San Lucas 23:11 - Q'eqchi Bible

¹¹ Ab'anan laj Herodes naq ak xtz'eqtaana ut xreetz'u li Jesus, rochb'eeneb' laj puub' li wankeb' rik'in, kixk'e jun xchaq'alil ru aq'ej chirix ut kixtaqla wi' chik rik'in laj Pilaat.

Li Santil hu

¹¹ Laj Herodes ut eb li soldado queꞌxtzꞌekta̱na ut queꞌxhob. Queꞌretzꞌu ut queꞌxqꞌue li cha̱bil tꞌicr chirix joꞌ nequeꞌrocsi li rey. Ut laj Herodes quixtakla cuiꞌchic riqꞌuin laj Pilato.

San Lucas 23:11 ပူးပေါင်းရင်းမြစ်များ

Isaías 53:3

A'an tz'eqtaananb'il ut xik' ilb'il xb'aaneb' li poyanam, a'an jun li winq junes ra naril ut k'aynaq chi k'uluk rahilal; chanchan junaq li maajun naraj ilok re, majewanb'il chi moko xqak'e sa' xnaq' qu.

San Juan 19:5

Toja' naq ki'elk li Jesus chirix kab'l, wank li xkoroon k'ix ut li xkaqi aq'. —Waye' li winq! chan laj Pilaat reheb'.

San Marcos 9:12

Kixsumeheb' ut kixye: —Taak'ulunq xb'enwa laj Elías ut tolxk'e wi' chik chixjunil sa' xna'aj; ab'anan chan put ru naq tz'iib'anb'il chirix li K'ajolb'ej naq naab'al li rahilal tixk'ul ut taatz'eqtaanaaq?

Isaías 49:7

A'in xyehom li Qaawa', laj Kolonel ut li xSant laj Israel; jo'ka'in kixye re li jun li jwal tz'eqtaananb'il. A'in xyehom li Yos re li jun majewanb'il sa' xyanqeb' chixjunileb' li tenamit, re li wank chi munil rub'el xwankileb' li josq' aj rahob'tesinel: “Naq eb' li awab'ej ut eb' li xninqal ru winq te'ril aawu, te'xaqliiq ut te'xk'utzub' rib' chawu, xb'aan naq laa'in li Qaawa', li xSant laj Israel: laa'in xinsik'ok aawu ut ninb'aanu li k'aru ninyeechi'i”.

Salmos 22:6

Ke'xyaab'a laak'ab'a' ut ke'kole'k; ke'xk'ojob' xch'ool aawik'in ut ink'a' ke'b'alaq'iik.

San Mateo 14:1

Sa'eb' li kutan a'an li rey Herodes kirab'i resil li nayeemank chirix li Jesus,

San Mateo 14:3

Laj Herodes kixye a'in xb'aan naq a'an li kichapok re laj Jwan ut chi b'ak'b'o kixk'e sa' tz'alam, xmaak lix Herodías, li rixaqil laj Filipo li riitz'in.

San Mateo 14:6

Sa' xninq'ehinkil xyo'lajik laj Herodes, li xko' lix Herodías kixajok sa' xyiheb' chixjunil ut kiwulak chiru laj Herodes:

San Lucas 23:10

Wankeb' aran li xb'eenil aj tij ut eb' laj tz'iib', kaw yookeb' chi xjitb'al.

Santiago 2:2

Qayehaq: mare sa' leech'utam tox'okaq junaq q'axal chaab'il xtiqib'ankil ut wank xmatq'ab' oor, ut tox'okaq ajwi' junaq neb'a' chi tz'ajn ru li raq'.

Santiago 2:3

Wi teek'ul chi chaab'il li tiqto chi us ut teeye re: “K'ojlan arin sa' chaab'il na'ajej”, a'ut li neb'a' teeye re: “Laa'at kanaaqat aran chi xaqxo”, malaj: “Chunlan chi woq”,