San Lucas 12:19 - Q'eqchi Bible

¹⁹ Toja' naq tinye re li linyu'am: Naab'al linb'ihomal k'uulanb'il cho'q re k'iila chihab'. Tinhilanq b'i', tinwa'aq, tin'uk'aq ut tinninq'ehiq».

Li Santil hu

¹⁹ Ut tinye: “Us xak cue. Cuan nabal cꞌaꞌru cue xocxo inban re tinnumsi nabal chihab. Anakcuan tinhila̱nk, tincuaꞌak, tin-ucꞌak, ut ta̱sahokꞌ saꞌ inchꞌo̱l”, chan.

San Lucas 12:19 ပူးပေါင်းရင်းမြစ်များ

Proverbios 27:1

Maaxuli aawib' chirix li taab'aanu wulaj, xb'aan naq ink'a' nakanaw li taak'ulmanq wulaj.

1 Corintios 15:32

Wi ta yal sa' xk'ab'a'eb' li winq xinyal inq'e rik'ineb' li josq' aj xul aran Éfeso, k'a' raj ru xintaw chirix? Wi maak'a' xwaklijikeb' chi yo'yo eb' li kamenaq, “tzekanqo, uk'aqo xb'aan naq wulaj tookamq”.

Isaías 5:11

Ra chaalel sa' xb'eeneb' li neke'atawank b'iin toj eq'la, ut naq na'ok li q'oqyink, toj yookeb' xkalajik.

Eclesiastés 11:9

Laa'ex li toj saajex, cheyal xsahil leesaajilal; sahaq taxaq eech'ool anaqwan. B'aanuhomaq li k'aru nekerahi ut nawulak cheru. Ab'anan misachk sa' eech'ool naq sa' jun kutan li Yos tixraq aatin sa' eeb'een chirix chixjunil leeb'aanuhom.

Santiago 5:5

Sa naq kexwank sa' ruuchich'och' chi xb'aanunkil li jo'maajo'il na'leb': kech'oolani eerib' chi us cho'q re xkutankil li xnimal kamsink!

Filipenses 3:19

Ab'an li xraqikeb' a'in, a'an li sachk; li xyoseb' a'an li xsa'eb'; neke'xnimob'resi rib' sa' li xutaanalil na'leb' neke'xye neke'xb'aanu, ut ka'ajwi' li k'a'aq re ru wank sa' ruuchich'och' neke'reek'a xsahil.

Proverbios 18:11

Sa' xch'ool li b'ihom naq li k'aru wank re a'an chanchan jun tenamit suttz'akanb'il chi us.

Salmos 62:10

Jun apunk ajwi' li xyu'ameb' li poyanam, eb' li b'ihom jo' ajwi' eb' li neb'a'. Wi ta te'b'ise'q chixjunileb' sa' xb'een li peex, moko aaleb' ta raj chiru li sib'.

Apocalipsis 18:7

Jo'nimal xnimob'resi wi' rib' ut xrataw li maa'usilal, jo'kan ajwi' k'ehomaq reeqaj rik'in rahilal ut yot'e'k. Xb'aan naq kixye sa' xch'ool: «K'ojk'ookin jo' xna' li tenamit, maawa'in xmalka'an ut maajoq'e twil li rahil ch'oolej», chan.

1 Pedro 4:3

Ak naab'al li kutan xenumsi chaq chi xb'aanunkil li nawulak chiruheb' li ink'a' neke'paab'ank: xexwank sa' li jo'maajo'il na'leb', jo' li naxrahi li tz'ejwalej, rik'in num uk'ak num wa'ak, rik'in kalaak ut xloq'oninkileb' ru li yal k'oxlanb'il yos: a'an ink'a' naru xb'aanunkil.

2 Timoteo 3:4

aj b'alaq'aqeb' ut kawaqeb' rib' chi xb'aanunkil li ink'a' us. Taanumtaaq li xq'etq'etileb', a' chik li xsahilal li ruuchich'och' te'rataw chiru li xraab'al li Yos,

Oseas 12:8

Ut eb' laj Efraín neke'xye: «Yaal naq xoob'ihomo'k, naab'al li b'ihomal xqatamresi. Ab'anan maajun taayehoq qe naq xqataw qab'ihomal rik'in b'alaq'ik!».

Isaías 22:13

Ab'anan laa'ex sa chik sa' leech'ool ut yookex chi ninq'ehik, yookex chi kamsink wakax ut karneer, junes tiwok tib' ut uk'ak b'iin nekeb'aanu: “Wa'aqo ut uk'aqo xb'aan naq wulaj kab'ej tookamq”, -chankex-.

Isaías 5:8

Ra chaalel sa' eeb'een li yookex chi loq'ok naab'al chi ochoch, li yookatqex chi loq'ok ch'och', toj reetal naq maajun chik nekek'ul ut chanchan naq ka'ajex wi' laa'ex wankex sa'eb' li tenamit.

Proverbios 23:5

xb'aan naq sa' junpaat naxik jo' naxik'ank li t'iw. Wi relik chi yaal toxaawil li b'ihomal, sa' junpaat taasachq chawu.

Li xHu LAJ JOB 14:1

Kach'in roq li qayu'am ut jwal nujenaq chi rahilal.

1 Timoteo 6:17

Chatz'aama chiruheb' li b'ihom sa' li ruuchich'och' a'in naq me'xq'etq'eti rib' chi moko te'xk'ojob' xch'ool rik'in li b'ihomal li taa'oso'q, te'xk'ojob' b'an xch'ool rik'in li Yos li nak'ehok qe chi yo'oon chixjunil li k'a'aq re ru, re tqayal xsahil.

1 Timoteo 5:6

Ab'an li xmalka'an li jo'maajo' naq wank, a'an kamenaq us ta yo'yo.

San Lucas 21:34

“Chek'ehaq reetal, mi'aalo'k eech'ool xb'aan li tz'i'b'eetalil na'leb', xb'aan li kalaak ut chi xk'oxlankil rix leeyu'am. Mare anchal taachalq sa' eeb'een li kutan a'an chi maak'a'aq sa' eech'ool,

San Lucas 16:19

“Kiwank jun li winq b'ihom, naxtiqib' rib' rik'in chaab'il kaqi t'ikr ut liino, ut rajlal kutan naninq'ehik chi chaab'il.

Habacuc 1:16

Jo'kan naq laj kar taamayejaq chiru li xyooy ut tixk'at li pom chiru li xluch b'aq, xb'aan naq sa' xk'ab'a' a'an wank xwa ruk'a' chi chaab'il ut chi numtajenaq.

Salmos 49:18

xb'aan naq sa' li xkamik maak'a' tixk'am chirix, chi moko li xjunkab'lal taaxik rochb'een.

1 Samuel 30:16

Ut kixk'am rik'ineb' laj Amalek li wankeb' yalaq b'ar sa' li na'ajej a'an, yookeb' chi wa'ak uk'ak ut chi xajok xb'aan chixjunil li k'a'aq re ru ke'relq'a sa' xna'ajeb' laj Filistea ut eb' laj Judá.

Proverbios 10:2

Li nab'ihomo'k sa' b'alaq'il maak'a' na'ok wi'; ab'an li tiik xch'ool naxkol li xyu'am.

Eclesiastés 2:24

Li k'aru us tqab'aanu, a'an wa'ak uk'ak ut xyalb'al xsahil li k'aru tqak'anjela. Xink'e reetal naq a'in ajwi' qamaatan li nachalk rik'in li Yos.

Isaías 56:12

Eb' a'an neke'xye: “Yo'qeb' chi sik'ok b'iin jo'wi' li ha' nakaltesink, re naq tookalaaq. Xb'aan naq li kutan wulaj kama'aq anaqwan; malaj jwal chaab'ilaq chik”, chankeb'.

Amós 6:13

Nasaho'k leech'ool chi maak'a' rajb'al, ut nekeye: “Ma ink'a' tab'i' xqeechani Karnáhin yal qajunes qib'?”, chankex.

San Lucas 12:18

Ut kixye: «Tinb'aanu a'in: tinjuk'eb' li rochochil ru li wawimq ut jalaneb' chik q'axal ninq chik tinyiib'; aran tinch'utub' chixjunil lintriiw ut chixjunil li k'aru wank we.

Proverbios 14:24

Li xkoroon li wank xna'leb', a'an li xchaab'il na'leb'; li xq'ajkamunkil li maak'a'eb' xna'leb', a'an li memil.