San Lucas 15:4 - Q'eqchi Bible

⁴ “Ani eere laa'ex, wanq ta o'k'aalaq xkarneer ut taasachq junaq chiru, ma ink'a' raj tixkanab' li b'eleelaju ro'k'aal sa' li chaqich'och' ut taaxik chi xsik'b'al li sachenaq toj reetal toxtaw chaq?

Li Santil hu

⁴ —¿Ma cuan junak cui̱nk saꞌ e̱ya̱nk cua̱nk ta oꞌcꞌa̱lak (100) xcarner, cui ta̱sachk junak saꞌ xya̱nkeb aꞌan, ma incꞌaꞌ raj tixcanab li bele̱laju roꞌcꞌa̱l (99) saꞌ cꞌaleba̱l ut ta̱xic chixsicꞌbal li quisach toj retal tixtau chak? chan.

San Lucas 15:4 ပူးပေါင်းရင်းမြစ်များ

Ezequiel 34:16

Tinsik' chaq li karneer sachenaq, tinsutq'isi chaq li xcha'cha'iik, tinb'an li xtiq' rib', tink'irtasi li yaj ut twileb' ajwi' li ninqeb' xtib'el ut kaweb' rib'. Tinb'eresiheb' sa' tiikilal.

San Lucas 19:10

Xb'aan naq li K'ajolb'ej xk'ulunk chi xsik'b'al ut chi xkolb'al li b'arwan sachenaq.

1 Pedro 2:25

Chanchanex chaq karneer li neke'cha'chotk naq xexwank chaq, a'ut anaqwan xexsutq'iik chaq rik'in laj K'aak'alenel ut laj Ilol re leeraanm.

San Mateo 12:11

Ut a'an kixye reheb': —Wi junaq eere laa'ex wank ta ka'ajwi' junaq xkarneer, wi taat'ane'q sa' jul sa' sábado, ma ink'a' tab'i' toxrisi chaq?

Ezequiel 34:31

Laa'ex linkarneer; laa'ex li walal ink'ajol b'eresinb'ilex inb'aan ut laa'in leeYos”, chan li Qaawa'.

Salmos 119:176

Jo' junaq karneer xinsachk chawu. Kim chinsik'b'al: laa'in aj k'anjel chawu. Ink'a' nasachk sa' li waanm laachaq'rab'.

Isaías 53:6

Chiqajunilo xoosachk jo'eb' li karneer, ak xb'e xb'e xk'am li junjunq. Ut li Qaawa' xk'e chiriiqani li qamaak chiqajunilo.

Jeremías 50:6

“Chanchaneb' li karneer sachenaqeb' naq xe'wank lintenamit. Eb' laj ilol reheb' xe'sachb'esink reheb' sa'eb' li pim; jo'kan naq xe'xb'eeni rib' chiruheb' li tzuultaq'a; neke'chalk neke'xik toj reetal xsachk sa' xch'ooleb' li xna'ajeb'.

San Lucas 13:15

Kichaq'ok li Qaawa' ut kixye: —Ex aj ka'pak'al u! Ma ink'a' tab'i' chejunilex nekehit leeb'ooyx malaj leeb'uur sa' li xwa'leb'aaleb' sa' sábado, re xk'amb'aleb' chi uk'ak?

Ezequiel 34:8

Sa' xk'ab'a' linloq'al, laa'in li Qaawa' ninye chi jo'ka'in: Eb' li k'iila paay chi josq' aj xul xe'xxok ut xe'xt'upi linketomq, xb'aan naq maak'a' aj ilol reheb'. Eb' laj ilol reheb' linkarneer ink'a' xoxe'xsik' chaq eb' li xe'sachk. Xb'aan naq eb' laj k'aak'alenel yal xjuneseb' rib' neke'xch'oolani rib', ut ink'a' xe'xch'oolani eb' linkarneer.

Romanos 2:1

Jo'kan utan, maak'a' k'aru taakol wi' aawib', at winq li nakatraqok aatin sa' xb'een laawas aawiitz'in, a' yaal anihat. Naq nakatraqok aatin chirix anihaq, rahilal nakab'oq chaq sa' aab'een, xb'aan naq nakatraqok aatin ut toj yookat ajwi' chi xb'aanunkil li maak a'an.

Jeremías 33:13

Sa'eb' li tenamit wankeb' chaq chi tzuul jo' ajwi' li wankeb' chiru taq'a, sa' xteepal Nejeb ut sa' xteepal Benjamín, sa'eb' li na'ajej chi xsutam Jerusalén ut sa'atqeb' li xtenamitul Judá, te'ilmanq wi' chik eb' laj ilol ketomq chi rajlankileb' li xkarneer”, chan li Qaawa'.

Ezequiel 34:4

Ink'a' nekech'oolani eb' li karneer li ink'a' neke'xkuy b'eek, chi moko nekeb'an eb' li yaj; ink'a' nekelan xtiq'ilal li naxtiq' rib', chi moko nekesutq'isi chaq li xsachk sa' xb'e, ink'a' nekesik' chaq eb' li sachenaq, xik' b'an chik nekerileb' ut k'ajo' leejosq'il rik'ineb'.

San Lucas 15:3

Toja' naq li Jesus kixye reheb' li jaljookil ru aatin a'in: