzuul ut eb' li b'ool te'kub'simanq xteram; li yokos ru taatiikob'resimanq ut li b'uk'ux ru taatuqub'amanq ru cho'q taq'a.

Li Santil hu

⁵ Teꞌtꞌanekꞌ li tzu̱l ut eb li cocꞌ bol ut teꞌbutꞌekꞌ eb li takꞌa ruheb. Ta̱ti̱cobresi̱k li be re nak ti̱c ru ta̱cana̱k.

San Lucas 3:5 ပူးပေါင်းရင်းမြစ်များ

Isaías 42:16

Tink'ameb' li mutz' sa' junaq b'e ink'a' numenaqeb' chisa', ut tinb'eresiheb' sa' junaq na'ajej b'arwi' toj maji' wanjenaqeb'. Chiruheb' a'an tinsutq'isi li aak'ab' cho'q saqenk, ut eb' li julux b'e te'kanaaq chi nat'anb'ak ru. Chixjunil li k'a'aq re ru a'in tinb'aanu; relik chi yaal naq tinb'aanu chi junpaat”, chan li Qaawa'.

Isaías 40:4

Chixjunil li taq'a chitaqsimanq ru, chixjunileb' li tzuul ut eb' li b'ool che'kub'simanq xteram; li yokos ru chitiikob'resimanq ut li b'uk'ux ru chituqub'amanq ru cho'q taq'a.

Isaías 49:11

Laa'in tintehoq b'e sa' chixjunileb' li k'iche' ut taatuqub'aaq ru chixjunil li b'e ak wank”, chan li Yos.

Isaías 45:2

K'amolb'ehaqin chawu ut tinkub'si xterameb' li tzuul. Tinpuk'iheb' li okeb'aal yiib'anb'il rik'in q'anch'iich' ut kok'puk' tinkanab'eb' li xnat'b'al rixeb'.

Ezequiel 17:24

Ut chixjunileb' li che' li wankeb' chiru tzuultaq'a te'xnaw naq laa'in li Qaawa'. Ninkub'si xwankil li che' naxnimob'resi rib' ut ninterq'usi li che' kub'enaq xwankil. Ninchaqihob'resi li raxche' ut nink'e chi raxo'k li chaqiche'. Laa'in li Qaawa' xin'aatinak ut tinb'aanu li xinye»”.

Santiago 1:9

Ex was wiitz'in, wi wank junaq neb'a' sa' eeyanq, chisaho'q rik'in naq naterq'usiik xloq'al xb'aan li Yos;