San Lucas 24:44 - Q'eqchi Bible

⁴⁴ Chirix chik a'an kixye reheb': —A'aneb' a'in li waatin xinye eere naq toj wankin chaq eerik'in: Tento naq taatz'aqloq ru chixjunil li tz'iib'anb'il chiwix sa' li xChaq'rab' laj Moisés, sa' xHuheb' li Propeet ut sa'eb' li Saalm.

Li Santil hu

⁴⁴ Ut quixye reheb: —Li cꞌaꞌru xincꞌul, aꞌan ajcuiꞌ li quinserakꞌi chak e̱re nak toj cuanquin chak saꞌ e̱ya̱nk. Tento nak ta̱tzꞌaklok ru chixjunil li tzꞌi̱banbil chak retalil chicuix saꞌ lix chakꞌrab laj Moisés, joꞌ ajcuiꞌ saꞌ lix hu eb li profeta ut saꞌ ajcuiꞌ li Salmos, chan reheb.

San Lucas 24:44 ပူးပေါင်းရင်းမြစ်များ

Zacarías 12:10

Ut sa' xb'eeneb' li ralal xk'ajol laj David ut eb' li wankeb' Jerusalén tinhoy jun musiq'ej re usilal ut tijok; toja' naq tine'xka'ya laa'in. Ut li xe'xpaynumi chi ch'iich' te'yot'e'q xch'ool ut te'yaab'aq chirix, jo' na'uxk yaab'ak chirix li xb'een alalb'ej malaj chirix li junaj chirib'il.

Zacarías 9:9

Jap aawe xb'aan xsahil aach'ool, at Sión, b'ichan chi anchal laawaanm, at Jerusalén. Xb'aan naq we' chaq laarey, tiik xch'ool ut aj q'axol u, tuulan ut wan chaq chirix jun ch'ina b'uur, ral li xul na'iiqank.

Hechos 13:33

kitz'aqlok ru xb'aan li Yos sa' qayanq laa'o li ralal xk'ajol. Xb'aan naq li Yos kixwaklesi chi yo'yo li Jesus, jo' chanru tz'iib'anb'il sa' xkab' li Saalm: «Laa'at li Walal; anaqwan xatinyoob'tesi».

San Lucas 9:22

Kixye reheb': —Li K'ajolb'ej tento tixk'ul naab'al li rahilal, tento taatz'eqtaanaaq xb'aaneb' li cheekel winq, li xb'eenileb' aj tij ut eb' laj tz'iib'; taakamsiiq ut taawakliiq chi yo'yo sa' rox li kutan.

Isaías 7:14

Jo'kan utan, a' ajwi' li Qaawa' tixk'ut cheru jun nimla eetalil. K'ehomaq reetal: li saaj ixq wank sa' yu'am; taawanq jun xk'uula'al teelom, ut Emmanuel tixk'e cho'q xk'ab'a'.

Apocalipsis 19:10

Toja' naq kint'ane'k rub'el roq li ánjel chi xloq'oninkil ru, ut a'an kixye we: “Maab'aanu a'in! Laa'in aawech moosil; wech moosileb' ajwi' eb' laawas aawiitz'in li neke'xk'uula sa' xch'ooleb' li xch'olob'ahom li Jesus. A' li Yos tento taaloq'on ru”, chan we. Xb'aan naq eb' li propeet a'aneb' li neke'xk'uula sa' xch'ooleb' li xch'olob'ahom li Jesus.

Hebreos 10:1

Li xChaq'rab' laj Moisés a'an yal xmuheel li sahilal toj chaalel, maawa' a'an li tz'aqal yaal. Jo'kan naq, ka'ajwi' rik'in li mayejak li na'uxmank rajlal chihab', li Chaq'rab' maajoq'e truuq xchaab'ilob'resinkil chi tz'aqal re ru li xyu'ameb' li neke'jilok chi xk'atq li Yos.

San Juan 5:46

Wi ta nekepaab' laj Moisés, nikineepaab' raj ajwi' laa'in, xb'aan naq chiwix kitz'iib'ak chaq a'an.

Zacarías 6:12

ut taaye re chi jo'ka'in: «Jo'ka'in xye li Nimajwal Yos: A'an a'in li winq li Tuxm naxk'ab'a'in. Taatuxmeq ut tixyiib' wi' chik li rochoch li Qaawa'.

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

Isaías 28:16

Jo'kan naq li Qaawa' kixye chi jo'ka'in: “K'ehomaq reetal naq aran Sión tink'ojob' jun li pek sik'b'il ru ut jwal loq'; a'anaq li xnimal ru pek ut rub'elankilaq li ochoch. Li k'ojk'o sa' xb'een a'an, ink'a' taawiib'anq xch'ool.

Salmos 118:22

Li pek li xtz'eqtaanaak xb'aaneb' laj kab'lanel a'an li xkanaak cho'q xnimal ru pek sa' li kab'l.

Zacarías 13:7

Li Nimajwal Yos naxye chi jo'ka'in: “Ajsi aawu, at q'esnal ch'iich', re xkamsinkil laj k'aak'alenel, ut kamsi li natenq'ank we. Kamsi laj ilol ketomq, ut eb' li karneer te'xcha'cha'i rib'eb'; ut laa'in ink'a' tintoq'ob'a ruheb' li kok' karneer.

Oseas 3:5

Ab'anan taawulaq xq'ehil naq eb' laj Israel te'sutq'iiq chaq. Tole'xsik' li Qaawa', li xYoseb', jo' ajwi' laj David, li x'awab'ejeb'. Sa' roso'jikeb' li kutan te'chalq chi siksootqeb' chiru li Qaawa' ut te'xyal wi' chik li rusilal.

Ezequiel 34:23

“Tinxaqab' jun ajwi' aj k'aak'alehom reheb', a' laj David aj k'anjel chiwu. A'an taa'iloq ut taab'eresinq reheb'.

Isaías 52:13

Laj K'anjel chiwu jwal us taa'elq rik'in li k'aru tixb'aanu; nimaq xwankil ut taaterq'usiiq xloq'al, q'axal taanimaaq li xk'ab'a'.

Génesis 22:18

Sa' xk'ab'a'eb' laawalal aak'ajol osob'tesinb'ilaqeb' chixjunil li tenamit sa' ruuchich'och', xb'aan naq xapaab' li waatin»”.

Hebreos 9:8

Rik'in a'in li Santil Musiq'ej naxk'ut chiqu naq toj maji' teeto xb'ehil li Santil Na'ajej, wi toj xaqxo li xb'een Muheb'aal.

San Juan 5:39

“Laa'ex nekek'e eech'ool chi xtzolb'al chi us xsa' li Santil Hu xb'aan naq nekek'oxla xtawb'al li junelik yu'am chisa'. A' li Santil Hu na'aatinak chiwix,

Zacarías 14:4

Sa' li kutan a'an li Qaawa' tixxaqab' li roq sa' xb'een li tzuul Oliiw, li wank sa' xka'yab'aal Jerusalén, sa' releb'l li saq'e. Ut li tzuul Oliiw taajache'q sa' xyi, chalen sa' xjayal releb'l saq'e ut sa' rokeb'l, ut jun nimla taq'a taatehonq aran: jun jachal li tzuul taakanaaq sa' xjayal releb'l iq' ut li jun jachal chik taakanaaq sa' xjayal xsak'leb' iq'.

Daniel 7:13

“Sa' ajwi' li q'oqyink a'an, sa' moy u, kiwil naq sa' choxa kikub'e chaq jun chanchan li winq: koho wan wi' li cheekel winq ut koxxaqliiq chiru.

Daniel 2:44

“Chiru li xyu'amileb' li awab'ej a'an, li xYos li choxa tixwaklesi chaq jun awab'ejihom li maajun wa taajuk'manq, chi moko taakanaaq rub'el xwankil jalan chik tenamit. Tixjuk'i ut tixputz'iheb' li awab'ejihom junch'ol, ut a'an wanq xwankil chi junelik.

Ezequiel 17:22

«Laa'in, li Qaawa', ninye chi jo'ka'in: Laa'in ajwi' tinchap xsa' ru'uj jun li yaw, tinch'ot ru'uj jun li ruq' ut laa'in ajwi' tin'awoq re sa' jun li tzuul jwal najt xteram,

Jeremías 23:5

“Taawulaq xkutankil naq tinxaqab' junaq ralal laj David, q'axal tiikaq xch'ool ut wanq xna'leb' chi awab'ejink; a'an tixk'anjela ru li tiikilal ut li k'ulub'ej sa' li na'ajej a'in.

Números 35:25

ut li komonil tento tixkol xyu'am laj kamsinel ras riitz'in chiru laj eeqajunel kik'. Tento ajwi' tixtaqla wi' chik sa' li tenamit xmuq wi' rib'. Ut aran taakanaaq li xkamsi ras riitz'in toj reetal taakamq li xyuwa'il laj tij li yulb'il rik'in loq'laj oleo.

Números 21:8

ut li Qaawa' kixye re laj Moisés: “Yiib' junaq k'anti' xkomoneb' li neke'kamsink ut taqsi chi ru'uj junaq che'. Chixjunil li tiwb'il xb'aan junaq k'anti', taak'iraaq naq taaril a'an”, chan.

Génesis 3:15

Tink'e naq xik' teeril eerib' laa'at ut li ixq. Jo'kanaq ajwi' eb' laawal ut eb' li ralal xk'ajol li ixq: ut jun reheb' tixpitz' laajolom naq laa'at taakut aawib' chi rit roq”.

San Juan 3:14

Ut kama' naq laj Moisés kixtaqsi li k'anti' sa' li chaqich'och', jo'kan ajwi' tento taataqsiiq li K'ajolb'ej,

San Lucas 24:46

Ut kixye reheb': —Jo'ka'in tz'iib'anb'il: «Tento naq li Kriist taarahob'tesiiq ut taawakliiq chi yo'yo sa' xyanqeb' li kamenaq sa' rox li kutan;

Jeremías 33:14

“Taawulaq xkutankil -chan li Qaawa'- naq taatz'aqloq ru linyeechi'om reheb' li ralal xk'ajol laj Israel ut laj Judá.

Génesis 49:10

Ink'a' taa'isiiq li xuq' rik'in laj Judá, chi moko li reetalil xwankil taa'elq sa' xyanq li roq, toj reetal taachalq li tento tixk'ul a'an, a' li tento taapaab'aaq xb'aaneb' li tenamit.

Génesis 14:18

Toja' naq laj Melkisedek, awab'ej re Salem, kixyeechi'i xwa ut b'iin, xb'aan naq a'an aj tij chiru li Nimajwal Yos.

Hebreos 7:1

Laj Melkisedek a'an awab'ej re Salem ut aj tij chiru li Nimajwal Yos. Ki'elk chi xk'ulb'al laj Abrahán, ut kirosob'tesi naq a'in yo chaq chi sutq'iik chi ak xsacheb' chaq eb' li awab'ej.

Hebreos 3:5

Relik chi yaal naq laj Moisés kipaab'ank sa' xb'een chixjunil li rochoch li Yos jo' aj k'anjel, re xyeeb'al resil li k'aru taak'utb'esimanq moqon.

Hechos 7:37

A'an a'in laj Moisés li kiyehok reheb' laj Israel: «Li Yos tixwaklesi cho'q eere jun li propeet kama' laa'in, sa' xyanqeb' leeras eeriitz'in».

San Lucas 22:37

Ninye eere naq tento taatz'aqloq ru wik'in li tz'iib'anb'il chaq sa' li Santil Hu: «Xe'xk'e sa' ajl sa' xyanqeb' li ink'a' useb' xch'ool». Xb'aan naq tz'aqlok re li tz'iib'anb'il chaq chiwix.

San Lucas 21:22

xb'aan naq a'anaq xkutankil li q'ajkamunk ut taatz'aqloq ru chixjunil li tz'iib'anb'il chaq.

San Lucas 9:44

—Chek'ehaq sa' leech'ool laa'ex eb' li aatin a'in: li K'ajolb'ej taaq'axtesiiq sa' ruq'eb' li winq.

San Mateo 26:56

Ab'an chixjunil a'in xk'ulmank re naq chitz'aqloq ru li xtz'iib'ahomeb' chaq li Propeet. Toja' naq chixjunileb' li xtzolom ke'xkanab' ut ke'elelik.

San Mateo 26:54

Ab'an chan raj ru naq taatz'aqloq ru li tz'iib'anb'il sa' li Santil Hu li naxye naq jo'ka'in tento taak'ulmanq?

San Mateo 16:21

Chalen utan li Jesus kixtikib' xk'utb'al chiruheb' li xtzolom naq tento taaxik Jerusalén ut naab'al li rahilal tixk'ul sa' ruq'eb' li cheekel winq, li xb'eenileb' aj tij ut eb' laj tz'iib'; kixye ajwi' naq taakamsiiq ut taawakliiq chi yo'yo sa' rox li kutan.

Amós 9:11

“Sa' li kutan a'an tinwaklesi wi' chik li t'anjenaq ochoch re laj David. Tintz'api li xpaapookil, tinyiib' wi' chik li ak juk'ulk ut tinkab'la jo' naq kiwank chaq junxil,

1 Pedro 1:11

Ke'xyal xq'e chi xtawb'al xyaalal jo'q'e xq'ehil ut xhonal taak'ulmanq li yo chaq chi k'utb'esiik chiruheb' xb'aan li xMusiq' li Kriist: xb'aan naq li Musiq'ej wan chaq rik'ineb', ut kixye chi junxilaj li rahilal tixkuy li Kriist jo'wi' li xnimal xloq'al tixk'ul toj moqon.

Hechos 3:18

Ab'anan li Yos xk'e chi tz'aqlok ru li k'aru kixyeechi'i chaq chi xtz'uumal reheb' chixjunil li propeet, naq li xKriist tixk'ul rahilal.

San Marcos 9:31

xb'aan naq yo chi xtzolb'aleb' li xtzolom; naxye reheb': —Li K'ajolb'ej taaq'axtesiiq sa' ruq'eb' li winq; taakamsiiq ut oxib'aq kutan xkamik taawakliiq chi yo'yo.

San Mateo 1:22

Chixjunil a'an kik'ulmank re naq kitz'aqlok ru li yeeb'il chaq xb'aan li Qaawa' chi xtz'uumal re li propeet:

Hechos 2:27

xb'aan naq ink'a' tinaakanab' sa' xna'ajeb' li kamenaq chi moko taak'e chi q'aak laj santil k'anjel chawu.

Hechos 13:40

Chek'ehaq b'i' reetal, michalk sa' eeb'een li xyehomeb' li propeet: