San Lucas 17:25 - Q'eqchi Bible

²⁵ Ab'anan, xb'enwa tento naq tixk'ul naab'al rahilal ut taatz'eqtaanaaq xb'aaneb' li tenamit a'in.

Li Santil hu

²⁵ Abanan tento nak la̱in li Cꞌajolbej tinrahobtesi̱k ut tintzꞌekta̱na̱k xbaneb li cuanqueb saꞌ ruchichꞌochꞌ saꞌ eb li cutan aꞌin.

San Lucas 17:25 ပူးပေါင်းရင်းမြစ်များ

San Mateo 16:21

Chalen utan li Jesus kixtikib' xk'utb'al chiruheb' li xtzolom naq tento taaxik Jerusalén ut naab'al li rahilal tixk'ul sa' ruq'eb' li cheekel winq, li xb'eenileb' aj tij ut eb' laj tz'iib'; kixye ajwi' naq taakamsiiq ut taawakliiq chi yo'yo sa' rox li kutan.

San Lucas 9:22

Kixye reheb': —Li K'ajolb'ej tento tixk'ul naab'al li rahilal, tento taatz'eqtaanaaq xb'aaneb' li cheekel winq, li xb'eenileb' aj tij ut eb' laj tz'iib'; taakamsiiq ut taawakliiq chi yo'yo sa' rox li kutan.

San Marcos 8:31

Li Jesus kixtikib' xtzolb'aleb' naq li K'ajolb'ej tento tixk'ul naab'al rahilal, tento taatz'eqtaanaaq xb'aaneb' li cheekel winq, li xb'eenileb' aj tij ut eb' laj tz'iib', taakamsiiq ut taawakliiq chi yo'yo sa' rox li kutan.

San Juan 1:11

Sa' rochoch kik'ulunk, ut eb' li wankeb' sa' li rochoch ink'a' ke'xk'ul.

San Lucas 18:33

ut, akaq xe'xrapi chi tz'uum, te'xkamsi. Ab'an sa' rox li kutan taawakliiq chi yo'yo”.

San Marcos 12:10

“Ma ink'a' eerilom sa' li Santil Hu li jun raqal a'in: «Li pek li ke'xtz'eqtaana eb' laj kab'lanel, a'an li kikanaak cho'q xnimal ru pek sa' li kab'l.

San Mateo 21:42

Kixye li Jesus reheb': —Ma maajun wa eerilom sa' li Santil Hu: «Li pek li ke'xtz'eqtaana eb' laj kab'lanel, a'an li kikanaak cho'q xnimal ru pek sa' li kab'l. A' li Qaawa' kib'aanunk re a'in, ut a'an sachb'ach'oolej chiqu»?

Isaías 53:3

A'an tz'eqtaananb'il ut xik' ilb'il xb'aaneb' li poyanam, a'an jun li winq junes ra naril ut k'aynaq chi k'uluk rahilal; chanchan junaq li maajun naraj ilok re, majewanb'il chi moko xqak'e sa' xnaq' qu.

San Juan 12:38

re naq chitz'aqloq ru li aatin kixye li propeet Isaías: “Qaawa', ani xpaab'ank re li qaatin? Ut li xnimal xwankil li Qaawa' ani xk'ute' wi'?”.

San Lucas 24:46

Ut kixye reheb': —Jo'ka'in tz'iib'anb'il: «Tento naq li Kriist taarahob'tesiiq ut taawakliiq chi yo'yo sa' xyanqeb' li kamenaq sa' rox li kutan;

San Lucas 18:31

Li Jesus kixb'oqeb' li Kab'laju ut kixye reheb': “Chek'e reetal, yooko chi taqe'k Jerusalén ut taatz'aqloq ru chixjunil li ke'xtz'iib'a chaq eb' li propeet chirix li K'ajolb'ej.

San Marcos 10:33

“K'ehomaq reetal, yooko chi taqe'k Jerusalén, ut li K'ajolb'ej taaq'axtesiiq sa' ruq'eb' li xb'eenileb' aj tij ut eb' laj tz'iib'. Te'xteneb' kamk sa' xb'een ut te'xq'axtesi sa' ruq'eb' li maawa'eb' aj Judiiy.

San Marcos 9:31

xb'aan naq yo chi xtzolb'aleb' li xtzolom; naxye reheb': —Li K'ajolb'ej taaq'axtesiiq sa' ruq'eb' li winq; taakamsiiq ut oxib'aq kutan xkamik taawakliiq chi yo'yo.

1 Samuel 10:19

A'ut anaqwan laa'ex xetz'eqtaana leeYos, li kikolok eere chiru chixjunil leerahilal ut ch'a'ajkilal, ut xeye re: «K'e qe junaq awab'ej», chankex. Jo'kan b'i', k'utomaq eerib' chiru li Qaawa', chi teepal ut chi junqkab'alil”.

1 Samuel 8:7

ut li Qaawa' kixye re laj Samuel: “Paab' chixjunil li te'xye aawe li tenamit. Xb'aan naq moko laa'at xate'xtz'eqtaana, laa'in b'an xine'xtz'eqtaana, re naq ink'a' tintaqlanq sa' xb'eeneb'.