San Lucas 15:32 - Q'eqchi Bible

³² Ab'anan tento ajwi' xqab'aanu li ninq'e ut xsaho'k sa' qach'ool, xb'aan naq laawiitz'in a'in kamenaq naq xwank ut xwakliik wi' chik chi yo'yo, kisachk ut xtawmank chaq»”.

Li Santil hu

³² Abanan tento nak toninkꞌei̱k anakcuan ut ta̱sahokꞌ saꞌ kachꞌo̱l xban nak la̱ cui̱tzꞌin chanchan camenak nak xcuan; abanan xsukꞌi cuiꞌchic chi yoꞌyo. Quisach ut xtauman cuiꞌchic, chan li yucuaꞌbej.

San Lucas 15:32 ပူးပေါင်းရင်းမြစ်များ

San Lucas 15:24

Xb'aan naq li walal a'in kamenaq naq xwank ut xwakliik wi' chik chi yo'yo, kisachk ut xtawmank chaq!». Ut ke'xtikib' ninq'ehik.

Isaías 35:10

Eb' li kolb'ileb' xb'aan li Qaawa' te'sutq'iiq chaq, te'ok Sión yooqeb' chi b'ichank, ut chi xnaq' ruheb' taak'utunq li xsahilaleb' xch'ool chi junelik. Nimla sahilal taa'ochb'eeninq reheb' ut maak'a'aq chik li yaab'ak ut li rahil ch'oolej sa' xyanqeb'.

Salmos 51:8

Laa'at nakatsik'ok li yaal sa' li ch'oolej, ut xak'e we li choxahil na'leb' sa' xchamal li waanm.

Romanos 3:4

Maajoq'e b'i'an! Li Yos paab'ajel chi junelik, us ta eb' li poyanam aj tik'ti'eb' chixjunileb', jo' tz'iib'anb'il sa' li Santil Hu: “Re naq chik'utunq naq tiik laach'ool rik'in li k'aru nakaye, ut us chat-elq naq taaraqmanq aatin sa' aab'een”.

Oseas 14:9

Eb' li wankeb' xna'leb' ut li seeb'eb' xch'ool che'xnawaq xyaalal a'in: Tiik xb'e li Qaawa', ut a'an neke'xtaaqe li tiikeb' xch'ool; a'ut eb' laj maak neke'tichk'ok aran.

Romanos 3:19

Us b'i', naqanaw naq chixjunil li naxye li Chaq'rab', a'an yeeb'il cho'q reheb' li wankeb' rub'el xwankil li Chaq'rab', re naq chixjunileb' te'memo'q, ut chixjunil li ruuchich'och' chireek'ahaq rib' naq wank xmaak chiru li Yos.

San Lucas 7:34

Xk'ulunk li K'ajolb'ej li nawa'ak na'uk'ak, ut nekeye: «Wahi' jun li winq junes wa'ak, junes uk'ak naxb'aanu, ramiiweb' laj titz'ol toj ut eb' laj maak», chankex.

San Lucas 15:31

“Kichaq'ok li yuwa'b'ej ut kixye re: «At walal, laa'at junelik wankat wik'in ut chixjunil li k'aru wank we, a'an ajwi' aawe.

Romanos 11:15

Xb'aan naq wi rik'in naq ke'tz'eqtaanaak eb' laj Judiiy, kik'ame'k wi' chik sa' usilal li ruuchich'och' xb'aan li Yos, ma toja' ta chik li rokikeb' sa' li paab'aal? A'an chanchanaq xwaklijikeb' wi' chik chi yo'yo eb' li kamenaq!