San Lucas 15:22 - Q'eqchi Bible

²² “Ab'an li yuwa'b'ej kixye reheb' li xmoos: «K'amomaq chaq chi junpaat li chaab'il aq'ej ut tiqib'omaq. K'ehomaq xmatq'ab' chi ru'uj ruq' ut k'ehomaq xxaab' chi roq.

Li Santil hu

²² Aꞌut li yucuaꞌbej quixye reheb lix mo̱s: —Sicꞌomak chak saꞌ junpa̱t li cha̱bil tꞌicr ut qꞌuehomak chirix. Qꞌuehomak xmatkꞌab chi ruꞌuj rukꞌ ut qꞌuehomak xxa̱b chi rok.

San Lucas 15:22 ပူးပေါင်းရင်းမြစ်များ

Apocalipsis 6:11

Toja' naq kik'ehe'k jun li saqi aq' re li junjunq ut kiyeemank reheb' naq che'oyb'eninq wan chik kach'inaq toj taatz'aqloq li xk'ihaleb' li rech aj k'anjelil jo'wi' li xk'ihaleb' li riitz'in li tento te'kamsiiq jo'eb' a'an.

Ester 8:2

Toja' naq li awab'ej kirisi chaq li matq'ab' li kixmaq' chiru laj Amán ut kixq'axtesi re laj Mardokeo, ut lix Ester kixxaqab' laj Mardokeo re naq a'an chik taa'iloq re chixjunil li k'aru kiwank re laj Amán.

Génesis 41:42

Chirix chik a'an laj Parahón kirisi li xmatq'ab' chi ruq', kixk'e chi ruq' laj José, kixtiqib' chi q'axal chaab'il rik'in liin ut kixk'e li q'ol yiib'anb'il rik'in oor chi xkux laj José.

Isaías 61:10

K'ajo' naq nasaho'k linch'ool rik'in li Qaawa', jwal nim li xsahil li waanm rik'in linYos, xb'aan naq xinxtiqib' rik'in li xkolom ut xinxlan rik'in li xtiikilal jo' rik'in junaq b'aatal, kama' li b'eelomej naxk'e li xkoroon chi xjolom ut li ixaqilb'ej naxtiqib' rib' rik'in li xchaq'alil ru q'ol.

Ester 3:10

Toja' naq li awab'ej kirisi li xmatq'ab' chi ru'uj ruq' ut kixq'axtesi re laj Amán, li xik' narileb' laj Judiiy,

Apocalipsis 19:8

ut xk'ehe'k re li xtiqib'ankil rib' rik'in chaab'il liino saqpotz'in”. Li liino a'an li xchaab'il b'aanuhomeb' li sant.

Apocalipsis 7:9

Chirix chik a'an kin'ilok, ut kink'e reetal naq k'ajo' xk'ihaleb' li tenamit! Maa'ani naruhank chi rajlankileb': chalenaqeb' chaq sa' chixjunileb' xteepal li xtenamit sa' ruuchich'och', yalaq chanru neke'ilok ut neke'aatinak, xaqxookeb' chiru li nimajwal k'ojarib'aal ut chiru li Karneer, tiqtookeb' rik'in saqi aq' ut wank xxaq mokooch sa' ruq'eb'.

Romanos 8:15

Ut laa'ex moko xemaatani ta junaq musiq'ej nak'ehok eere chi moosil re naq wanqex wi' chik sa' leexiw; xemaatani b'an li Musiq'ej nak'ehok eere chi alalb'ej k'ajolb'ejil, a' li nokooruuk wi' chi xyeeb'al chi kaw: “Abbá”, naraj naxye: “At inYuwa'”.

Apocalipsis 2:17

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka li muqmuukil mana'. Tink'e ajwi' jun xch'ina saqi pek, let'exinb'ilaq chiru li ch'ina pek jun ak' k'ab'a'ej li maa'ani nanawok re, ka'ajwi' li taak'uluq re».

Gálatas 3:27

Relik chi yaal naq jo'k'ihalex li ak kub'enaq eeha' re li Kriist, xetiqib' eerib' rik'in li Kriist.

Romanos 13:14

Tiqib'omaq eerib' rik'in li Qaawa' Jesukriist, ut mixik eech'ool chirix li maa'usilal re xb'aanunkil li nalajxrahi ru li qach'ool.

Cantares 7:1

K'ajo' xch'ina'usal eb' laawoq sa'eb' laaxaab', at xrab'in xnimal ru winq! Eb' li xq'oot laayiitoq chanchaneb' li q'ol yiib'anb'ileb' xb'aan xseeb'al jun li winq tzolb'il chi us.

Salmos 132:9

Eb' laj tij li neke'k'anjelak chawu che'xtiqib' rib' rik'in tiikil ch'oolej, ut eb' laawamiiw che'xjap reheb' xb'aan xsahilaleb' xch'ool.

Salmos 45:13

Te'chalje'q eb' laj Tiro chi xk'eeb'al laasimaatan; te'xsik' laawusilal eb' li q'axal b'ihom sa' xyanqeb' li tenamit.

Salmos 18:33

Li Yos a'an li nak'ehok inmetz'ew, ut nikinxtenq'a re naq tz'aqalaq re ru linyu'am.

Apocalipsis 3:18

Ninch'olob' chawu naq chaloq' aa'oor wik'in, a' li chaab'ilob'resinb'il sa' xam, re naq tatb'ihomo'q. Chaloq' aasaqi aq' re taatiqib' wi' aawib' ut ink'a' taak'ut laaxutaan naq t'ust'uukat. Chaloq' ajwi' aab'aan re naq taayul xsa' laawu ut tat-iloq chik.

Efesios 6:15

Chiwanq leexaab' cheroq re naq yo'oon wanqex chi xpuktesinkil li xchaab'il esil li tuqtuukilal;

Romanos 3:22

Sa' xk'ab'a' xpaab'ankil li Jesukriist, li Yos naxtiikob'resi xch'ooleb' chixjunileb' li neke'paab'ank re, xb'aan naq juntaq'eet narileb' chixjunil:

Salmos 132:16

Tintiqib' eb' laj tij rik'in kolb'a ib'; k'ajo' naq te'xjap re laj paab'anel xb'aan xsahilaleb' xch'ool.

Deuteronomio 33:25

Eb' li rokeb'aal li xtenamit yiib'anb'ilaqeb' rik'in ch'iich' ut q'anch'iich', ut junelik chiwanq xmetz'ew jo' najtil yo'yooq”, chan laj Moisés.

San Lucas 15:21

Ut li ralal kixye re: «Wa', xinmaakob'k chiru li choxa ut chawu laa'at. Ink'a' chik ink'ulub' naq tink'ab'a'in aawalal».

San Lucas 15:23

K'amomaq chaq li ral wakax ch'oolaninb'il chi us, kamsihomaq, chootzekanq ut chooninq'ehiq!