San Lucas 3:16 - Q'eqchi Bible

¹⁶ Kichaq'ok ut laj Jwan ut kixye reheb': “Laa'in ninkub'si eeha' yal rik'in ha', ab'an chalk re li q'axal nim xwankil chiwu laa'in, li moko ink'ulub' ta xhitb'al xk'aamal li xxaab'. A'an tixkub'si eeha' rik'in Santil Musiq'ej ut xam.

Li Santil hu

¹⁶ Laj Juan quichakꞌoc ut quixye reheb chixjunileb: —Ya̱l nak la̱in nincubsin haꞌ riqꞌuin haꞌ. Abanan cha̱lc re li kꞌaxal nim xcuanquil. Xban nak kꞌaxal nim xcuanquil chicuu la̱in, moco incꞌulub ta nak tinhit xcꞌa̱mal lix xa̱b. Aꞌan tixcubsi e̱haꞌ riqꞌuin li Santil Musikꞌej ut riqꞌuin xam.

San Lucas 3:16 ပူးပေါင်းရင်းမြစ်များ

Hechos 1:5

Laj Jwan kikub'sink ha' rik'in ha', ut laa'ex taakub'siiq eeha' rik'in Santil Musiq'ej, ink'a' chik k'iila kutan chirix a'in.

San Mateo 3:11

Laa'in ninkub'si eeha' yal rik'in ha', re naq teeyot' eech'ool teejal eek'a'uxl; ab'an li yo chi chalk chiwix a'an q'axal nim xwankil chiwu, ut laa'in ink'a' ink'ulub' xk'amb'al li xxaab'. A'an tixkub'si eeha' rik'in Santil Musiq'ej ut xam.

San Juan 1:33

Laa'in ink'a' ninnaw chaq ru, ab'an li kitaqlank chaq we chi kub'sink ha' xye we: «Li taawil wi' chi kub'eek li Musiq'ej ut tolkanaaq sa' xb'een, a'an li taakub'sinq ha' rik'in Santil Musiq'ej».

San Juan 1:26

Laj Jwan kixsumeheb' ut kixye: —Laa'in ninkub'sink ha' yal rik'in ha', ab'an sa' eeyanq wank jun li ink'a' nekenaw ru:

1 Corintios 12:13

Xb'aan naq kub'sinb'il qaha' rik'in jun chi Musiq'ej re xk'uub'ankil ru jun chi tz'ejwalej chiqajunilo laa'o, us ta aj judiiy malaj aj griego, eb' li loq'b'il moos ut eb' li ach'ab'anb'ileb'. Ut chiqajunilo xoo'uk'ak rik'in jun chi Musiq'ej.

Zacarías 13:9

Ut li jun jachal a'in tinnumsiheb' sa' xam, tinch'ajob'resiheb' jo' na'uxk re li plaat, tinpuuxi ruheb' jo' na'uxk re li oor. Toja' naq te'xyaab'a link'ab'a', ut laa'in tinsumeheb' chaq: «Intenamitex laa'ex», cha'qin reheb'; ut eb' a'an te'xye: «Li Qaawa' a'an li qaYos», cha'qeb'”.

Isaías 32:15

Ab'anan taqe'q taahoye'q chaq li Musiq'ej sa' qab'een. Toja' naq li chaqich'och' tkanaaq cho'q xna'aj awimq ut li xna'aj awimq taak'iche'o'q wi' chik.

Isaías 4:4

Naq li Qaawa' taarisi li xmaa'usilaleb' laj Sión ut tixkuy xmaakeb' li ke'kamsink aran Jerusalén, naq akaq xch'ajob'resi xsa' li tenamit rik'in li xloq'laj musiq' ut li xxamlel li xjosq'il,

Proverbios 1:23

Chek'ehaq reetal leetijb'al inb'aan, ut laa'in tinhoy linmusiq' sa' eeb'een; tink'e chetaw xyaalal li waatin.

Hechos 2:33

A'in kitaqsiik xb'aan xnim uq' li Yos, kixk'ul rik'in li Yuwa'b'ej li Santil Musiq'ej yeechi'inb'il xb'aan ut kixhoy, jo' yookex chi rilb'al ut chi rab'inkil.

San Juan 7:38

Jo' naxye li Santil Hu: Xnima'il yo'yookil ha' te'elq rik'in”.

Hechos 10:44

Toj yo ajwi' laj Pedro chi xyeeb'al eb' li aatin a'in, naq kikub'e chaq li Santil Musiq'ej sa' xb'een chixjunileb' li yookeb' chi ab'ink.

Ezequiel 36:25

Texinkirkisi chi chaab'il ha', ut ch'ajob'resinb'il chik texkanaaq; twisi eerik'in chixjunil leemaa'usilal ut texinch'ajob'resi re naq ink'a' chik teeloq'oniheb' li jalanil yos.

San Mateo 3:12

Ak wan chaq xk'anjelob'aal sa' li ruq' ut tixyamtes li xch'oxleb'aal: tixk'uula li xtriiw sa' li xk'uuleb'aal, ab'an li xk'imal tixk'at sa' xam li maajoq'e taachupq”.

San Juan 1:27

a' li yo chaq chi chalk chiwix, ut laa'in moko ink'ulub' ta xhitb'al xk'aamal li xxaab'.