San Lucas 2:41 - Q'eqchi Bible

⁴¹ Rajlal chihab' li xna' xyuwa' li Jesus neke'xik Jerusalén chi xninq'ehinkil li Paswa.

Li Santil hu

⁴¹ Rajlal chihab nequeꞌxic lix naꞌ xyucuaꞌ aran Jerusalén chixninkꞌeinquil li reliqueb Egipto. Pascua nequeꞌxye re li ninkꞌe aꞌan.

San Lucas 2:41 ပူးပေါင်းရင်းမြစ်များ

Deuteronomio 12:18

Taatzeka eb' a'in naq wanqex chiru li Qaawa' laaYos, sa' li na'ajej sik'b'il ru xb'aan li Qaawa' laaYos, ut ka'ajwi' aran tattzekanq aawochb'eeneb' laawalal aak'ajol, eb' laj k'anjel chawu jo'wi' eb' laj Leví li wankeb' sa' eeyanq. Ut sahaq sa' laach'ool chiru li Qaawa' laaYos rik'in chixjunil li k'anjel xab'aanu.

San Juan 2:13

Taanach'oq chaq li Paswa, xninq'eheb' laj Judiiy. Kitaqe'k li Jesus Jerusalén

1 Samuel 1:21

Chirix chik a'an laj Elkaná li xb'eelom koho Siló rochb'een chixjunil li xjunkab'al re xpaab'ankil li xyeechi'om jo'wi' re mayejak chiru li Qaawa' jo' na'uxmank rajlal chihab'.

1 Samuel 1:3

Li winq a'an rajlal chihab' nataqe'k chaq sa' li tenamit chi loq'onink ut yeechi'ink mayej chiru li Nimajwal Yos aran Siló, b'arwi' wankeb' li wiib' chi ralal laj Elí, aj Jofní ut aj Pinjás xk'ab'a'eb', aj tijeb' chiru li Qaawa'.

Deuteronomio 16:16

“Oxib' sut sa' li jun chihab' chixjunileb' li winq te'xk'ut chaq rib' chiru li Qaawa' laaYos, sa' li na'ajej sik'b'il ru xb'aan: sa' xninq'e li Wa ink'a' yuub'il, sa' xninq'eheb' li Xamaan ut sa' xninq'eheb' li Muheb'aal. Maajun toxk'ut rib' chiru li Qaawa' chi maak'a' wanq sa' ruq';

Deuteronomio 12:11

toja' naq teek'am chixjunil li k'aru nekexintaqla wi' anaqwan, teeroksi sa' li na'ajej xaqab'anb'il xb'aan li Qaawa' leeYos cho'q rochochil li xk'ab'a': teek'am leek'atb'il mayej ut leeyeechi'om, li xlajeetqil li k'a'aq re ru eere, leetenq'aal jo'wi' li na'alaak sa' leech'ool, li q'axal chaab'il mayej eeyeechi'om sa' jurament re li Qaawa'.

Números 28:16

“Sa' li kaalaju xb'e li xb'een po taaninq'ehimanq li xPaswa li Qaawa',

Levítico 23:5

“Sa' li kaalaju xb'e li xb'een po, naq taa'ewuuq, taaninq'ehimanq li xPaswa li Qaawa'.

Éxodo 34:23

“Ox sut chiru li chihab' te'xk'ut chaq rib' chixjunileb' li winq chiru li Qaawa', xYos laj Israel.

Éxodo 12:14

Li kutan a'an a'anaq xnimal ru kutan cho'q eere, ut laa'ex teenima junelik rik'in jun ninq'e sa' xk'ab'a' li Qaawa'. Teexaqab' chi junajwa cho'q xnimal ru ninq'e.

San Juan 13:1

Rub'elaj chaq xninq'ehinkil li Paswa naxnaw li Jesus naq xwulak xhonal naq taa'elq sa' li ruuchich'och' a'in ut taaq'axonq rik'in li Yuwa'b'ej. Jo' naq kixraheb' li xtzolom li wankeb' sa' ruuchich'och', kixraheb' chi tz'aqal re ru toj sa' roso'jik.

San Juan 11:55

Taanach'oq chaq li Paswa, xninq'eheb' laj Judiiy, ut naab'aleb' li wankatqeb' sa' li na'ajej a'an ke'taqe'k Jerusalén rub'elaj li Paswa chi xch'ajob'resinkileb' rib'.

San Juan 6:4

Taanach'oq chaq li Paswa, li xninq'eheb' laj Judiiy.

Éxodo 12:11

Jo'ka'in naq teetiw: chi b'ak'b'ooq leesa', wanq eexaab' cheroq ut wanq eexuq' sa' eeruq'; ut chi junpaat teetiw xb'aan naq a'an li xPaswa li Qaawa'.

San Lucas 2:42

Naq li Jesus kixkooloni kab'laju chihab', koheb' sa' li ninq'e jo' k'aynaqeb' xb'aanunkil.