San Lucas 16:19 - Q'eqchi Bible

¹⁹ “Kiwank jun li winq b'ihom, naxtiqib' rib' rik'in chaab'il kaqi t'ikr ut liino, ut rajlal kutan naninq'ehik chi chaab'il.

Li Santil hu

¹⁹ Quicuan jun li cui̱nk biom. Naxtikib rib riqꞌuin cha̱bil tꞌicr kꞌaxal terto xtzꞌak ut rajlal cutan naninkꞌei̱c.

San Lucas 16:19 ပူးပေါင်းရင်းမြစ်များ

Ezequiel 16:49

A'an a'in li xmaak Sodoom, laawiitz'in: li q'etq'etil, li num wa'ak ut sahil wank; ab'anan a'an rochb'eeneb' li xk'aleb'aal maajun wa kixtenq'aheb' li neb'a' ut li maak'a' wankeb' re.

Ezequiel 27:7

Uutz'u'ujinb'il t'ikr liino yiib'anb'il chaq Ejiipt, a'an li nab'eresink aawe chiru ha' ut nak'anjelak ajwi' cho'q aaweetalil; li t'ikr namuheelank aawe a'an raxchoxa ut kaqmoyink rilb'al, sa' li tenamit Elisá kik'ame'k chaq.

Apocalipsis 18:16

“Toq'ob' ru, toq'ob' ru li Nimla Tenamit, tiqto rik'in liino, kaqjorinkil ut kaqmoqinkil t'ikr! Toq'ob' ru li nalemtz'unk rik'in oor, tertookil pek ut lemtz'il q'ol!

Apocalipsis 18:7

Jo'nimal xnimob'resi wi' rib' ut xrataw li maa'usilal, jo'kan ajwi' k'ehomaq reeqaj rik'in rahilal ut yot'e'k. Xb'aan naq kixye sa' xch'ool: «K'ojk'ookin jo' xna' li tenamit, maawa'in xmalka'an ut maajoq'e twil li rahil ch'oolej», chan.

Apocalipsis 17:4

Li ixq a'an tiqto rik'in t'ikr kaqmoqin ut kaqjorin xb'onol, nalemtz'unk ru rik'in oor, rik'in tertookil pek ut lemtz'il q'ol. Wank sa' ruq' jun li sek' oor nujenaq rik'in li xyiib'etalil ut xtz'ajnil li xmuxb'al rib';

San Lucas 16:1

Li Jesus kixye ajwi' reheb' li xtzolom: “Jun li winq b'ihom kiwank jun xmertoom li kijitmank chiru naq yo chi xb'atz'unlenkil li xjunkab'lal.

San Marcos 15:17

Ke'xk'e kaqi t'ikr chirix, ke'xtz'ul jun koroon k'ix ut ke'xk'e sa' xjolom.

Ezequiel 16:13

Q'axal katlemtz'uno'k rik'ineb' li oor ut li plaat, chi tiqtookat rik'in liin ut chaab'il t'ikr uutz'u'ujinb'il ru. Katzeka li chaab'il triiw, li xya'al kab' ut li aseeyt. K'ajo' xchaq'al aawu ut katkanaak cho'q xnimal ru ixq.

Ester 8:15

Laj Mardokeo ki'elk sa' rochoch li awab'ej chi tiqto rik'in chaab'il aq', rax ut saq xb'onol, jo' naroksi li awab'ej; wank ajwi' jun xkoroon yiib'anb'il rik'in oor sa' xjolom ut xkaqi t'ikr liin. Naq eb' laj Susa ke'ril a'in, k'ajo' naq ke'saho'k xch'ool.

Jueces 8:26

Li raalaleb' li matq'ab' oor ke'patz'mank, a'an numenaq ka'k'aal liib'r chi oor, chi ink'a' k'eeb'il sa' ajl li xsahob'eb' ru, eb' li ka'xik ut eb' li kaqi aq'eb' li neke'roksi li awab'ej re Madián, chi moko eb' li q'ol li wankeb' chi xkuxeb' li kameey.

San Lucas 15:13

Ink'a'aq k'iila kutan a'an, li iitz'inb'ej kixk'ayi li k'aru wank re ut koho sa' najtil tenamit b'arwi' kixsach chixjunil, yo xq'axb'al li kutan chi jo'maajo'.

San Marcos 15:20

Naq ke'raqe'k chi reetz'unkil, ke'risi li kaqi t'ikr chirix ut ke'xk'e wi' chik li raq'. Toja' naq ke'xk'am re xk'eeb'al chiru krus.

Proverbios 31:22

A'an ajwi' naxkem li risb' ut naxtiqib' rib' rik'in chaab'il t'ikr.

San Lucas 16:18

“Ani tixkanab' li rixaqil ut taasumlaaq rik'in jalan chik tixmux li xsumlajik; ut li taasumlaaq rik'in junaq kanab'anb'il xb'aan li xb'eelom taamuxuq sumsu.

San Lucas 16:20

Chire li rochoch wank jun li neb'a', aj Lázaro xk'ab'a', nujenaq chi sankil xox li rix:

Proverbios 14:24

Li xkoroon li wank xna'leb', a'an li xchaab'il na'leb'; li xq'ajkamunkil li maak'a'eb' xna'leb', a'an li memil.

Isaías 3:23

eb' li lem, li aq'ej terto xtz'aq, li xb'ak'b'al li rismal xjolomeb' ut eb' li xt'ikr.