San Lucas 11:42 - Q'eqchi Bible

⁴² “Ab'anan ra chaalel sa' eeb'een laa'ex aj pariseey: neketoj li xlajeetqil li isk'i'ij, li aruub' ut chixjunil li ichaj, ut maak'a' xeraj wi' li tiikilal ut li xraab'al li Yos. Chixjunil a'in tento raj xeb'aanu, ab'an ink'a' raj xekanab' xb'aanunkil li junch'ol chik.

Li Santil hu

⁴² —Ra cha̱lel saꞌ e̱be̱n la̱ex aj fariseo. Nequemayeja li junju̱nk saꞌ xlaje̱tkil li isquiꞌij, li ruda ut li cꞌaꞌak re ru chi ichajil li natiꞌeꞌ. Abanan incꞌaꞌ nequera li Dios ut incꞌaꞌ nequeba̱nu li ti̱quilal. Us xqꞌuebal li junju̱nk saꞌ xlaje̱tkil, abanan kꞌaxal cuiꞌchic tento xra̱bal li Dios ut xba̱nunquil li ti̱quilal.

San Lucas 11:42 ပူးပေါင်းရင်းမြစ်များ

San Mateo 23:23

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketoj li xlajeetqil li isk'i'ij, li anis ut li komino, ut xekanab' xpaab'ankil li q'axal nim xwankil sa' li Chaq'rab': a' li tiikilal, li uxtaanank ut li paab'aal! Chixjunil a'in tento raj xeb'aanu, ab'an ink'a' raj xekanab' xb'aanunkil li junch'ol chik.

San Lucas 18:12

Ka' sut nin'ayuunik chiru li xamaan, ninmayeja li xlajeetqil chixjunil li naweechani».

1 Juan 4:20

Wi junaq nayehok: “Laa'in ninra li Yos”, ab'an xik' naril li ras riitz'in, a'an aj tik'ti', xb'aan naq li ink'a' naxra li ras riitz'in li naril ru, moko naru ta tixra li Yos li ink'a' naril ru.

Malaquías 3:8

Ut laa'in ninpatz' wib': Ma naru junaq winq xb'alaq'inkil li Yos? Naru, xb'aan naq laa'ex xineeb'alaq'i. Ut chirix a'an toj nekeye: «K'aru xatqab'alaq'i wi'?», chankex. Xineeb'alaq'i, xb'aan naq ink'a' nekek'e li junjunq sa' xlajeetqil ru leerawimq chi moko nekek'e leeloq'laj mayej.

Miqueas 6:8

At winq, at ixq, ak yeeb'il aawe li k'aru us xb'aanunkil, a' li nawulak chiru li Qaawa' naq taab'aanu: ka'ajwi' xb'aanunkil li tiikilal, xk'eeb'al aach'ool chi rahok ut taakub'si laawankil chiru laaYos.

Proverbios 21:3

Xb'aanunkil li usilal ut li tiikilal, q'axal loq' cho'q re li Qaawa' chiru chixjunil li k'atb'il mayej.

San Mateo 23:27

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex, xb'aan naq chanchanex li muqleb'aal kamenaq chuninbil: ch'ina'us rilb'aleb' li rix, ab'an chisa' nujenaqeb' chi xb'aqel kamenaq ut chixjunil li k'a'aq re ru chi tz'ajnil!

1 Samuel 15:22

Toja' naq kixye laj Samuel: “Ma rik'in tab'i' k'atb'il mayej ut eeyeechi'om nak'ojlaak xch'ool li Qaawa'? Malaj a' li xpaab'ankil li raatin a'an li q'axal nawulak chiru? Jwal us paab'ank chiru mayejak, jwal loq' ab'ink chiru li xxeeb'ul li karneer.

San Juan 5:42

ab'anan ninnaw eeru, ninnaw naq maak'a' li xrahom li Yos eerik'in.

San Mateo 23:13

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketz'ap li xnimajwal wankilal li choxa chiruheb' li tenamit! Xb'aan naq ink'a' nekex'ok laa'ex, ut nekeram chiruheb' li neke'raj raj ok.

Malaquías 2:17

Li Qaawa' xch'i'taak xb'aaneb' li aatin nekeye. Ut toj nekexpatz'ok wi' chik: “K'aru xch'i'taak wi' li Qaawa' qab'aan?”, chankex. Xch'i'taak eeb'aan, xb'aan naq nekeye: “Li Qaawa' maak'a' naxye re li nab'aanunk maa'usilal ut sa sa' xch'ool rik'in”. Malaj ut nekeye: “B'ar wank li Yos tiik xch'ool?”, chankex.

Malaquías 1:6

Li Qaawa', li Nimajwal Yos, kixye reheb' laj tij: “Li alalb'ej naroxloq'i li xyuwa' ut laj k'anjel naxk'e xloq'al laj eechal re. Wi laa'in leeyuwa', k'a'ut naq ink'a' nikineeroxloq'i? Wi aj eechalin eere, k'a'ut naq ink'a' nekek'e inloq'al? Laa'ex nikineetz'eqtaana ut nekeye: «K'aru xatqatz'eqtaana wi'?», chankex.

Eclesiastés 7:18

Wanqat sa' xyi li b'e. Chawoxloq'i li Yos; chi jo'kan us tat-elq sa' chixjunil laak'anjel.

Nehemías 10:37

Kiqak'uub' ajwi' xk'amb'al sa'eb' li xk'uuleb'aal li rochoch li Yos, cho'q reheb' laj tij, li q'em yiib'anb'il rik'in li xb'een ru li triiw, jo' ajwi' li xchaab'ilal chixjunil ru li che', li b'iin ut li aseeyt. Ut li junjunq sa' xlajeetqil ru li qawimq taaqaq'axtesi reheb' laj Leví, xb'aan naq eb' a'an neke'xokok re li xlajeetqil chixjunil li naruuchin li qach'och'.