San Lucas 18:16 - Q'eqchi Bible

¹⁶ A'ut li Jesus kixb'oqeb' ut kixye: —Kanab'omaqeb' li kok'al chi chalk wik'in ut meeram chiruheb', xb'aan naq li kama'eb' a'an, reheb' li xnimajwal awab'ejihom li Yos.

Li Santil hu

¹⁶ Ut li Jesús quixbokeb lix tzolom riqꞌuin ut quixye reheb: —Canabomakeb li cocꞌal chi cha̱lc cuiqꞌuin. Me̱ram chiruheb xban nak reheb aꞌan lix nimajcual cuanquilal li Dios.

San Lucas 18:16 ပူးပေါင်းရင်းမြစ်များ

1 Corintios 14:20

Ex was wiitz'in, meek'uula'ali eerib' rik'in leena'leb'; k'uula'alaqex b'an chiru li maa'usilal, ut cheekel winqaqex rik'in leena'leb'.

1 Corintios 7:14

Xb'aan naq li b'eelomej maak'a' xpaab'aal a'an santob'resinb'il sa' xk'ab'a' li rixaqil, ut li ixaqilb'ej maak'a' xpaab'aal a'an santob'resinb'il sa' xk'ab'a' li xb'eelom aj paab'anel. Wi ta ink'a' jo'kan, eb' leeralal eek'ajol tz'aj raj ru li xyu'ameb', a'ut anaqwan santeb'.

1 Pedro 2:2

Jo'qex li k'uula'al toja' xe'yo'laak, cherataw li chaab'il leech li nachalk rik'in li Musiq'ej, re naq sa' xk'ab'a' a'an texk'iiq cho'q re li kolb'a ib':

Deuteronomio 31:12

Taach'utub'eb' li tenamit, winq, ixq ut kok'al; jo'kan ajwi' laj ab'l tenamit li wankeb' sa' eeyanq, re naq te'rab'i ut te'xtzol roxloq'inkil li Qaawa' leeYos ut te'xk'e xch'ool chi xk'anjelankil ru chixjunileb' li raatinul li Chaq'rab' a'in.

Hechos 2:39

Xb'aan naq eere li yeechi'inb'il xb'aan li Yos, reheb' ajwi' leeralal eek'ajol ut reheb' chixjunil li wankeb' chi najt, jo'k'ihaleb' tixb'oqeb' li Qaawa' li qaYos.

Génesis 21:4

Waqxaqib' kutan chik xyo'lajik li k'uula'al, laj Abrahán kixset xtz'uumal li xtz'ejwal laj Isahak, jo' chanru chaq'rab'inb'il wi' xb'aan li Yos.

Deuteronomio 29:11

eerochb'eeneb' leeralal eek'ajol, leerixaqil ut eb' laj ab'l tenamit li wankeb' sa' eeyanq (jo'eb' laj si'inel ut laj b'eelahom ha').

2 Crónicas 20:13

Chixjunileb' laj Judá xaqxookeb' chiru li Qaawa', rochb'eeneb' li xkok'al, eb' li rixaqil ut eb' li ralal xk'ajol.

Jeremías 32:39

Tink'e naq junaj aj chik li xch'ooleb' ut li xyu'ameb' chi xloq'oninkil wu chi junelik, re naq sa wanqeb' a'an ut eb' li ralal xk'ajoleb' li te'wanq moqon.

San Mateo 19:14

Ut li Jesus kixye: —Kanab'omaqeb' li kok'al chi chalk wik'in ut meeram chiruheb', xb'aan naq li kama'eb' a'an, reheb' li xnimajwal wankilal li choxa.

San Lucas 18:15

Ke'xk'am ajwi' chaq eb' li k'uula'al rik'in li Jesus re naq tixch'e'eb'. Naq ke'ril a'in eb' li xtzolom, ke'xq'us li ke'k'amok chaq reheb' li k'uula'al.

San Lucas 18:17

Relik chi yaal ninye eere: ani ink'a' tixk'ul li xnimajwal awab'ejihom li Yos jo' junaq ch'ina'al, ink'a' taa'ok chisa'.