San Lucas 22:19 - Q'eqchi Bible

¹⁹ Chirix chik a'an kixchap li wa, kiyoxink, kixjachi ut kixk'e reheb': —A'an a'in lintz'ejwal q'axtesinb'il sa' eek'ab'a'. Cheb'aanu a'in re xnimankil injultikankil.

Li Santil hu

¹⁹ Ut quixchap li caxlan cua, quixbantioxi chiru li Dios, tojoꞌnak quixjachi ut quixqꞌue reheb lix tzolom ut quixye: —Aꞌan aꞌin lin tzꞌejcual, kꞌaxtesinbil re camsi̱c saꞌ e̱cꞌabaꞌ la̱ex. Cheba̱nuhak re xjulticanquil lin camic, chan.

San Lucas 22:19 ပူးပေါင်းရင်းမြစ်များ

1 Corintios 10:16

Li osob'tesinb'il sek' nokooyoxink wi' ma maawa' tab'i' a'an li sumwank rik'in xkik'el li Kriist? Ut li wa naqajachi ma maawa' tab'i' a'an li sumwank rik'in xtz'ejwal li Kriist?

San Lucas 22:20

Jo'kan ajwi' kixb'aanu rik'in li uk'leb'-sek', naq ak xraqe'k chi wa'ak: —Li sek' a'in a'an li Ak' Sumwank sa' xk'ab'a' linkik'el hoyb'il sa' eek'ab'a' laa'ex.

1 Corintios 10:4

Chixjunileb' ajwi' ke'uk'ak rik'in jun chi musiq'ejil uk'a', xb'aan naq neke'uk'ak rik'in li musiq'ejil saqoonak li yo chi taaqenk reheb'; ut li saqoonak, a'an li Kriist.

Salmos 111:4

Kixb'aanu sachb'ach'oolej li tento xjultikankil. Li Qaawa' a'an aj uxtaan ut natoq'ob'ank u.

Tito 2:14

A'an kixq'axtesi rib' sa' qak'ab'a' laa'o re qakolb'al chiru chixjunil li maa'usilal, jo'wi' re reechaninkil jun xtenamit saq ru xch'ool, q'axtesinb'ilaq chi xb'aanunkil li us.

1 Pedro 2:24

A'an ajwi' li kik'amok re li qamaak sa' xjunxaqalil chiru li krus re naq kamenaqaqo chiru li maak ut yo'yooqo cho'q re li tiikilal: rik'in li xtiq'ilal xexk'irtasiik laa'ex.

Efesios 5:2

ut chexwanq sa' li rahok kama' naq kexra li Kriist ut kixq'axtesi rib' sa' qak'ab'a' jo' chaab'il mayej ut loq'laj yeechi'om, sununk xb'ook chiru li Yos.

Gálatas 1:4

A'an kixq'axtesi rib' sa' xk'ab'a' li qamaak re qakolb'al chiru li ruuchich'och' a'in li ink'a' us, xb'aan naq jo'kan kiraj li Yos li qaYuwa'.

San Juan 6:51

Laa'in li yo'yookil wa xinkub'e chaq sa' choxa. Li taawa'oq re li wa a'in, yo'yooq chi junelik; ut li wa tink'e laa'in, a'an lintz'ejwal re twanq xyu'am li ruuchich'och'”.

San Lucas 24:30

Naq yo chi hilank sa' meex rochb'eeneb', kixchap li wa, kiyoxink sa' xb'een, kixjachi ut kixtikib' xk'eeb'al reheb'.

San Mateo 14:19

Ut kixtaqlaheb' chi hilank li tenamit sa' li pach'aya', kixchap li oob' chi wa ut li wiib' chi kar, kixtaqsi li rilob'aal sa' choxa, kiyoxink ut kixjachi li wa; kixk'e reheb' li xtzolom, ut eb' li xtzolom ke'xjek'i reheb' li tenamit.

San Juan 6:23

Ab'anan wankeb' kok' jukub' ke'elk chaq Tiberias, ke'wulak nach' rik'in li na'ajej b'arwi' ke'wa'ak.

San Lucas 22:17

Toja' naq kixchap jun li uk'leb'-sek', kiyoxink ut kixye: —K'ulumaq a'in ut jek'ihomaq sa' eeyanq,

Cantares 1:4

K'amin chawix, aanilaqo! Chinaawoksi sa' laawarib'aal, at in'awab'ej, re toosaho'q ut tooninq'ehiq qakab'ichal, ut q'axal chik tqayal xsahil laarahom chiru li b'iin! Jo'kan pe' naq raarookat!

1 Ts 5:18

Chexyoxinq chirix jo'ch'inal jo'nimal li nekek'ul, xb'aan naq a'an a'in li naraj li Yos naq teeb'aanu, sa' xk'ab'a' li Kristo Jesus.

Daniel 2:38

A'an xk'ehok rub'el laawoq eb' li poyanam, eb' li ketomq jo'wi' eb' li xul neke'xik'ank chiru choxa, ut xxaqab' aawankil sa' xb'een chixjunil li ruuchich'och'. Laa'at li jolomej oor, at awab'ej.

Gálatas 4:25

xb'aan naq li tzuul Sinaí wank aran Arabia. Lix Agar a'an reetalil li Jerusalén wank anaqwan, k'ayinb'il chi k'anjelak kama' ajwi' eb' li ralal xk'ajol.

Ezequiel 37:11

Ut li Qaawa' kixye we: “At kaamel winq, eb' li b'aq a'in a'aneb' chixjunileb' li ralal xk'ajol laj Israel. Anaqwan yookeb' chi xyeeb'al: «Xe'chaqik li qab'aqel ut maak'a' chik qoyb'enihom; xoo'oso'k chiqajunilo», chankeb'.

San Mateo 15:36

kixchap li wuqub' chi wa ut eb' li kar, kiyoxink, kixjachi, yo chi xk'eeb'al reheb' li xtzolom ut eb' li xtzolom ke'xjek'i reheb' li tenamit.

Ezequiel 5:5

“Jo'ka'in ninye laa'in li Qaawa': A'an a'in Jerusalén li kink'ojob' sa' xyiheb' li tenamit sa' ruuchich'och'.