San Lucas 18:32 - Q'eqchi Bible

³² Xb'aan naq taaq'axtesiiq sa' ruq'eb' li maawa'eb' aj Judiiy; taa'eetz'uuq, taahob'e'q ut taachuub'aaq,

Li Santil hu

³² Tinkꞌaxtesi̱k saꞌ rukꞌeb li ma̱cuaꞌeb aj judío. Tineꞌxhob, tineꞌxsacꞌ ut tineꞌxchu̱ba.

San Lucas 18:32 ပူးပေါင်းရင်းမြစ်များ

San Lucas 23:11

Ab'anan laj Herodes naq ak xtz'eqtaana ut xreetz'u li Jesus, rochb'eeneb' laj puub' li wankeb' rik'in, kixk'e jun xchaq'alil ru aq'ej chirix ut kixtaqla wi' chik rik'in laj Pilaat.

Isaías 53:3

A'an tz'eqtaananb'il ut xik' ilb'il xb'aaneb' li poyanam, a'an jun li winq junes ra naril ut k'aynaq chi k'uluk rahilal; chanchan junaq li maajun naraj ilok re, majewanb'il chi moko xqak'e sa' xnaq' qu.

Isaías 50:6

Xinkanab' wib' chi sak'e'k, ut xinyeechi'i li xk'atq we naq xine'xmich' chinmach. Ink'a' xinmuq li xnaq' wu naq xine'xpik'a chi ruq'eb' ut xine'xchuub'a.

Hechos 3:13

Li xYos laj Abrahán, laj Isahak ut laj Jakob, li xYos eb' li qana' qayuwa' xnima xloq'al li Jesus li xmoos. Laa'ex xexq'axtesink re a'an ut xetz'eqtaana chiru laj Pilaat naq kiraj rach'ab'ankil.

San Marcos 14:65

Wan ke'ok chi xchuub'ankil, ke'xtz'ap li xnaq' ru, ke'xpik'a chi ruq'eb': —Q'ehi: ani xsak'ok aawe, chankeb' re. Jo'kan ajwi' eb' laj k'anjel ke'xpaq'ihatq chi ruq'eb' naq ke'xk'ul.

San Mateo 26:67

Toja' naq ke'xchuub'a li xnaq' ru ut ke'xtzaj chi ruq'eb'; wankeb' chik ke'tenink re,

San Mateo 16:21

Chalen utan li Jesus kixtikib' xk'utb'al chiruheb' li xtzolom naq tento taaxik Jerusalén ut naab'al li rahilal tixk'ul sa' ruq'eb' li cheekel winq, li xb'eenileb' aj tij ut eb' laj tz'iib'; kixye ajwi' naq taakamsiiq ut taawakliiq chi yo'yo sa' rox li kutan.

Miqueas 5:1

“Ut anaqwan kawal wanqat, Jerusalén, xb'aan naq xe'xch'utub' rib'eb' chi qasutb'al; rik'in b'aar ch'iich' yookeb' xsak'b'al li xko li jolomileb' laj Israel.

Isaías 52:14

Jo' naq naab'aleb' xe'sachk xch'ool chi rilb'al naq moko jo' ta chik junaq poyanam ut ink'a' chik nak'utunk li ru xb'aan li rahilal,

Hechos 2:23

Li winq a'in kiq'axtesiik sa' eeruq' jo' chanru kiraj li Yos ut kixk'oxla chi junxilaj, ut laa'ex keklawxi chiru krus ut kek'e chi kamsiik rik'in ruq'eb' li maak'a'eb' xpaab'aal.

San Juan 18:35

Kisumeek xb'aan laj Pilaat: —Ma laa'in tab'i' aj Judiiy? Laatenamit ut eb' li xb'eenil aj tij xe'q'axtesink aawe sa' wuq'. K'aru xab'aanu?

San Juan 18:30

Ke'chaq'ok eb' a'an: —Wi ta maak'a' xmaak, ink'a' raj xqaq'axtesi sa' laawuq', chankeb' re.

San Juan 18:22

Ka'ajwi' kixye a'in, jun reheb' laj k'aak'alenel li wank aran, kixtz'aj chi ruq' li Jesus: —Ma jo'ka'in naq nakasume li xyuwa'il aj tij? chan.

San Lucas 23:35

Xaqxookeb' aran li tenamit chi ilok. Ut eb' li xb'eenil li tenamit yookeb' chi reetz'unkil, neke'xye: —Jalanatq chik kixkoleb'; chixkolaq rib' xjunes, wi a'an li Kriist re li Yos, li Sik'b'il chaq ru.

San Lucas 23:1

Toja' naq ke'xaqliik li xk'ihaleb' a'an, ke'xk'am li Jesus chiru laj Pilaat,

San Mateo 27:2

Ut naq ke'xb'ak', ke'xk'am ut koxe'xq'axtesi sa' ruq' laj Pilaat, ruuchil li awab'ej.

San Juan 18:28

Naq kisaqewk, ke'risi li Jesus sa' rochoch laj Kaifás ut ke'xk'am sa' li raqleb'aal aatin. Eb' laj Judiiy ink'a' ke'ok sa' li raqleb'aal aatin re naq ink'a' te'xtz'ajni rib'eb': a' ke'raj xtzekankil li Paswa.

San Marcos 15:1

Naq kisaqewk, eb' li xb'eenil aj tij rochb'eeneb' li cheekel winq, jo'wi' eb' laj tz'iib' ut chixjunileb' li xninqaleb' ru aj raqol aatin, junpaat ke'xk'uub' xch'utameb'; ke'xk'am li Jesus chi b'ak'b'o ut ke'xq'axtesi sa' ruq' laj Pilaat.

San Mateo 20:19

ut te'xq'axtesi sa' ruq'eb' li maawa'eb' aj Judiiy re naq te'reetz'u, te'xrap chi tz'uum ut te'xk'e chiru krus; ab'an sa' rox li kutan taawakliiq chi yo'yo.

San Mateo 22:6

ut eb' li junch'ol chik ke'xchapeb' li xmoos li awab'ej, ke'xhob'eb' ut ke'xkamsiheb'.

San Lucas 18:33

ut, akaq xe'xrapi chi tz'uum, te'xkamsi. Ab'an sa' rox li kutan taawakliiq chi yo'yo”.

San Juan 18:32

A'an kik'ulmank re naq chitz'aqloq ru li yeeb'il chaq xb'aan li Jesus, naq kixch'olob' chanru naq taakamq.