San Lucas 3:14 - Q'eqchi Bible

¹⁴ Wankeb' ajwi' aj puub' ke'xpatz' re: —Ut laa'o, k'aru tento taaqab'aanu? Kichaq'ok a'an ut kixye reheb': —Maak'a' teemaq' re anihaq, mexjitok rik'in b'alaq'il aatin ut k'ojk'ooq leech'ool rik'in leetojb'al.

Li Santil hu

¹⁴ Ut cuanqueb ajcuiꞌ soldado queꞌpatzꞌoc ut queꞌxye re: —Ut la̱o, ¿cꞌaꞌru takaba̱nu? chanqueb. Quixye reheb: —Ma̱ ani te̱makꞌ cꞌaꞌru re ut ma̱ ani te̱kꞌaba chi ma̱cꞌaꞌ rajbal. Chicꞌojla̱k ban e̱chꞌo̱l riqꞌuin li joꞌ qꞌuial nequextojeꞌ cuiꞌ, chan.

San Lucas 3:14 ပူးပေါင်းရင်းမြစ်များ

Éxodo 20:16

“Matyoob'ank aatin chirix laawas aawiitz'in.

Filipenses 4:11

Ink'a' ninye a'in sa' xk'ab'a' naq wankin ta sa' rajb'al ru, xb'aan naq xintzol wib' chi wank chi k'ojk'o inch'ool sa' chixjunil li yookin chi xk'ulb'al.

Levítico 19:11

“Mex'elq'ak. Mextik'ti'ik chi moko cheb'alaq'i eerib' cherib'il eerib'.

Éxodo 23:1

“Matyoob'ank aatin chi moko chatenq'a li wank xmaak, rik'in xyeeb'al tik'ti'.

San Lucas 19:8

Toja' naq laj Zakeo kixaqliik ut kixye re li Qaawa': —Chakuy inmaak, at Qaawa'. Tink'e li xyiijachil linjunkab'lal reheb' li neb'a', ut wi wank junaq xwelq'a k'aru re, kaahib' wa chik xk'ihal a'an naq tinq'ajsi re.

Apocalipsis 12:10

Toja' naq kiwab'i jun xyaab' kuxej sa' choxa, kaw yo chi xyeeb'al: “Anaqwan ak xk'ulunk li kolb'a ib', li xnimal xloq'al ut li x'awab'ejihom li qaYos ut li xwankilal li xKriist, xb'aan naq xkute'k chaq taq'a laj jitol reheb' li qiitz'in, a' li najitok reheb' chiru li qaYos chi q'eq ut chi kutan.

Tito 2:3

Jo'kanaqeb' ajwi' li cheekel ixq: che'wanq xloq'aleb' li xyu'am jo' xk'ulub'eb' laj santil paab'anel; maawa'aqeb' aj yoob'anel aatin chi moko aj kalajenaqeb', a'anaqeb' b'an aj k'utul re li chaab'ilal,

Filipenses 2:15

re naq wanqex chi maak'a'aq eeq'usb'al ut saqaq ru leech'ool, ralalaqex li Yos chi maak'a' eemaak sa' xyanqeb' li tenamit a'an ink'a' useb' ut sachenaqeb' sa' li maak. Sa' xyanqeb' a'an nekexlemtz'unk jo'kex li chahim sa' ruuchich'och',

Hechos 10:7

Ka'ajwi' ki'elk li ánjel rik'in, laj Kornelio kixb'oq wiib'eb' li xmoos ut jun aj puub' chaab'il xch'ool sa' xyanqeb' li neke'k'anjelak chiru,

San Mateo 8:5

Naq yo chi ok li Jesus Kafarnaúm, jun xjolomileb' laj puub' kiwulak rik'in, kirelaji ru

San Lucas 3:10

Toja' naq eb' li tenamit ke'xpatz' re: —K'a' put ru tento taaqab'aanu?

San Lucas 3:13

Ut a'an kixye reheb': —Meepatz' xb'een li taqlanb'ilex wi'.