San Lucas 12:12 - Q'eqchi Bible

¹² xb'aan naq li Santil Musiq'ej taak'utuq cheru sa' ajwi' li honal a'an k'aru tento xyeeb'al”.

Li Santil hu

¹² xban nak li Santil Musikꞌej tixcꞌutbesi che̱ru saꞌ li ho̱nal aꞌan chanru texsume̱nk cuiꞌ, chan li Jesús.

San Lucas 12:12 ပူးပေါင်းရင်းမြစ်များ

San Lucas 21:15

xb'aan naq laa'in tink'e eeraatin ut xnimal ru eena'leb' li ink'a' te'ruuq xwech'b'al rix chi moko xsumenkil chixjunileb' li xik' neke'ilok eere.

San Mateo 10:20

Moko laa'ex ta tex'aatinaq, a' b'an li xMusiq' leeYuwa' taa'aatinaq chi xtz'uumal eere.

Hechos 4:8

Toja' naq laj Pedro, nujenaq chi Santil Musiq'ej, kixye reheb': —Ex xb'eenilex li tenamit, ex cheekel winq,

Hechos 6:10

Ab'anan ink'a' neke'xkuy xsumenkil li xnimal xk'a'uxl ut li Musiq'ej na'aatinak wi'.

Éxodo 4:11

Ab'an li Qaawa' kixsume: “Ani xk'ehok li ehej re li winq? Ani aj b'an wank li mem ut li tz'ap xik, li na'ilok ut li mutz'? Ma ink'a' tab'i' inb'aan laa'in li Qaawa'?

Hechos 7:55

A'ut a'an, nujenaq chi Santil Musiq'ej, kixtaqsi li ru sa' choxa ut kiril li xloq'al li Yos ut li Jesus xaqxo sa' xnim uq' li Yos,

Éxodo 4:12

Jo'kan b'i', ayu: laa'in wanqin sa' laawe ut tink'ut chawu li k'aru toxaaye”.

San Mateo 10:19

Ab'an, naq texq'axtesiiq, mixik eech'ool chi xk'oxlankil chanru malaj k'aru teeye, xb'aan naq taak'ehe'q eere sa' li honal a'an k'aru teeye.

San Lucas 12:13

Jun li winq sa' xyanqeb' li tenamit kixye re li Jesus: —At Tzolonel, ye re li was naq chixjek'aq b'ayaq we li junkab'lal xkanaak cho'q qe.