San Lucas 12:31 - Q'eqchi Bible

³¹ Sik'omaq xb'enwa li xnimajwal awab'ejihom li Yos, ut chixjunil a'in taak'eemanq chaq eere cho'q xtz'aqob'.

Li Santil hu

³¹ Abanan la̱ex te̱sicꞌ lix nimajcual cuanquilal li Dios ut chixjunil li cꞌaꞌak re ru aꞌin talajqꞌuehekꞌ e̱re chokꞌ xtzꞌakob.

San Lucas 12:31 ပူးပေါင်းရင်းမြစ်များ

San Mateo 6:33

Sik'omaq xb'enwa li xnimajwal awab'ejihom li Yos ut li tiikilal li nachalk rik'in, ut chixjunil li nekeraj taak'eemanq chaq eere cho'q xtz'aqob'.

Hebreos 13:5

Mexrahink li b'ihomal, k'ojk'ooq b'an eech'ool rik'in li k'aru wank eere, xb'aan naq li Yos kixye: “Ink'a' tatinkanab' chi moko tatintz'eq chirix inch'ool”.

Salmos 34:9

Yalomaq ut k'ehomaq reetal: makach'in xchaab'ilal li Qaawa'! Us xaq reheb' li neke'muhenk rik'in.

1 Timoteo 4:8

Li tzolokb'atz'unk kach'in ajwi' xk'anjel; ab'an li xraab'al li Yos nak'anjelak cho'q re chixjunil xb'aan naq naxyeechi'i li yu'am anaqwan ut sa'eb' li kutan chalk re chiqu.

San Juan 6:27

Chexk'anjelaq moko chirix ta li tzekemq na'oso'k, chirix b'an li tzekemq ink'a' nalajk na'oso'k, a' li naxk'e li junelik yu'am: a'an taak'ehe'q eere xb'aan li K'ajolb'ej, xb'aan naq A'an a'in li xaqab'anb'il xwankil xb'aan li Yuwa'b'ej Yos.

Salmos 84:11

Jwal us cho'q we li wank jun kutankaq sa' xneb'aal laamuheb'aal chiru linwanjik sa' li wochoch chiru k'iila chihab'; q'axal ninrahi ru hilank sa' xmu rochoch linYos chiru li wank sa' xmuheb'aaleb' li ink'a' useb' xch'ool.

Romanos 8:31

K'aru tqaye chirix a'an? Wi li Yos na'okenk chiqix, ani truuq twanq sa' xiik'ilal qik'in?

Salmos 37:3

Kawaq aach'ool rik'in li Qaawa' ut b'aanu li us, wanqat sa' laana'aj ut chatk'iiq sa' tuqtuukilal;

Salmos 37:25

Sa' chaq insaajilal ut chalen anaqwan sa' intiixilal maajun wa wilom junaq tiik xch'ool tz'eqtaananb'il ta xb'aan li Yos, chi moko wab'ihom naq eb' li ralal xk'ajol xe'xlemooxni ta xwaheb'.

Isaías 33:16

A'an taawanq sa' jun na'ajej najt xteram, taahilanq sa' jun kawub'resinb'il ochoch, ut taawanq xwa ruk'a' chi junelik.

Salmos 37:19

Moko ra ta te'xk'ul sa' xq'ehil li rahilal; ut naq taawanq we'ej, numtajenaqaq li xtzekemqeb'.

San Lucas 10:42

ab'anan jun ajwi' li na'ajmank ru, ut lix María xsik' ru li jwal chaab'il li ink'a' taamaq'manq chiru.

San Lucas 12:30

Chixjunil a'in neke'xk'oxla eb' li maak'a'eb' xpaab'aal sa' li ruuchich'och' a'in. Ab'an ak naxnaw leeYuwa' naq nekeraj ru a'in.