San Lucas 22:20 - Q'eqchi Bible

²⁰ Jo'kan ajwi' kixb'aanu rik'in li uk'leb'-sek', naq ak xraqe'k chi wa'ak: —Li sek' a'in a'an li Ak' Sumwank sa' xk'ab'a' linkik'el hoyb'il sa' eek'ab'a' laa'ex.

Li Santil hu

²⁰ Joꞌcan ajcuiꞌ quixba̱nu nak ac xrakeꞌ chi cuaꞌac. Quixchap li secꞌ re ucꞌac ut quixye: —Aꞌan aꞌin retalil li acꞌ contrato li ta̱xakaba̱k xcuanquil riqꞌuin lin quiqꞌuel li ta̱hoyekꞌ nak tincamsi̱k saꞌ e̱cꞌabaꞌ la̱ex, chan.

San Lucas 22:20 ပူးပေါင်းရင်းမြစ်များ

1 Corintios 11:25

Jo'kan ajwi' kixb'aanu rik'in li uk'leb'-sek' naq ak xraqe'k chi wa'ak: “Li sek' a'in a'an li Ak' Sumwank sa' xk'ab'a' linkik'el -chan-. Jar wa teeruk' xsa', cheb'aanu a'in re xnimankil injultikankil”.

San Mateo 26:28

Xb'aan naq a'an a'in linkik'el re li Sumwank, hoyb'il sa' xk'ab'a' chixjunileb' re xkuyb'al xsachb'al li xmaakeb'.

Zacarías 9:11

At Jerusalén, sa' xk'ab'a' li sumwank xinb'aanu aawik'in rik'in kik' twisiheb' chaq sa' li jul maak'a' ha' chisa' jo'k'ihaleb' li wankeb' chaq chi preexil.

Hebreos 13:20

Li Yos aj k'ehol tuqtuukilal, li kiwaklesink re li Jesus sa' xyanqeb' li kamenaq, a' li Qaawa', li xnimal ru aj K'aak'alenel karneer sa' xk'ab'a' xkik'elil li junelik Sumwank,

Éxodo 24:8

Toja' naq laj Moisés kixchap li kik', kixrachrachi sa' xb'een li tenamit ut kixye: “Rik'in li kik' a'in xaqab'anb'il xwankil li Sumwank li xb'aanu li Qaawa' eerik'in, jo' tz'iib'anb'il sa' li hu a'in”.

Hebreos 12:24

Xexjilok chi xk'atq li Jesus, li na'okenk chirix li ak' Sumwank; xexjilok rik'in li kik' nokooxch'ajob'resi, li q'axal chaab'il chik na'aatinak chiqix chiru li xkik'el laj Abel.

Jeremías 31:31

“Chalk re li kutan -chan li Qaawa'- naq laa'in tink'ojob' jun ak' Sumwank rik'ineb' laj Israel ut eb' laj Judá,

Hebreos 9:17

xb'aan naq li testameent ka'ajwi' rik'in li kamk naxaqliik xwankil, ut naq toj yo'yo laj k'ehol re, toj maak'a' xk'anjel li testameent.

2 Corintios 3:6

a'an xooxkawresi cho'q aj k'anjel chiru jun Ak' Sumwank, maawa' re li tz'iib'anb'il chiru pek, re b'an li Musiq'ej. Xb'aan naq li tz'iib'anb'il nakamsink, ut li Musiq'ej nak'ehok yu'am.

Hebreos 9:15

A'in aj e naq li Kriist na'okenk chirix jun li ak' Sumwank. Rik'in li xkamik naxsacheb' li maak uxb'ileb' naq toj wan chaq li xb'een Sumwank, ut eb' li sik'b'ileb' ru xb'aan li Yos neke'xk'ul li ereens li ink'a' nalajk na'oso'k, a' li kiyeechi'iik chaq reheb'.

San Marcos 14:24

Ut kixye reheb': —A'an a'in linkik'el re li Sumwank, hoyb'il sa' xk'ab'a' chixjunileb'.