San Lucas 2:11 - Q'eqchi Bible

¹¹ Anaqwan, sa' li xtenamit laj David, xyo'laak cho'q eere jun aj Kolonel, a'an li Kriist, li Qaawa'.

Li Santil hu

¹¹ Anakcuan xyoꞌla jun laj Colol e̱re saꞌ lix tenamit laj David ut aꞌan li Cristo li Ka̱cuaꞌ li yechiꞌinbil xban li Dios.

San Lucas 2:11 ပူးပေါင်းရင်းမြစ်များ

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

San Mateo 1:21

Taawanq jun xk'uula'al ut Jesus taak'e cho'q xk'ab'a', xb'aan naq tixkol li xtenamit chiru li xmaakeb'”.

Hechos 2:36

“Che'xnawaq b'i' chixjunileb' li ralal xk'ajol laj Israel naq li Jesus a'in li xek'e laa'ex chiru krus, a'an kixaqab'aak xb'aan li Yos cho'q Qaawa' ut Kriist”.

San Mateo 16:16

Kichaq'ok laj Simón Pedro ut kixye: —Laa'at li Kriist, li Ralal li yo'yookil Yos.

San Lucas 1:43

Ut anihin laa'in naq nakinrula'ani li xna' linQaawa'?

1 Juan 5:1

Chixjunil li napaab'ank re naq li Jesus a'an li Kriist, a'an yo'lajenaq rik'in li Yos; ut chixjunil li narahok re junaq yuwa'b'ej naxra ajwi' li yo'lajenaq chaq rik'in.

Filipenses 2:11

ut li junjunq tixch'olob' rik'in xtz'uumal re naq li Jesukriist a'an li Qaawa', re li xnimal xloq'al li Yos Yuwa'b'ej.

San Juan 4:42

ut neke'xyehatq re li ixq: —Anaqwan naqapaab' moko xb'aan ta li k'aru xaye qe. Laa'o tz'aqal xqab'i ut naqanaw naq a'an tz'aqal laj Kolol re li ruuchich'och'.

San Lucas 2:4

Ki'elk ajwi' laj José aran Galilea, sa' li tenamit Nazaret, ut kitaqe'k Judea, sa' li xtenamit laj David, Belén xk'ab'a' (xb'aan naq a'an xkomoneb' li ralal xk'ajol laj David),

San Mateo 1:16

Laj Jakob a'an xyuwa' laj José, li xb'eelom lix María li kiyo'laak wi' li Jesus, a' li Kriist xk'ab'a'.

1 Corintios 15:47

Li xb'een winq ch'och' okenaq, a'an ruuchich'och'il winq; ut li xkab' toj sa' choxa chalenaq chaq.

Hechos 10:36

A'an kixtaqla chaq li Raatin rik'ineb' li ralal xk'ajol laj Israel chi xjultikankil li xchaab'il esil li tuqtuukilal sa' xk'ab'a' li Jesukriist, a' li xQaawa' chixjunil li ruuchich'och'.

San Juan 20:31

A'ut eb' a'in tz'iib'anb'ileb' re naq yooqex chi xpaab'ankil naq li Jesus a'an li Kriist, li Ralal li Yos, ut rik'in xpaab'ankil taawanq eeyu'am sa' xk'ab'a' A'an.

1 Juan 4:14

Laa'o qilom ut naqach'olob' xyaalal naq li Yuwa'b'ej kixtaqla chaq li Ralal cho'q aj Kolol re li ruuchich'och'.

San Juan 1:45

Laj Felipe koxtaw laj Natanael ut kixye re: —Xqataw li tz'iib'anb'il chaq resil sa' li Chaq'rab' xb'aan laj Moisés, jo'wi' xb'aaneb' li propeet: a' li Jesus, ralal laj José, a' laj Nazaret.

Hechos 17:3

naxch'olob' ut naxye xyaalal naq teneb'anb'il chaq sa' xb'een li Kriist xk'ulb'al li rahilal ut wakliik wi' chik sa' xyanqeb' li kamenaq: “Li Kriist a'in, a'an li Jesus li ninye resil eere”, chan.

Hechos 5:31

A'an li kitaqsiik xb'aan li Yos toj sa' xnim uq' cho'q aj jolominel ut aj kolonel, re xk'eeb'al reheb' laj Israel li yot'b'ach'oolej jalb'ak'a'uxl jo'wi' li xkuyb'al xsachb'aleb' li xmaak.

San Juan 6:69

Laa'o naqapaab' ut naqanaw naq laa'at li xSantil Alal li Yos.

San Juan 1:41

A'an koxtaw xb'enwa laj Simón li ras, ut kixye re: —Xqataw li Mesiiy (chi jalb'il ru naraj naxye: li Kriist).

San Mateo 16:20

Toja' naq li Jesus kixchaq'rab'iheb' li xtzolom naq maa'ani che'xye wi' naq a'an li Kriist.

Génesis 49:10

Ink'a' taa'isiiq li xuq' rik'in laj Judá, chi moko li reetalil xwankil taa'elq sa' xyanq li roq, toj reetal taachalq li tento tixk'ul a'an, a' li tento taapaab'aaq xb'aaneb' li tenamit.

Génesis 3:15

Tink'e naq xik' teeril eerib' laa'at ut li ixq. Jo'kanaq ajwi' eb' laawal ut eb' li ralal xk'ajol li ixq: ut jun reheb' tixpitz' laajolom naq laa'at taakut aawib' chi rit roq”.

Colosenses 2:6

Jo'kan utan, kama' naq xek'ul chaq li Kristo Jesus, li Qaawa', chexwanq ajwi' anaqwan rik'in A'an:

Filipenses 3:8

A wi' chik a'in: chiwu laa'in chixjunil li k'a'aq re ru maak'a' na'ok wi' sa' xk'ab'a' li xnimal xloq'al xnawb'al ru li Kristo Jesus, linQaawa'. Sa' xk'ab'a' a'an xintz'eq chirix inch'ool chixjunil li k'a'aq re ru ut yal mul aj chik naq nawil, re naq tweechani li Kriist

San Juan 11:27

Kichaq'ok a'an ut kixye: —Hehe', Qaawa'. Laa'in ninpaab' naq laa'at li Kriist, li Ralal li Yos, li tento taak'ulunq sa' ruuchich'och'.

San Juan 7:41

Wankeb' chik ke'yehok: —A'an a'in li Kriist. Ab'an wankeb' ajwi' ke'yehok: —Ma aran tab'i' Galilea taachalq li Kriist?

San Lucas 2:26

Ak yeeb'il chaq re xb'aan li Santil Musiq'ej naq ink'a' taakamq chi maji'aq taaril ru li xKriist li Qaawa'.

San Lucas 1:69

ut kixxaqab' cho'q qe jun aj Kolonel q'axal kaw rib', sa' rochoch laj David li xmoos,

Salmos 2:2

Neke'xk'amchi'i rib'eb' li x'awab'ej li ruuchich'och', eb' laj jolominel wotz neke'k'uub'ank raaxiik' chirix li Qaawa' ut li Sik'b'il ru xb'aan:

San Juan 4:25

Kixye li ixq re: —Ninnaw naq tol'elq li Mesiiy, a' li Kriist neke'xye re; ut naq taachalq a'an, tixk'ut chiqu chixjunil.

Hechos 13:23

Sa' xyanqeb' li ralal xk'ajol laj David li Yos kixwaklesi jun aj Kolonel cho'q reheb' laj Israel, a' li Jesus, jo' chanru yeechi'inb'il chaq xb'aan.