San Lucas 15:15 - Q'eqchi Bible

¹⁵ Toja' naq kox'okaq chi k'anjelak rik'in jun li winq wank sa' li tenamit a'an; ut a'an kixtaqla sa' li xch'och' chi ilok aaq.

Li Santil hu

¹⁵ Joꞌcan nak co̱ riqꞌuin jun li cui̱nk cuan saꞌ li tenamit aꞌan chixpatzꞌbal xtrabaj. Ut li cui̱nk aꞌan quixtakla saꞌ cꞌaleba̱l chi iloc a̱k.

San Lucas 15:15 ပူးပေါင်းရင်းမြစ်များ

Tito 3:3

Xb'aan naq junxil xoowank ajwi' chaq laa'o sa' xmaak'a'il qana'leb' ut sa' li q'etb'a aatin; xqak'e qib' chi b'alaq'iik, b'ak'b'ooko chaq chi k'anjelak chiru yalaq k'a' chi maa'usilal nawulak chiru li tz'ejwalej, xqanumsi li kutan chi lab'alink ut kaqalink, tz'eqtaananb'ilo jo'wi' naqatz'eqtaana chaq qib' chiqib'il qib'.

Isaías 1:5

K'a'ut naq toj yookex chi xq'etq'etinkil eerib'? Ma toj teeraj naq texinrahob'tesi? Tiq'b'il chik leejolom ut tawajenaqex chi junwaakaj.

Malaquías 2:9

“Xb'aan a'an laa'in ajwi' texink'e chi tz'eqtaanaak ut chi maak'a'aq eeloq'al chiru chixjunileb' li tenamit, xb'aan naq ink'a' nekepaab' li waatin ut toj neketi ruheb' li poyanam sa' xch'olob'ankil li Chaq'rab'”, chan li Nimajwal Yos.

Jeremías 5:3

At Qaawa', ma ink'a' tab'i' a' li yaal nakasik'? Xarahob'tesiheb', ab'an maak'a' xe'reek'a; xasacheb' ru, ab'an ink'a' xe'raj xtawb'al xyaalal. Xe'xkawub'resi b'an li xch'ooleb' jo' li pek ut ink'a' xe'raj xjalb'al xna'leb'eb'.

Romanos 6:22

A'ut anaqwan ach'ab'anb'ilex chik chiru li maak ut oksinb'ilex cho'q aj k'anjel chiru li Yos, yookex chi uuchink cho'q re li santilal; ut li xraqik a'an, a' chik li junelik yu'am.

San Lucas 15:13

Ink'a'aq k'iila kutan a'an, li iitz'inb'ej kixk'ayi li k'aru wank re ut koho sa' najtil tenamit b'arwi' kixsach chixjunil, yo xq'axb'al li kutan chi jo'maajo'.

Nahum 3:6

Tintuub' li tz'ajn sa' aab'een; tatinkanab' sa' xutaan ut tatink'e chi se'eek.

Ezequiel 16:63

Chi jo'kan taajultiko'q aawe, taakub'si laawankil ut ink'a' chik taate laawe xb'aan laaxutaan, naq tinkuy tinsach chixjunileb' laamaak»”, chan li Qaawa'.

Ezequiel 16:52

Jo'kan utan, kuy laaxutaan xb'aan naq jwal tz'i'b'eetal wi' chik li k'aru kab'aanu, chanchan wi' tiikeb' xch'ool laawas ut laawiitz'in. Kuy laaxutaan anaqwan, xb'aan naq jwal aak'ulub' a'an.

Isaías 57:17

Xinjosq'o'k xb'aan naq k'ajo' li ratawom laj Israel; xinrahob'tesi ut xinmuq wib' chiru. Ab'an a'an xq'etq'eti rib' ut xkawub'resi xch'ool sa' li xjipil.

2 Crónicas 28:22

Ut us ta sutsu li xtenamit xb'aaneb' laj Asiria, laj Ajás ink'a' kixkanab' xq'etq'etinkil rib' chiru li Qaawa'.

Éxodo 10:3

Naq laj Moisés ut laj Aharón ke'wulak rik'in laj Parahón, ke'xye re: “Jo'ka'in naxye li Qaawa', li xYoseb' laj Hebreo: «Toj jo' najtil chik ink'a' taawaj xkub'sinkil aawib' chiwu? Kanab'eb' chi elk lintenamit re naq tine'xloq'oni.

San Mateo 7:6

“Meek'e li k'aru q'axal sant reheb' li tz'i', chi moko chekut leelemtz'il q'ol chiruheb' li aaq: mare anchal te'xyeq'i sa' roqeb', te'xsutq'isi chaq rib' ut tole'xt'upi laa'ex.

San Lucas 15:14

“Naq ak xsach chixjunil, kichalk jun nimla we'ej sa' li tenamit a'an, ut kixtikib' wank sa' rajb'al ru.

San Lucas 15:16

Naratawi xnujob'resinkil li xsa' rik'in li ru li che' neke'xk'ux li aaq, ab'anan maa'ani nak'ehok b'ayaq re.