San Lucas 12:1 - Q'eqchi Bible

¹ Sa' ajwi' li honal a'an ke'ch'utlaak k'iila mil chi poyanam, yookeb' chi xpitz'inkil rib'eb'. Ut li Jesus ki'ok chi xyeeb'al xb'een xb'een reheb' li xtzolom: “Chekolaq eerib' chiru li xch'amaleb' laj Pariseey, a' li ka'pak'al uhil.

Li Santil hu

¹ Nak yo̱queb chi chꞌutla̱c li qꞌuila mil chi tenamit, yo̱queb chixtiquisinquil ribeb. Li Jesús qui-oc chi a̱tinac riqꞌuineb lix tzolom xbe̱n cua ut quixye: —Me̱ba̱nu joꞌ nequeꞌxba̱nu laj fariseo. Aꞌaneb aj caꞌ pacꞌal u.

San Lucas 12:1 ပူးပေါင်းရင်းမြစ်များ

1 Pedro 2:1

Jo'kan utan, tz'eqtaanahomaq chixjunil li maa'usilal, chixjunil li b'alaq'il, ka'pak'al uhil, kaqalink ut chixjunil li majewank.

Santiago 3:17

A'ut li naxk'anjela ru li choxahil na'leb', a'an saq ru li xyu'am; jo'kan ajwi' naxk'e xch'ool chirix li tuqtuukilal, li chaab'ilal, li tuulanil. K'ajo' aj uxtaan ut xiikileb' li xchaab'il b'aanuhom! Maawa' aj ka'pak'al u ut juntaq'eet narileb' chixjunil.

San Lucas 12:56

Ex aj ka'pak'al u! Wi laa'ex nekenaw xk'eeb'al reetal ru li choxach'och', k'a' put naq ink'a' nekek'e reetal eb' li kutan a'in?

Li xHu LAJ JOB 36:13

Eb' li ink'a' neke'xk'oxla li Yos, k'ajo' naq neke'josq'o'k. Us ta yookeb' chi k'uluk rahilal, ab'an ink'a' neke'xpatz' xtenq'ankileb'.

Li xHu LAJ JOB 27:8

Moko wank ta royb'enihom li ink'a' us xna'leb' naq li Yos taarisi li xyu'am.

Li xHu LAJ JOB 20:5

Chalen naq li winq kiyoob'tesiik xb'aan li Yos, junpaat ajwi' xsahilal li ink'a' us xna'leb'.

2 Reyes 7:17

Li awab'ej kixxaqab' laj tenq' re chi rilb'al li okeb'aal, ab'anan kipitz'iik xb'aaneb' li poyanam ut kikamk, jo' yeeb'il chaq xb'aan li xtaql li Yos naq kiwulak li awab'ej rik'in.

1 Corintios 15:3

Xb'een xb'een xinnumsi cheru li k'aru xink'ul ajwi' laa'in: naq li Kriist kikamk xb'aan li qamaak, jo' ak yeeb'il chaq resil chi junxilaj xb'aan li Santil Hu;

Hechos 21:20

Ut eb' a'an, naq ke'rab'i, ke'ok chi xnimankil ru li Yos ut ke'xye re laj Pablo: —Xawil, at qiitz'in, jarub' mil chi aj Judiiy xe'ok chi paab'ank, ut chixjunileb' a'an toj kaweb' xch'ool chirix xchaq'rab' laj Moisés.

San Lucas 11:44

“Ra chaalel sa' eeb'een laa'ex, xb'aan naq chanchanex li muqleb'aal kamenaq li ink'a' neke'k'utunk, ut eb' li tenamit neke'b'eek sa' xb'een chi ink'a' neke'xnaw!”.

San Lucas 6:17

Rochb'eeneb' a'an naq kikub'e chaq li Jesus. Toja' naq kixaqliik sa' jun li na'ajej taq'a ru, b'arwi' naab'aleb' li xtzolom ut xiikileb' li tenamit chalenaqeb' chaq sa' chixjunil Judea, Jerusalén, ut chire li palaw re Tiro ut Sidón.

San Lucas 5:15

Ab'anan q'axal chik kisutunk resil li Jesus, ut naab'aleb' li tenamit neke'xch'utub' rib' chi rab'inkil jo' ajwi' re naq te'k'irtasiiq li xyajeleb'.

San Lucas 5:1

Naq wan chaq li Jesus chire li palaw Genesaret xk'ab'a' ut eb' li tenamit yookeb' chi xtiikisinkil rib' sa' xb'een re rab'inkil Raatin li Yos,

Isaías 33:14

Xsachk xch'ooleb' laj maak li wankeb' Sión, k'ajo' naq kichalk xxiweb' li ink'a' useb' xna'leb': “Ani qe tixkuy wank sa' li xam nasachok? Ani taaruuq chi wank sa' li xam li ink'a' nachupk?”, chankeb'.

Hebreos 12:22

K'ehomaq reetal, laa'ex xexjilok chi xk'atq li tzuul Sión, rik'in li xtenamit li yo'yookil Yos, a' li choxahil Jerusalén, rochb'een li k'iila o'q'ob' chi ánjel; xexjilok wan wi' li nimla ch'utam,