San Lucas 18:39 - Q'eqchi Bible

³⁹ Li yookeb' chi xik chi uub'ej ke'xq'us re naq tixkanab' choqink; a'ut a'an q'axal kaw chik kixjap re chi xyeeb'al: —At ralal laj David, chawuxtaana wu!

Li Santil hu

³⁹ Ut eb li tenamit li yo̱queb chi numecꞌ queꞌoc chixkꞌusbal ut queꞌxye re: —Matchokin, chanqueb re. Abanan li mutzꞌ kꞌaxal cuiꞌchic cau quixjap re ut quixye: —At ralalat xcꞌajol laj David, chacuuxta̱na cuu, chan.

San Lucas 18:39 ပူးပေါင်းရင်းမြစ်များ

Salmos 141:1

Xsaalm laj David. At Qaawa', ninyaab'a laak'ab'a', chalqat chi junpaat ut chawab'i taxaq xyaab' inkux naq nintz'aama intenq'ankil.

San Lucas 18:15

Ke'xk'am ajwi' chaq eb' li k'uula'al rik'in li Jesus re naq tixch'e'eb'. Naq ke'ril a'in eb' li xtzolom, ke'xq'us li ke'k'amok chaq reheb' li k'uula'al.

2 Corintios 12:8

Ox wa xintz'aama chiru li Qaawa' naq chinajto'q wik'in.

San Lucas 19:39

Wankeb' aj Pariseey sa' xyanqeb' li tenamit ke'xye re: —At Tzolonel, q'useb' laatzolom.

San Lucas 18:38

Toja' naq kixye chi kaw xyaab' xkux: —At Jesus, ralalat laj David, chawuxtaana wu!

San Lucas 18:1

Kixye reheb' jun li jaljookil ru aatin re xk'utb'al chiruheb' naq tento te'tijoq junelik, chi maak'a'aq ch'inank ch'oolej:

San Lucas 11:52

“Ra chaalel sa' eeb'een laa'ex aj nahol Chaq'rab', xb'aan naq xek'am cho'q eere eejunes li xlaawil li yaal. Ink'a' xex'ok laa'ex ut xeram chiruheb' li xe'raj raj ok”.

San Lucas 8:49

Toj yo ajwi' chi aatinak li Jesus, naq kik'ulunk jun xtaql li xb'eenil li ch'utleb'aal kab'l chi xyeeb'al: —Laarab'in ak xkamk. Maach'i'ch'i'i chik laj Tzolonel.

San Mateo 7:7

“Chextz'aamanq ut k'eek'ooq eere; chexsik'oq ut teetaw; chexb'oqoq chire kab'l ut tehe'q cheru.

San Mateo 8:26

Ut a'an kixye reheb': —K'a'ut naq nekexxiwak laa'ex li jwal kach'in leepaab'aal? Toja' naq kiwakliik, kixq'us li iq' ut li palaw, ut ch'anaamil kikanaak.

San Mateo 9:27

Naq ki'elk li Jesus aran, wiib'eb' li mutz' ke'taaqenk re ut japjookeb' re chi xyeeb'al: —At ralal laj David, chawuxtaana qu!

San Lucas 18:40

Kixaqliik li Jesus ut kixtaqla xk'amb'al chaq. Ut naq nach' chik wank, kixpatz' re: —K'aru taawaj tinb'aanu aawe? chan.