San Lucas 14:11 - Q'eqchi Bible

¹¹ Xb'aan naq yalaq ani tixnimob'resi rib', taakub'siiq xwankil; ut li tixkub'si rib', taaterq'usiiq xwankil.

Li Santil hu

¹¹ Joꞌcan nak chixjunileb li nequeꞌxnimobresi ribeb, ta̱cubsi̱k xcuanquileb. Ut chixjunileb li nequeꞌxcubsi ribeb, eb aꞌan teꞌqꞌuehekꞌ xcuanquil, chan li Jesús.

San Lucas 14:11 ပူးပေါင်းရင်းမြစ်များ

San Lucas 18:14

“Ninye eere naq a'in kisutq'iik sa' rochoch chi tiikob'resinb'il chik li xch'ool, ut li jun chik ink'a'. Xb'aan naq yalaq ani tixnimob'resi rib', taakub'siiq xwankil; ut li tixkub'si rib', taaterq'usiiq xwankil”.

San Mateo 23:12

Li ani naxnimob'resi rib', taakub'siiq xwankil, ut li ani naxkub'si rib', taaterq'usiiq xwankil.

Proverbios 29:23

Li q'etq'et aj winq taakub'siiq xwankil; a'ut li kub'enaq xwankil, taak'ehe'q xloq'al.

Santiago 4:6

Ab'anan li Yos q'axal numtajenaq chik li usilal naxk'e qe. Jo'kan naq naxye li Santil Hu: “Li Yos ink'a' nawulak chiru li q'etq'eteb', ab'an narusilaheb' li q'uneb' xch'ool”.

1 Pedro 5:5

Jo'kan ajwi' laa'ex li saaj al, chexpaab'anq chiruheb' li xcheekel winqilaleb' li Iklees, ut chetiqib'aq eerib' chejunilex rik'in q'unil ch'oolej cherib'il eerib', xb'aan naq: “Li Yos xik' narileb' li b'ach'b'ach'eb', ab'an narusilaheb' li q'uneb' xch'ool”.

Proverbios 18:12

Li q'etq'etil, kamk nokoxraqe'q wi'; ab'an li xtiklajik li loq'al, a'an li tuulanil.

Santiago 4:10

Kub'sihomaq eerib' chiru li Qaawa', ut a'an tixnima eewankil.

Salmos 138:6

Us ta jwal nim li Qaawa', ab'an naril li maak'a' xwankil ut toj najt naxnaw ru li q'etq'et.

Isaías 2:17

Eb' li neke'xnima rib' te'xkub'si li rilob'aal ut eb' li q'etq'et te'kub'siiq xwankil; chixjunileb' li jalanil yos te'juk'manq, ut ka'aj chik li Qaawa' taanimaaq ru sa' li kutan a'an.

Salmos 18:27

laa'at saq ru laayu'am rik'in li saq ru xyu'am, ut wank aana'leb' rik'in li ink'a' tiik xna'leb'.

Isaías 2:11

Taawulaq xkutankil naq eb' li neke'xnima rib' te'xkub'si li rilob'aal ut eb' li q'etq'et te'kub'siiq xwankil. Toja' naq ka'aj chik li Qaawa' taanimaaq ru.

Proverbios 15:33

Roxloq'inkil li Qaawa' nak'ehok chaab'il na'leb'. Ani taaraj taak'ehe'q xloq'al, tkub'si xb'enwa li xwankil.

Li xHu LAJ JOB 22:29

Li Qaawa' naxkub'si xwankil li q'etq'et, ab'anan naxkol li naxkub'si xwankil.

1 Samuel 15:17

Toja' naq laj Salomón kixye: “Us ta nakak'oxla naq kach'in laawankil, ab'anan ma ink'a' tab'i' xaqab'anb'ilat cho'q xjolomil chixjunileb' li xteepal laj Israel? Li Qaawa' xyuluk aawe cho'q awab'ej re Israel.

San Lucas 1:51

Kixk'ut xwankilal li xtel ut kixcha'cha'i li q'etq'eteb' sa' xch'ooleb'.

Isaías 57:15

Xb'aan naq jo'ka'in xyehom li Nimajwal Yos, li nim xwankil, li junelik wank chalen chaq q'e kutan ut li q'axal Sant li xk'ab'a': “Laa'in wankin sa' li na'ajej najt xteram ut jwal loq', ab'anan wankin ajwi' rik'in li ra sa' xch'ool ut li tz'eqtaananb'il, re xk'eeb'al xkawub' xch'ool li kub'enaq xwankil ut li namayok raanm.

2 Samuel 22:28

Laa'at nakatkolok reheb' li kub'enaqeb' xwankil ut nakasacheb' xwankil li q'etq'eteb'.

Proverbios 25:27

Moko us ta ruk'b'al naab'al li xya'al kab' chi moko li xsik'b'al naab'al li loq'al.

San Lucas 1:52

Kirisiheb' li awab'ej sa' li xna'ajeb' ut kixtaqsiheb' li maak'a'eb' xwankil.

San Lucas 14:12

Kixye ajwi' re li winq kib'oqok chaq re: —Naq tatk'ehoq chi tzekank wa'leb' malaj ewu, maab'oqeb' chaq laawamiiw, chi moko eb' laawas aawiitz'in, malaj eb' laawech'alal, eb' laawechkab'al b'ihom. Mare anchal tate'xb'oq ajwi' eb' a'an ut tate'xq'ajkamu.

Santiago 1:9

Ex was wiitz'in, wi wank junaq neb'a' sa' eeyanq, chisaho'q rik'in naq naterq'usiik xloq'al xb'aan li Yos;

1 Pedro 5:6

Chekub'si b'i' eerib' rub'el li xloq'laj wankilal li ruq' li Yos, re naq tixtaqsi eewankil naq taawulaq xq'ehil.

Ester 6:10

Toja' naq li awab'ej kixye re laj Amán: “K'am chi junpaat li chaab'il aq'ej ut li kawaay jo' tz'aqal xaye, ut b'aanu chi jo'kan re laj Mardokeo laj Judiiy li k'ojk'o aran chire rokeb'aal li wochoch. Maakol junaq k'a'aq re ru re li xaye!”.