San Lucas 12:35 - Q'eqchi Bible

³⁵ “Junelik b'ak'b'ooq leesa' ut lochlooq leexam.

Li Santil hu

³⁵ Checauresihak e̱rib. Yo̱kex chiroybeninquil li Ka̱cuaꞌ. Chanchanakex li mo̱s li lochlo xxam ut yo̱ chiroybeninquil lix patrón.

San Lucas 12:35 ပူးပေါင်းရင်းမြစ်များ

1 Pedro 1:13

Jo'kan utan, aj'ajaq ru leek'a'uxl ut tuqtuuq leech'ool. Chiwanq xnimal eeroyb'enihom rik'in li usilal taak'ehe'q eere xb'aan li Yos, naq tixk'utb'esi rib' li Jesukriist.

Efesios 6:14

Kawaq b'i' eerib' sa' leepaab'aal, jit'jooq leesa' rik'in li yaal ut tiqtooqex rik'in li tiikil ch'oolej re xkolb'al eerib'.

San Mateo 5:16

Jo'ka'in naq chilemtz'unq leesaqenkil chiruheb' li tenamit, re naq te'ril leechaab'il b'aanuhom ut te'xnima xloq'al leechoxahil Yuwa'.

San Mateo 25:1

“Li taak'ulmanq sa' li xnimajwal wankilal li choxa chanchan li kik'ulmank sa' jun li sumlaak. Lajeeb' chi tuq'ixq ke'xk'am xsaqenkeb' naq ke'elk chi xk'ulb'al li b'eelomej.

Isaías 5:27

Maajun chaq reheb' li tenamit a'an tawajenaq malaj lub'lu, maajun reheb' natichk'ok; maajun nawark malaj naxiikank, chixjunileb' b'an yo'oon wankeb' chi yalok.

Isaías 11:5

Tiqtooq junelik rik'in li yaal ut li tiikil ch'oolej.

Filipenses 2:15

re naq wanqex chi maak'a'aq eeq'usb'al ut saqaq ru leech'ool, ralalaqex li Yos chi maak'a' eemaak sa' xyanqeb' li tenamit a'an ink'a' useb' ut sachenaqeb' sa' li maak. Sa' xyanqeb' a'an nekexlemtz'unk jo'kex li chahim sa' ruuchich'och',

Proverbios 31:17

Chi anchal xch'ool na'ok chi k'anjelak, xb'aan naq q'axal kaw rib'.

1 Reyes 18:46

Li Qaawa' wank rik'in laj Elías: a'in kixb'ak' rib' chiru li xk'aamal xsa' ut koho sa' aanil chiru laj Ajab toj reetal kiwulak sa' li tenamit Jisrehel.

San Lucas 12:36

Jo'kaqex eb' li winq yookeb' chi royb'eninkil naq laj eechal reheb' taasutq'iiq chaq sa' li sumlaak, re naq, ka'ajwi' taak'ulunq ut taab'oqoq, tikto te'xte li kab'l chiru.