San Lucas 21:19 - Q'eqchi Bible

¹⁹ Rik'in xkawub' eech'ool teekol leeyu'am.

Li Santil hu

¹⁹ Cui incꞌaꞌ nachꞌinan e̱chꞌo̱l saꞌ le̱ pa̱ba̱l usta yo̱kex chi cꞌuluc raylal te̱re̱chani li junelic yuꞌam.

San Lucas 21:19 ပူးပေါင်းရင်းမြစ်များ

Hebreos 10:36

Na'ajmank ru naq wanq eekuyum sa' li rahilal re xb'aanunkil li rajom li Yos ut xk'ulb'al li k'aru yeechi'inb'il chaq xb'aan.

San Mateo 10:22

Chixjunileb' xik' te'iloq eere sa' ink'ab'a'; ab'an li tixk'e xch'ool toj sa' roso'jik, a'an taakole'q.

Santiago 1:3

Laa'ex nekenaw naq li xyalb'al rix leepaab'aal nak'amok chaq li kuyuk rahilal;

Apocalipsis 3:10

Laa'at xak'uula sa' aach'ool li waatin xinye chirix li kuyuk, jo'kan naq laa'in ajwi' tatinkol sa' xhonalil li yale'k chalk re junsut junrub'el choxa re xyalb'aleb' rix li wankeb' sa' ruuchich'och'.

Romanos 5:3

Ut moko ka'aj ta wi' rik'in a'in, naqanima aj b'an wi' qib' toj sa'atqeb' li qarahilal, xb'aan naq naqanaw naq li rahilal naxyoob' xnimal kuyum;

Romanos 2:7

li Yos tixk'e junelik yu'am reheb' li ninqeb' xkuyum chi xb'aanunkil li us, jo'k'ihaleb' li neke'xsik' li loq'al, li chaab'ilal ut li yu'am ink'a' nalajk na'oso'k.

Apocalipsis 13:10

“Ani tento taaxik sa' tz'alam, sa' tz'alam taaxik; ani tento taakamsiiq rik'in ch'iich', rik'in ch'iich' taakamsiiq”. Jo'ka'in neke'kuyuk ut neke'paab'ank eb' li sant.

Salmos 37:7

Hilan rik'in li Qaawa', chiwanq aawoyb'enihom rik'in; matjosq'o'k xb'aan li winq li us na'elk sa' chixjunil, chi moko xb'aaneb' li tenamit li junes raaxiik' neke'xyoob'.

Apocalipsis 14:12

Arin na'ajmank ru li xkuyumeb' li sant, a'aneb' li neke'xk'e xch'ool chirix li xchaq'rab' li Yos ut chi xpaab'aankil li Jesus.

Hebreos 6:11

Ab'anan naqaj naq li junjunq sa' eeyanq chixyalaq ajwi' xq'e toj sa' roso'jik, toj reetal taatz'aqloq ru li qoyb'enihom,

1 Ts 1:3

Junelik wank sa' qach'ool chiru li qaYos ut qaYuwa' li xk'anjel leepaab'aal, li xkuyum leerahom ut li xkawil eech'ool chi yo'onink sa' xk'ab'a' li Jesukriist li Qaawa'.

San Mateo 24:13

Ab'anan ani tixk'e xch'ool toj sa' roso'jik, a'an taakole'q.

Apocalipsis 1:9

Laa'in laj Jwan, leeras eeriitz'in ut leerochb'een sa' li raaxiik', sa' li xnimajwal awab'ejihom li Yos ut sa' li kuyuk sa' xk'ab'a' li Jesus, wankin chaq sa' jun li na'ajej sutsu xb'aan li palaw, Patmos xk'ab'a', sa' xk'ab'a' li raatin li Yos ut sa' xk'ab'a' xch'olob'ankil resil li Jesus.

Hebreos 6:15

Ut sa' xk'ab'a' li xnimal xkuyum, laj Abrahán koxtaw li kiyeechi'iik re.

2 Ts 3:5

A' taxaq li Qaawa' chib'eresinq leech'ool sa' li xrahom li Yos ut sa' li royb'eninkil li Kriist rik'in xnimal eekuyum.

Romanos 8:25

Ab'an wi li qoyb'enihom ink'a' naqil ru, a'an q'axal naqayo'oni rik'in xnimal qakuyum.

San Lucas 8:15

Li kit'ane'k sa' chaab'il ch'och' a'aneb' li neke'ab'ink re li Aatin ut neke'xk'uula sa' chaab'ilal ut chi anchaleb' xch'ool, ut neke'uuchink xb'aan naq junelik neke'xkuy xk'anjelankil ru.

Salmos 40:1

Re li xjolomileb' laj b'ichanel. Xsaalm laj David.

Romanos 15:4

Jo'ch'inal jo'nimal kitz'iib'aak chaq junxil, re qatzolb'al naq kitz'iib'aak chaq, re naq rik'in li xkawub' qach'ool ut li xk'ojob'ankil li qaanm naxk'e li Santil Hu chiwanq xnimal qoyb'enihom chi junelik.

Habacuc 3:16

Naq xwab'i a'in, k'ajo' naq xxiwak xsa' linsa'; xb'aan li xyaab' aakux ink'a' chik ninruuk chi aatinak, ut x'ok jun raxkehob' sa' chixjunil linb'aqel: neke'parpotk eb' li woq sa' linb'eenik. Ab'an k'ojk'o linch'ool royb'eninkil li xkutankil li rahilal taachalq sa' xb'eeneb' li neke'rahob'tesink qe.

Romanos 5:4

li xnimal kuyum naxyoob' li tz'aqal chaab'ilal; li tz'aqal chaab'ilal naxyoob' li oyb'enink,

Santiago 1:4

ab'anan chexkuyuq chi tz'aqal re ru, re naq tz'aqalaq eere eeru ut chaab'ilaqex, chi maak'a' majelaqex wi' sa' leepaab'aal.

2 Pedro 1:6

li loq'laj na'leb'ak rik'in li taqlank sa' xb'een leetz'ejwal, li taqlank sa' xb'een leetz'ejwal rik'in li kawil ch'oolej, li kawil ch'oolej rik'in xloq'oninkil li Yos,