San Lucas 2:36 - Q'eqchi Bible

³⁶ Wank ajwi' aran jun propeet, x'Ana xk'ab'a', xrab'in laj Fanuel, yo'lajenaq sa' li xteepal laj Aser. A'an ak xikenaq xhab'. Toj saaj naq kisumlaak ut wuqub' chihab' ajwi' kiwank rik'in li xb'eelom.

Li Santil hu

³⁶ Ut cuan ajcuiꞌ jun li xma̱lcaꞌan aran profeta, xAna xcꞌabaꞌ. Aꞌan xrabin laj Fanuel xcomoneb li ralal xcꞌajol laj Aser. Ac ti̱x chic. Toj sa̱j nak quisumla ut cuukub chihab ajcuiꞌ quicuan rochben lix be̱lom.

San Lucas 2:36 ပူးပေါင်းရင်းမြစ်များ

Hechos 21:9

Laj Felipe wank kaahib'eb' xrab'in toj tuq'ixqeb', neke'aatinak jo' propeet.

Éxodo 15:20

Toja' naq li propeet xMiriam, ranab' laj Aharón, kixchap jun tzojtzoj tun, ut chixjunileb' li rech ixqilal koheb' chirix, wankeb' xtzojtzoj tun sa' ruq'eb' ut yookeb' chi xajok.

1 Corintios 12:1

Ex was wiitz'in, chirix li maatan naxk'e li Musiq'ej twaj teetaw xyaalal.

Hechos 2:18

Jo'kan ajwi', sa'eb' li kutan a'an, tinhoy linMusiq' sa' xb'een chixjunileb' linmoos, jo' winq jo' ixq, ut te'aatinaq jo' propeet.

Salmos 92:14

awb'ileb' chire rochoch li Qaawa', neke'atz'umak chiru xneb'aalil rochoch li qaYos.

Li xHu LAJ JOB 5:26

Toj kawaq aawib' naq tattixq, jo' jun joob' chi triiw tz'aqal xcheekal.

2 Reyes 22:14

Toja' naq laj Jilkías, xb'eenil aj tij, laj Ajikán, laj Akbor, laj Safán ut laj Asaías koheb' rik'in lix Juldá, ixqipropeet, rixaqil laj Salún, ralal laj Tikbá ut ri laj Jarkás, aj k'uulahom re li raq'eb' laj tij. Lix Juldá wank rochoch Jerusalén, sa' li Ak' Na'ajej, ut naq eb' li xtaql li awab'ej ke'aatinak rik'in,

Jueces 4:4

Sa'eb' li kutan a'an yo chi k'amok b'e sa' xyanqeb' laj Israel jun li ixq propeet, xDébora xk'ab'a', rixaqil laj Lapidot.

Génesis 30:13

ut kixye lix Liiy: “K'ajo' xsahil inch'ool, xb'aan naq chixjunileb' li ixq: «Us xaq aawe», cha'qeb' we”. Jo'kan naq aj Aser kixk'e cho'q xk'ab'a'.

Apocalipsis 7:6

sa' xyanqeb' xteepal laj Aser kab'laju mil; sa' xyanqeb' xteepal laj Neftalí kab'laju mil; sa' xyanqeb' xteepal laj Manasés kab'laju mil;

Josué 19:24

Li ro' na'ajej b'uulinb'il rix ke'reechani li xteepal laj Aser.

1 Samuel 1:2

Laj Elkaná kiwank wiib' rixaqil: jun x'Ana xk'ab'a', ut li jun chik xPeniná. A'in wan chaq xkok'al, ab'an lix Ana maak'a' re.

Ezequiel 13:17

“Anaqwan ayu chi aatinak rik'ineb' li ixq aawech tenamitul, li neke'aatinak chi yal xk'a'uxeb' rib', ut ye reheb' sa' ink'ab'a':

San Lucas 2:35

re naq tkanaaq chi kutankil li wank sa' xch'ooleb' naab'al chi poyanam. Ut laa'at jun ch'iich' taaxeq'oq re laawaanm.

San Lucas 2:38

Sa' ajwi' li honal a'an kiwulak aran ut ki'ok chi xnimankil ru li Yos ut chi aatinak chirix li k'uula'al rik'in chixjunileb' li yookeb' chi royb'eninkil li xkolb'al li tenamit Jerusalén.

1 Corintios 11:5

Ut wi junaq ixq natijok malaj na'aatinak jo' propeet chi ink'a' lanlo li xjolom, naxk'ut xxutaan li xjolom; chanchan wi' b'esb'il rismal xjolom.

1 Timoteo 3:2

Laj ilol re xtenamit li Yos tento naq maak'a'aq xq'usb'al, jun sut ajwi' sumsuuq, tuqtuuq xna'leb', chaab'ilaq xch'ool, tijb'ilaq, aj k'eholaq ochochnaal, seeb'aq xch'ool chi k'utuk,

1 Timoteo 5:9

Li xmalka'an k'eeb'ilaq sa' ajl, a'an li numenaqaq oxk'aal chihab', jun sut ajwi' sumsuuq,