San Lucas 16:9 - Q'eqchi Bible

⁹ “Ut laa'in ninye eere: Chesik'aq eeramiiw rik'in li maa'us aj tumin re naq, jo'q'e toxmajelo'q cheru, texk'ule'q xb'aaneb' a'an sa'eb' li muheb'aal li maajaruj te'lajq te'oso'q.

Li Santil hu

⁹ Cuan li nequeꞌxba̱nu li incꞌaꞌ us riqꞌuin lix biomal. Abanan, la̱in ninye e̱re, cheba̱nu usilal reheb le̱ ras e̱ri̱tzꞌin riqꞌuin le̱ biomal saꞌ ruchichꞌochꞌ. Ut nak ta̱lajk ta̱osokꞌ le̱ biomal, texcꞌulekꞌ saꞌ li naꞌajej li ma̱cꞌaꞌ rosoꞌjic.

San Lucas 16:9 ပူးပေါင်းရင်းမြစ်များ

San Mateo 19:21

Kichaq'ok li Jesus ut kixye: —Wi taawaj naq tz'aqalaq aawe aawu, ayu, k'ayi jo'nimal wank aawe ut k'e reheb' li neb'a', ut taawanq aab'ihomal sa' choxa; toja' naq tatchalq ut tinaataaqe.

San Mateo 6:24

“Maa'ani naruhank chi k'anjelak chiru wiib'aq aj eechal re, xb'aan naq xik' taaril junaq ut tixra li jun chik, malaj tixk'e xch'ool rik'in junaq ut tixtz'eqtaana li jun chik. Ink'a' naru texk'anjelaq chiru li Yos ut chiru li Tumin.

Daniel 4:27

Jo'kan utan, at awab'ej, paab' li na'leb' tink'e aawe: toj rix laamaak rik'in xb'aanunkil li tiikilal ut xtenq'ankileb' li neb'a', ut matmaakob'k chik re naq sahaq taxaq aach'ool chi junelik”.

San Lucas 16:11

Wi ut ink'a' tiik leech'ool rik'in li maa'us aj tumin, ani taaq'axtesinq eere li tz'aqal yaal?

Proverbios 19:17

Li naruxtaana ru li neb'a', chanchan ajwi' re li Yos yo chi xb'aanunkil, ut li Qaawa' taak'ehoq reeqaj re.

San Lucas 14:14

ut taataw xsahil aach'ool rik'in naq ink'a' te'ruuq xk'eeb'al reeqaj aawe: toj sa' li xwaklijikeb' chi yo'yo li tiikeb' xch'ool taak'eemanq aaq'ajkamunkil.

San Lucas 12:33

“Chek'ayi li k'aru wank eere ut chek'ehaq reheb' li wankeb' sa' rajb'al ru. Cheb'aanu eeb'ools li ink'a' te'q'eeloq, jun leeb'ihomal li ink'a' taalajq taa'oso'q sa' choxa, b'arwi' ink'a' nawulak laj elq', chi moko nasachok li xmaxel.

San Lucas 11:41

Chek'ehaq cho'q eetenq'aal jo'nimal li wank eerik'in, ut chi jo'kan saqaq ru chixjunil cho'q eere.

2 Corintios 4:17

Li rahilal naqak'ul, a'an junpaat ajwi' ut moko aal ta riiqankil; ut a'an k'ajo' xnimal li junelik loq'al yo xkawresinkil cho'q qe laa'o,

San Lucas 16:13

“Maajun moosej naruhank chi k'anjelak chiru wiib'aq aj eechal re, xb'aan naq xik' taaril junaq ut tixra li jun chik, malaj tixk'e xch'ool rik'in junaq ut tixtz'eqtaana li jun chik. Ink'a' naru texk'anjelaq chiru li Yos ut chiru li Tumin”.

Hechos 10:31

kixye we: «At Kornelio, li Yos xrab'i laatij ut xjultiko'k re laalemoox.

San Mateo 6:19

“Meetamresi eeb'ihomal arin sa' ruuchich'och' b'arwi' li xmaxel ut li xq'olel neke'sachok re, jo'wi' eb' laj elq' neke'xte rokeb'aaleb' ut neke'elq'ak.

San Judas 1:21

Kanaaqex sa' xrahom li Yos, yooqex chi royb'eninkil li ruxtaan li Qaawa' Jesukriist, cho'q re li junelik yu'am.

Hechos 10:4

Laj Kornelio kixka'ya ut k'ajo' xxiw naq kixpatz': “K'aru, at Qaawa'?”, chan. Kichaq'ok li ánjel, ut kixye: “Laatij ut laalemoox xe'taqe'k chajultikankil chiru li Yos.

Eclesiastés 11:1

Chatsihinq chi anchal aach'ool, ut sa' junaq kutan taak'ul reeqaj.

Proverbios 23:5

xb'aan naq sa' junpaat naxik jo' naxik'ank li t'iw. Wi relik chi yaal toxaawil li b'ihomal, sa' junpaat taasachq chawu.

Isaías 57:16

Ink'a' tinjit lintenamit chi junelik chi moko toj yooq linjosq'il chi junajwa, xb'aan naq laa'in kinyoob'tesink re li winq ut li ixq, ut ink'a' nawaj naq te'ch'inanq ut te'raho'q xch'ool chiwu.

Salmos 73:26

Us ta lintib'el ut linna'leb' yo chi oso'k, ab'an li Yos nak'ehok xkawub' linch'ool: a'an linsahilal ut linb'ihomal chi junelik!

San Lucas 16:4

Ninnaw k'aru tinb'aanu re naq, jo'q'e tin'isiiq chi mertoomil, wanqeb' ani te'k'uluq we sa' rochocheb'».

Proverbios 14:24

Li xkoroon li wank xna'leb', a'an li xchaab'il na'leb'; li xq'ajkamunkil li maak'a'eb' xna'leb', a'an li memil.