San Lucas 2:21 - Q'eqchi Bible

²¹ Naq kitz'aqlok waqxaqib' kutan li k'uula'al, kixk'ul li sirkunsisyon ut Jesus ke'xk'e cho'q xk'ab'a', a' ajwi' li kixye li ánjel naq toj maji' nasiyaak chaq rik'in li xna'.

Li Santil hu

²¹ Cuakxakib cutan cuan re li cꞌulaꞌal nak quixcꞌul li circuncisión ut Jesús queꞌxqꞌue chokꞌ xcꞌabaꞌ, joꞌ quiyeheꞌ re lix María xban li ángel nak toj ma̱jiꞌ nacana chi yaj.

San Lucas 2:21 ပူးပေါင်းရင်းမြစ်များ

Levítico 12:3

Waqxaqib' kutan chik xyo'lajik, naq li k'uula'al tixk'ul li sirkunsisyon.

San Lucas 1:59

Sa' xwaqxaq li kutan ke'wulak chi xb'aanunkil li sirkunsisyon re li k'uula'al, ut ke'raj raj xk'eeb'al Sakarías cho'q xk'ab'a', reeqaj li xyuwa'.

San Lucas 1:31

Tatkanaaq sa' yu'am ut taawanq jun aak'uula'al, Jesus taak'e cho'q xk'ab'a'.

Génesis 17:12

Waqxaqib'aq kutan xyo'lajik, chixjunil li teelom sa' eeyanq tixk'ul li sirkunsisyon. Jo'ka'in taa'uxmanq chi junelik reheb' li yo'lajenaqeb' sa' laawochoch, jo'wi' reheb' li loq'b'ileb' rik'ineb' laj ab'l tenamit li maawa'eb' aawechkik'elil.

Filipenses 2:8

Kixkub'si rib' ut kipaab'ank toj reetal sa' li xkamik, a' li xkamik chiru krus.

San Mateo 3:15

Kichaq'ok li Jesus ut kixye re: —Kanab' wan chi jo'kan anaqwan, xb'aan naq jo'ka'in taatz'aqloq ru qab'aan chixjunil li rajom li Yos. Toja' naq kixk'ulub'an xch'ool laj Jwan.

San Mateo 1:25

Ut chi ink'a' kiwank rik'in, lix María kirala jun xk'uula'al, Jesus kik'ehe'k cho'q xk'ab'a'.

San Mateo 1:21

Taawanq jun xk'uula'al ut Jesus taak'e cho'q xk'ab'a', xb'aan naq tixkol li xtenamit chiru li xmaakeb'”.