San Lucas 2:10 - Q'eqchi Bible

¹⁰ Ab'an li ánjel kixye reheb': “Mexxiwak xb'aan naq tinye eere jun chaab'il esilal, ut a'an jun xnimal sahil ch'oolej cho'q re chixjunil li tenamit:

Li Santil hu

¹⁰ Abanan li ángel quixye reheb: —Mexxucuac xban nak la̱in xinchal xyebal e̱re jun cha̱bil esilal. Aꞌin jun sahil chꞌo̱lej chokꞌ reheb chixjunileb li tenamit.

San Lucas 2:10 ပူးပေါင်းရင်းမြစ်များ

Isaías 40:9

Taqen sa' xb'een junaq tzuul najt xteram, at aj yehol esil re Sión; aatinan chi kaw xyaab' aakux ut chi maak'a'aq aaxiw, at aj yehol esil re Jerusalén. Ye reheb' li tenamit re Judá: “Arin wank leeYos”.

Isaías 61:1

Li xMusiq' li Qaawa' wank sa' inb'een xb'aan naq li Yos xinxyul ut xinxtaqla chaq chi xyeeb'al li Chaab'il Esilal reheb' li neb'a', re xk'ojob'ankil xch'ooleb' li ra wankeb', re xpuktesinkil resil li kolb'a ib' reheb' li wankeb' sa' tz'alam ut li rach'ab'ankileb' li wankeb' chi tz'aptz'o;

Isaías 52:7

K'ajo' xchaq'al ru rilb'al sa' xb'eeneb' li tzuul li roqeb' laj yehol resil li tuqtuukil usilal, li nayehok chaab'il esilal, li napuktesink resil li kolb'a ib' ut naxye re Sión: “Ak yo chi awab'ejink laaYos!”.

San Mateo 28:18

Kijilok li Jesus chi xk'atqeb', kiraatinaheb' ut kixye: —K'eeb'il we chixjunil li wankilal, jo' sa' choxa jo' ajwi' sa' ruuchich'och'.

Génesis 12:3

Twosob'tesiheb' li te'osob'tesinq aawe, ut tinmajewaheb' li te'majewanq aawe. Osob'tesinb'ilaqeb' sa' laak'ab'a' chixjunil li tenamit sa' ruuchich'och'”.

San Mateo 14:27

Ab'anan li Jesus tikto kiraatinaheb' ut kixye: —Kawaq eech'ool: laa'inin! Mexxiwak.

San Lucas 1:30

Toja' naq kiyehe'k re xb'aan li ánjel: —Matxiwak, María, xb'aan naq usilal xataw rik'in li Yos.

Isaías 41:27

Laa'in xinyehok xb'enwa re Sión chalen chaq sa' xtiklajik; laa'in xintaqlank re jun aj yehol chaab'il esilal aran Jerusalén.

Colosenses 1:23

Ka'ajwi' naq kawaq eech'ool sa' leepaab'aal; kaw kab'lanb'ilaqex sa' xb'een a'an, jo'wi' kaw xaqxooqex chi oyb'enink sa' xk'ab'a' li Chaab'il Esilal eerab'ihom, a' li xpuktesimank reheb' chixjunil junsut junrub'el choxa ut li xaqab'anb'ilin wi' laa'in laj Pablo chi xk'anjelankil chiruheb' chixjunil.

Hechos 13:32

“Laa'o ajwi' naqaye li Chaab'il Esilal a'in eere: Li k'aru kiyeechi'iik chaq reheb' li qana' qayuwa'

San Lucas 24:47

ut taapuktesimanq resil A'an re naq chixjunileb' li tenamit te'sutq'iiq rik'in li Yos ut te'kuymanq te'sachmanq li xmaakeb', taatiklaaq a'an arin Jerusalén».

San Lucas 8:1

Chirix chik a'in li Jesus kixb'eeniheb' li tenamit ut eb' li k'aleb'aal, yo chi xpuktesinkil li xchaab'il esil li xnimajwal awab'ejihom li Yos, rochb'eeneb' li Kab'laju

Efesios 3:8

Laa'in, li q'axal kub'enaq inwankil chiruheb' chixjunil laj santil paab'anel, xinmaatani li k'anjel a'in: xpuktesinkil resil li xchamal xsasal li xb'ihomal li Kriist reheb' li maawa'eb' aj Judiiy,

San Lucas 1:19

Kichaq'ok li ánjel ut kixye re: —Laa'in laj Gabriel li wankin chiru li Yos. Xinxtaqla chaq chawaatinankil ut chi xyeeb'al aawe li chaab'il esilal a'in.

Zacarías 9:9

Jap aawe xb'aan xsahil aach'ool, at Sión, b'ichan chi anchal laawaanm, at Jerusalén. Xb'aan naq we' chaq laarey, tiik xch'ool ut aj q'axol u, tuulan ut wan chaq chirix jun ch'ina b'uur, ral li xul na'iiqank.

San Lucas 1:13

Ab'an li ánjel kixye re: —Sakarías, matxiwak xb'aan naq x'ab'imank laatij. Lix Isabel laawixaqil taarala jun aak'uula'a,l ut Jwan taak'e cho'q xk'ab'a'.

San Marcos 1:15

“Xtz'aqlok xkutankil, li xnimajwal awab'ejihom li Yos ak nach' wank -chan-. Yot'omaq eech'ool jalomaq eek'a'uxl, ut paab'omaq li Chaab'il Esilal”.

Isaías 49:6

“Moko tz'aqal ta naq aj k'anjelat chiwu yal re xwaklesinkil li xteepal laj Jakob ut xsutq'isinkileb' chaq wi' chik eb' laj Israel li xe'kole'k. Xatinxaqab' aj b'an wi' cho'q xsaqenkeb' li poyanam, re naq taawulaq linkolb'a ib' toj sa' xmaril li ruuchich'och'”.

Romanos 10:15

Ut chanru te'puktesinq wi ink'a' taqlanb'ileb'? Jo' tz'iib'anb'il sa' li Santil Hu: “K'ajo' xchaq'alil ru li roqeb' li neke'yehok li chaab'il esilal!”.

San Marcos 16:15

Ut kixye reheb': “Ayuqex sa' chixjunil li ruuchich'och' ut chepuktesi li Chaab'il Esilal junsut junrub'el choxa.

San Mateo 28:5

Toja' naq li ánjel ki'ok chi raatinankileb' li ixq ut kixye reheb': —Mexxiwak. Ninnaw naq yookex chi xsik'b'al li Jesus, a' li kik'ehe'k chiru krus.

Daniel 10:19

Chirix chik a'an kixye we: «Matxiwak ut matk'oxlak. Saho'qat ut kawaq taxaq laach'ool: li Yos jwal nakatxra». “Ut naq toj yo chi aatinak wik'in, kikawuuk wi' chik linch'ool ut kinye re: «Aatinan, at inqaawa', xb'aan naq xak'e xkawub' linch'ool», chankin re.

Isaías 52:10

Li Qaawa' xk'ut li xnimal xwankil chiruheb' chixjunil li tenamit; ut yalaq b'ar toj sa' xmaril li ruuchich'och' x'ilmank li kolb'a ib' nachalk rik'in li qaYos.

San Lucas 2:11

Anaqwan, sa' li xtenamit laj David, xyo'laak cho'q eere jun aj Kolonel, a'an li Kriist, li Qaawa'.