San Lucas 2:14 - Q'eqchi Bible

¹⁴ “Nim li xloq'al li Yos taqe'q ut wank tuqtuukil usilal sa' ruuchich'och' rik'ineb' li raarookeb' xb'aan li Qaawa'”.

Li Santil hu

¹⁴ —Chinima̱k taxak xlokꞌal li Ka̱cuaꞌ Dios li cuan saꞌ choxa ut chicua̱nk taxak li tuktu̱quilal saꞌ xya̱nkeb li cristian li raro̱queb xban li Dios.—

San Lucas 2:14 ပူးပေါင်းရင်းမြစ်များ

Romanos 5:1

Jo'kan utan, tiikob'resinb'il chik li qach'ool xb'aan li paab'aal, ut wanko sa' tuqtuukil usilal rik'in li Yos sa' xk'ab'a' li Qaawa' Jesukriist.

San Lucas 19:38

Ke'xye: —Usilaatinanb'il li Rey li xchalk sa' xk'ab'a' li Qaawa'! Tuqtuukil usilal sa' choxa ut xnimal loq'al toj taqe'q!

Colosenses 1:20

Sa' xk'ab'a' li Kriist ut cho'q re A'an, li Yos kiraj xk'amb'al wi' chik sa' rusilal chixjunil li k'a'aq re ru, rik'in xk'eeb'al sa' tuqtuukilal chixjunil li wank sa' ruuchich'och' ut sa' choxa, sa' xk'ab'a' li xkik'el hoyb'il chiru krus.

San Lucas 1:79

re xkutanob'resinkil li wankeb' sa' aak'ab' ut sa' xmuheel li kamk, ut re xb'eresinkil li qoq sa' xb'ehil li tuqtuukil usilal”.

Apocalipsis 5:13

Ut chixjunileb' li yoob'tesinb'ileb' xb'aan li Yos sa' choxa, sa' ruuchich'och', rub'el li ch'och' ut sa' li palaw, jo'wi' chixjunil li wankatqeb' chisa', kiwab'i naq ke'chaq'ok: “A' li k'ojk'o sa' li nimajwal k'ojarib'aal jo' ajwi' li Karneer, chiwanq taxaq xnimal xloq'al, xkawilal ut chiterq'usiiq xk'ab'a' chi junelik q'e kutan”, chankeb'.

Isaías 57:19

ut tink'eheb' chi b'ichank chi saheb' sa' xch'ool: «Chiwanq tuqtuukilal rik'ineb' li wankeb' chaq chi najt ut cho'q reheb' ajwi' li wankeb' chi nach' -cha'aq li Qaawa'-. Laa'in tink'irtasiheb'».

Hechos 10:36

A'an kixtaqla chaq li Raatin rik'ineb' li ralal xk'ajol laj Israel chi xjultikankil li xchaab'il esil li tuqtuukilal sa' xk'ab'a' li Jesukriist, a' li xQaawa' chixjunil li ruuchich'och'.

San Juan 17:4

“Laa'in xinnima aaloq'al sa' ruuchich'och' rik'in xb'aanunkil chi tz'aqal li k'anjel xak'e chinb'aanu.

2 Ts 2:16

A'aj tawi' li Qaawa' Jesukriist ut li Yos li qaYuwa', li xrahok qe ut, xb'aan xnimal rusilal, xk'e qe jun xk'ojob'ankil qach'ool li ink'a' nalajk na'oso'k jo'wi' xnimal xsahil li qaanm chi oyb'enink,

Filipenses 2:11

ut li junjunq tixch'olob' rik'in xtz'uumal re naq li Jesukriist a'an li Qaawa', re li xnimal xloq'al li Yos Yuwa'b'ej.

San Lucas 3:22

li Santil Musiq'ej kikub'e chaq sa' xb'een kama' na'ilok junaq mukuy ut kichalk chaq jun xyaab' kuxej sa' choxa, kixye: “Laa'at li walal; aawik'in nasaho'k inch'ool”.

San Mateo 21:9

Ut eb' li tenamit li yookeb' chi xik chi uub'ej ut li wankeb' chi ixb'ej japjookeb' re chi xyeeb'al: —Chinimaaq xloq'al li Ralal laj David! Usilaatinanb'il li xchalk sa' xk'ab'a' li Qaawa'! Chinimaaq xloq'al li Qaawa' taqe'q!

Isaías 49:13

Ex choxa ut ruuchich'och', japomaq eere xb'aan xsahil eech'ool. Ex tzuul, pisk'onqex ut b'ichanqex, xb'aan naq li Qaawa' xk'ojob' xch'ool li xtenamit ut xril xtoq'ob'aal ruheb' li wankeb' sa' rahilal.

Efesios 1:9

Kixk'e chiqanaw li xmuqmuukil na'leb', li ki'alaak sa' xch'ool ut kixk'uub' sa' xk'ab'a' li Kriist,

Efesios 1:6

re naq taanimaaq xloq'al li usilal koorusila wi' sa' xk'ab'a' li xraarookil Alal.

Isaías 44:23

At choxa, jap aawe xb'aan xsahil aach'ool sa' xk'ab'a' li xb'aanuhom li Qaawa'. B'ichanqex, sahoqex, ex xchamal li ruuchich'och'! Ex k'iche' ut ex tzuul eerochb'een chixjunileb' li che', pisk'onqex xb'aan xsahil eech'ool, xb'aan naq li Qaawa' xk'ut li xloq'al chiru laj Israel naq xkoleb' li ralal xk'ajol laj Jakob.

Filipenses 2:13

xb'aan naq a' li Yos na'eek'asink eere chi rahok ut chi k'anjelak, jo' chanru na'alaak sa' xch'ool.

Efesios 2:7

re xk'utb'al xnimal li rusilal sa'eb' li kutan chaalel: naq numtajenaq nim li qaraab'al rik'in li Kristo Jesus!

Efesios 2:4

A'ut li Yos q'axal nim li ruxtaan. Xooxra chaq rik'in xnimal xrahom

San Juan 14:27

“Li tuqtuukil usilal ninkanab' eerik'in, lintuqtuukil usilal nink'e eere; ink'a' nink'e eere kama' naxk'e li ruuchich'och'. Misachk eech'ool chi k'oxlak, chi moko chexxiwaq.

San Juan 3:16

“Xb'aan naq li Yos k'ajo' naq kixra li ruuchich'och': kixk'e chaq li Ralal jun chirib'il re naq chixjunil li taapaab'anq re, ink'a' taasachq, wanq b'an xyu'am chi junelik.

Miqueas 5:5

A'anaq li qatuqtuukilal. Naq eb' laj Asiria tole'xchap li qatenamit ut te'ok sa' li qana'aj, tqataqla sa' xb'eeneb' wuqub' aj jolominel ut waqxaqib'eb' ninqeb' xwankil.

San Lucas 2:13

Xaqaamileb' chi xk'atq li ánjel naab'aleb' chik ánjel li wankeb' sa' choxa, yookeb' chi xnimankil ru li Yos chi jo'ka'in:

San Lucas 2:15

Naq eb' li ánjel koheb' wi' chik sa' choxa, eb' laj k'aak'alenel ketomq ke'xye chirib'ileb' rib': —Yo'qeb' toj Belén ut qilaq chaq a'in li xk'ulmank, li kixk'ut chiqu li Qaawa'.