San Lucas 2:25 - Q'eqchi Bible

²⁵ Aran Jerusalén wank jun li winq, aj Simehón xk'ab'a': li winq a'an tiik xch'ool ut aj paab'anel, yo chi royb'eninkil li xk'ojob'ankil xch'ool li tenamit Israel; ut li Santil Musiq'ej wank chi xb'een.

Li Santil hu

²⁵ Aran Jerusalén cuan jun li cui̱nk aj Simeón xcꞌabaꞌ. Li cui̱nk aꞌan ti̱c xchꞌo̱l ut naxqꞌue xlokꞌal li Dios. Yo̱ chiroybeninquil nak li Dios ta̱risiheb saꞌ raylal laj Israel. Ut cuan li Santil Musikꞌej riqꞌuin.

San Lucas 2:25 ပူးပေါင်းရင်းမြစ်များ

Isaías 25:9

Sa' li kutan a'an taayeemanq: “A'an a'in li qaYos li kaw wi' qach'ool re qakolb'al. A'an a'in li Qaawa' li xoo'oyb'enink wi': qanimaaq xloq'al ut chisaho'q li qach'ool xb'aan naq A'an xkolok qe”.

San Lucas 1:6

Tiikeb' xch'ool chi xkab'ichaleb' chiru li Yos, ut maak'a' xq'usb'aleb' sa' chixjunil li xchaq'rab' ut xtaqlahom li Qaawa'.

San Lucas 2:38

Sa' ajwi' li honal a'an kiwulak aran ut ki'ok chi xnimankil ru li Yos ut chi aatinak chirix li k'uula'al rik'in chixjunileb' li yookeb' chi royb'eninkil li xkolb'al li tenamit Jerusalén.

San Marcos 15:43

Jo'kan naq kichalk ewu laj José aj Arimatea, xnimal ru winq sa' xyanqeb' laj k'amol b'e. A'an ajwi' yo chi royb'eninkil li xnimajwal awab'ejihom li Yos. Ut kikawuuk xch'ool chi ok wan wi' laj Pilaat ut koxpatz' chaq li xtz'ejwal li Jesus.

San Lucas 1:41

Ka'ajwi' kirab'i lix Isabel li xsahil xch'ool kik'ehe'k xb'aan lix María, li k'uula'al ki'eek'ank rik'in li xna'. Kinujak lix Isabel chi Santil Musiq'ej

2 Pedro 1:21

xb'aan naq maajun raatin propeet kichalk ta yal sa' xch'ool junaq winq, kichalk b'an rik'in naq ke'wank winq eek'asinb'ileb' xb'aan li Santil Musiq'ej, ke'aatinak jo' kiyehe'k chaq reheb' xb'aan li Yos.

Isaías 40:1

K'ojob'omaq xch'ool lintenamit, k'ojob'omaq xch'ool -chan li Qaawa' leeYos-.

Hechos 24:16

Jo'kan naq laa'in ajwi' ninyal inq'e chi wank junelik chi tiik linch'ool chiru li Yos ut chiruheb' li was wiitz'in.

Hechos 10:22

Ke'chaq'ok eb' a'an, ut ke'xye: —Laj Kornelio, laj jolominel, a'an jun li winq tiik xch'ool ut naxpaab' li Yos, jo' neke'xye chixjunileb' laj Judiiy. A'an xk'ulum jun li esil rik'in jun santil ánjel, naq tento tatxb'oq sa' li rochoch re rab'inkil laawaatin.

Hechos 10:2

chaab'il xch'ool ut naxpaab' li Yos rochb'eeneb' chixjunil li xjunkab'al. Naab'al xlemoox naxk'e re li tenamit ut junelik natijok chiru li Yos.

San Lucas 1:67

Laj Sakarías li xyuwa' kinujak chi Santil Musiq'ej ut ki'aatinak jo' propeet:

Miqueas 6:8

At winq, at ixq, ak yeeb'il aawe li k'aru us xb'aanunkil, a' li nawulak chiru li Qaawa' naq taab'aanu: ka'ajwi' xb'aanunkil li tiikilal, xk'eeb'al aach'ool chi rahok ut taakub'si laawankil chiru laaYos.

Li xHu LAJ JOB 1:8

Ut li Qaawa' kixye re: —Ma xak'e reetal laj Job laj k'anjel chiwu? Maajun junaq jo' a'an sa' ruuchich'och'. A'an jun li winq tiik xch'ool ut chaab'il xk'a'uxl: naroxloq'i li Yos ut naxtz'eqtaana li ink'a' us.

Li xHu LAJ JOB 1:1

Sa' li tenamit Us kiwank jun li winq aj Job xk'ab'a', tiik xch'ool ut chaab'il xk'a'uxl: naroxloq'i li Yos ut naxtz'eqtaana li ink'a' us.

Números 11:29

Ab'an laj Moisés kixye re: “Ma xat-ok chinkaqalinkil? Us raj naq chixjunil li xtenamit li Qaawa' te'aatinaq jo' propeet ut te'xk'ul li xMusiq' li Qaawa'!”, chan.

Génesis 6:9

A'an a'in li resil xyu'am laj Noé. Laj Noé a'an jun li winq tiik xch'ool ut chaab'il li xyu'am sa' xyanqeb' li rech winqilal. Laj Noé kiwank sa' sum'aatin rik'in li Yos.

Números 11:25

Li Qaawa' kikub'e chaq sa' li choql, kiraatina laj Moisés ut kixk'e reheb' li lajeeb' xkaak'aal chi tiixil winq kach'inatq li musiq'ej wank rik'in laj Moisés. Sa' li honal a'an, naq ki'ok li musiq'ej rik'ineb', ke'xtikib' aatinak jo' propeet; ab'anan ink'a' chik ke'aatinak chi jo'kan moqon.

Deuteronomio 18:15

“Li Qaawa' laaYos tixwaklesi jun li propeet kama' laa'in sa' eeyanq, sa' xyanqeb' laawas ut laawiitz'in: a'an cherab'ihaq.

Hechos 2:5

Wankeb' aran Jerusalén aj Judiiy aj paab'aneleb', chalenaqeb' chaq sa' chixjunileb' li tenamit junsut junrub'el choxa.