San Lucas 12:32 - Q'eqchi Bible

³² “Mexxiwak li jun ch'ina ch'uutex linkarneer, xb'aan naq xwulak chiru leeYuwa' xk'eeb'al eere li xnimajwal awab'ejihom.

Li Santil hu

³² Mexxucuac ex cualal incꞌajol. Usta incꞌaꞌ qꞌuihex, abanan le̱ yucuaꞌ cuan saꞌ choxa cꞌojcꞌo xchꞌo̱l chixqꞌuebal e̱re lix nimajcual cuanquilal.

San Lucas 12:32 ပူးပေါင်းရင်းမြစ်များ

Hebreos 12:28

Jo'kan utan, laa'o li yooko chi xmaataninkil li xnimajwal awab'ejihom li Yos li ink'a' naru reek'asinkil, chooyoxinq chiru ut qaloq'oniiq ru rik'in paab'ank ut qaxiw, jo' nawulak chiru,

Apocalipsis 1:6

A'an kik'ehok qe chi awab'ejink rochb'een a'an cho'q aj tij chiru li Yos li xYuwa'. Rehaq taxaq li loq'al ut li wankilal chi junelik q'e kutan! Jo'kan taxaq!

Filipenses 2:13

xb'aan naq a' li Yos na'eek'asink eere chi rahok ut chi k'anjelak, jo' chanru na'alaak sa' xch'ool.

San Lucas 10:21

Sa' ajwi' li honal a'an, li Jesus kisaho'k sa' xch'ool xb'aan li Santil Musiq'ej ut kixye: “Ninloq'on aawu, at inYuwa', laa'at aj eechal re li choxach'och', xb'aan naq xamuq a'in chiruheb' li wankeb' xna'leb' jo'wi' li seeb'eb' xch'ool, ut xak'ut chiruheb' li q'uneb' xch'ool. Yaal, at inYuwa', xb'aan naq jo'kan xwulak chawu.

San Mateo 25:34

“Toja' naq li Rey tixye reheb' li wanqeb' sa' xnim uq': «Kimqex laa'ex, osob'tesinb'ilex xb'aan linYuwa'! Eechanihomaq li nimajwal wankilal kawresinb'il cho'q eere chalen chaq sa' xk'ojlajik li ruuchich'och'.

Isaías 40:11

Jo' junaq aj ilol ketomq, naxb'eresiheb' li xkarneer; naxq'alu eb' li xkok' karneer ut naxq'uneb', ut naxk'eheb' chi hilank li toja' xe'alank.

2 Ts 1:11

Jo'kan naq juneliko chi tijok cherix: li qaYos chik'ehoq taxaq eere wank jo' xk'ulub' leemaatan b'oqb'ilex wi', ut texxtenq'a taxaq rik'in li xwankilal re naq chitz'aqloq ru chixjunil li us nekerahi xb'aanunkil jo'wi' li xk'anjel leepaab'aal.

2 Pedro 1:11

Chi jo'kan taateliiq cheru li okeb'aal sa' li xnimal ut junelik x'awab'ejihom li Jesukriist, a' li Qaawa' ut aj Kolol qe.

San Mateo 14:27

Ab'anan li Jesus tikto kiraatinaheb' ut kixye: —Kawaq eech'ool: laa'inin! Mexxiwak.

Jeremías 3:19

“Laa'in kinye sa' inch'ool: «Relik chi yaal naq jo'kaqat li walal ut tink'e chaweechani jun ch'ina'usil na'ajej, a' li tenamit q'axal ch'ina'us sa' xyanqeb' chixjunil li na'ajej sa' ruuchich'och'». Ut kinye ajwi' sa' inch'ool: «At inyuwa', cha'qat we; maajoq'e raj chik tatnajto'q wik'in».

Apocalipsis 22:5

Aran maak'a'aq chik q'oqyink; moko te'raj ta ru xsaqenkil li xam chi moko xsaqenkil li saq'e, xb'aan naq li Qaawa' Yos taakutanob'resinq reheb', ut te'awab'ejinq chi junelik q'e kutan.

2 Ts 1:5

A'in reetalil li raqb'a aatin naxb'aanu li Yos sa' tiikilal; reetalil ajwi' naq eek'ulub' ok sa' li xnimajwal awab'ejihom li Yos: sa' xk'ab'a' ajwi' a'an yookex chi xk'ulb'al li rahilal.

Romanos 6:23

Xb'aan naq li xtojb'al li maak a'an li kamk; ab'an li maatan li nachalk rik'in li Yos a'an li junelik yu'am sa' xk'ab'a' li Kristo Jesus, li Qaawa'.

Santiago 2:5

Ex was wiitz'in raarookex inb'aan, ab'ihomaq: ma ink'a' tab'i' li Yos xsik'ok chaq ruheb' li neb'a' naq naxk'oxla li ruuchich'och' a'in, re naq b'ihomaqeb' sa' li paab'aal ut te'reechani li Nimajwal Wankilal li kixyeechi'i chaq reheb' li neke'rahok re?

San Juan 18:36

Kichaq'ok li Jesus ut kixye: —Lin'awab'ejihom maawa' re li ruuchich'och' a'in. Wi ta re li ruuchich'och' a'in lin'awab'ejihom, xe'yalok raj eb' laj k'anjel chiwu re naq ink'a' xinq'axtesiik sa' ruq'eb' laj Judiiy; ab'anan lin'awab'ejihom moko aj arin ta.

Isaías 41:14

Matxiwak, a Jakob, mich'inank aach'ool, a Israel: us ta jwal kach'inat ut maak'a' aametz'ew, laa'in nintenq'ank aawe -chan li Qaawa'-. Laa'in, li xSant laj Israel, laj Kolol aawe.

San Mateo 20:16

“Chi jo'kan eb' li wankeb' chi ixb'ej, te'kanaaq chik chi uub'ej, ut eb' li wankeb' chi uub'ej, te'kanaaq chi ixb'ej”.

San Mateo 7:15

“Chekolaq eerib' chiruheb' li propeet aj b'alaq': neke'chalk eerik'in chi tiqtookeb' chaq rik'in rix karneer, ab'an sa'eb' li xch'ool chanchaneb' li josq' aj xojb'.

Isaías 53:6

Chiqajunilo xoosachk jo'eb' li karneer, ak xb'e xb'e xk'am li junjunq. Ut li Qaawa' xk'e chiriiqani li qamaak chiqajunilo.

Hechos 20:28

Cherilaq eerib' jo' ajwi' cherilaqeb' chixjunil li karneer li xaqab'anb'ilex wi' xb'aan li Santil Musiq'ej cho'q aj k'aak'alehom reheb'. Cheb'eresi li x'Iklees li Yos li kixloq' rik'in xkik'el li Ralal.

Hechos 20:29

Ninnaw naq, akaq xkohin, wanqeb' josq' aj xojb' te'ok sa' eeyanq li te'xrahob'tesi eb' li karneer.

1 Corintios 1:21

Li ruuchich'och' rik'in li xna'leb' ink'a' kixnaw ru li Yos sa' li xnimal ru xna'leb'; jo'kan naq li Yos kiraj xkolb'aleb' laj paab'anel rik'in li memil na'leb' naqapuktesi laa'o.