San Lucas 11:34 - Q'eqchi Bible

³⁴ Li xsaqenk li tz'ejwalej a'an li xsa' laawu. Wi saqenk ru xsa' laawu, chixjunil laajunxaqalil saqenaq ajwi' ru; ab'an wi ink'a' chaab'il xsa' laawu, chixjunil laajunxaqalil taawanq sa' aak'ab'.

Li Santil hu

³⁴ Li xnakꞌ e̱ru chanchan jun li lámpara. Xban nak na-iloc li xnakꞌ e̱ru cuanquex saꞌ cutan. Cui ta ma̱cꞌaꞌ li xnakꞌ e̱ru cuanquex raj saꞌ kꞌojyi̱n.

San Lucas 11:34 ပူးပေါင်းရင်းမြစ်များ

Hechos 26:18

re xteeb'al xsa' ruheb', re naq te'xkanab' li aak'ab' ut te'ok sa' li saqenk, te'elq rub'el xwankil laj tza ut te'xq'axtesi rib' sa' ruq' li Yos; ut rik'in inpaab'ankil te'xk'ul xkuyb'al xsachb'al li xmaakeb' jo' ajwi' te'xtaw xna'ajeb' sa' xyanqeb' li santob'resinb'ileb'».

Salmos 119:18

Chate taxaq xsa' li wu re naq tinka'ya li xloq'al laachaq'rab'.

Colosenses 3:22

Ex aj loq'b'il k'anjel, chepaab' eb' laj eechal eere sa' ruuchich'och' rik'in chixjunil li k'anjel, moko ka'aj ta wi' naq eb' a'an yookeb' cherilb'al re naq sahaqeb' xch'ool eerik'in, cheb'aanu b'an chi yaal, chi anchal eech'ool, yooqex chi roxloq'inkil li Qaawa'.

2 Corintios 11:3

Ab'anan ninxiwa naq mare taapo'q leek'a'uxl: kama' naq lix Eva kib'alaq'iik xb'aan xlab'alil li k'anti', mare tex'isiiq ajwi' laa'ex rik'in li yaal ut santilal wankex wi' cho'q re li Kriist.

2 Corintios 4:4

cho'q reheb' li maak'a' neke'xpaab', xb'aan naq li xyos li ruuchich'och' a'in xmutz'o'b'resi li xk'a'uxeb' re naq ink'a' taalemtz'unq chiruheb' li xsaqenkil li xChaab'il Esil li Kriist nim xloq'al, a'an a'in li xjalam u li Yos.

Jeremías 5:21

«Ab'ihomaq li esil a'in, ex jip aj tenamit ut maak'a' eena'leb'! Wank xsa' leeru, ab'an maak'a' nekeril; wank leexik, ut ink'a' nekex'ab'ink.

Efesios 1:17

Nintz'aama chiru li xYos li Qaawa' Jesukriist, xYuwa' li nimajwal loq'al, naq tixk'e taxaq eena'leb' sa' xk'ab'a' li Musiq'ej ut tixk'ut rib' cheru re naq teenaw ru chi tz'aqal.

San Marcos 4:12

re naq, us ta te'iloq maak'a' te'ril, us ta te'ab'inq maak'a' te'xtaw ru. Mare anchal te'xyot' xch'ool te'xjal xk'a'uxl ut te'kuye'q te'sache'q li xmaakeb'”.

2 Corintios 1:12

A'an a'in li k'ojk'o wi' li qach'ool: xnawb'al naq xoowank sa' santilal ut tiikilal sa' li ruuchich'och' a'in sa' xk'ab'a' li Yos, ut q'axal wi' chik naq xoowank sa' eeyanq laa'ex: moko rik'in ta xna'leb' li ruuchich'och', rik'in b'an rusilal li Yos.

San Marcos 8:18

Wank xsa' eeru ut ink'a' nekex'ilok, wank eexik ut ink'a' nekex'ab'ink? Ma ink'a' wank sa' eech'ool

Isaías 44:18

Eb' li poyanam a'an, maak'a' neke'xnaw chi moko neke'xtaw ru. Tz'aptz'o xsa' ruheb' ut maak'a' neke'ril; maak'a' xna'leb'eb' ut ink'a' neke'xtaw ru.

Hechos 13:11

Anaqwan il, li ruq' li Qaawa' wank sa' aab'een. Tatmutz'o'q ut ink'a' chik taawil ru li saq'e chiru jarub'aq kutan. Tikto kiq'oqyino'k ut ki'aak'ab'o'k xsa' li ru: tixsuti rib' chi xsik'b'al ani taach'ilonq re chi ruq'.

Isaías 29:10

Xb'aan naq li Qaawa' xwartesi leena'leb', xtz'ap leeru ut leejolom, ex propeet ut aj ilol moy u.

Isaías 6:10

Kawub'resi li xch'ooleb' li tenamit a'in, chajipob'resi li xxikeb' ut chamutz' li ruheb'. Mare anchal te'iloq rik'ineb' li ru, te'ab'inq rik'ineb' li xxik, te'xtaw xyaalal sa' xch'ooleb' ut te'xjal xk'a'uxeb', ut laa'in teb'ink'irtasi”, chan.

Salmos 81:12

“A'ut lintenamit ink'a' xrab'i xyaab' linkux, eb' laj Israel ink'a' xe'raj ab'ink chiwu.

Efesios 6:5

Ex aj loq'b'il k'anjel, chepaab' eb' laj eechal eere sa' ruuchich'och'. Cheroxloq'iheb' sa' xyaalal ut q'unaq leech'ool jo' naq nekepaab' li Kriist:

Hechos 2:46

Neke'xk'e xch'ool chi xik sa' rochoch li Yos wulaj wulaj, chi junajeb' xch'ool; neke'xjachi li wa sa' rochocheb' ut neke'tzekank chi saheb' sa' xch'ool ut sa' q'unil.

San Marcos 7:22

muxuk sumlaak, pixilal, maa'usilal, b'alaq'ik, tz'i'b'eetalil na'leb', kaqalik, majewank, q'etq'etil, maak'a'il na'leb'.

Isaías 42:19

Ani tawi' li mutz'? Ma ink'a' tawi' a' laj k'anjel chiwu? Maajun li q'axal tz'apxik jo' li xintaqla chi yehok esil, maajun li q'axal mutz' ut jwal tz'apxik jo' lintaql, jo' laj k'anjel chiwu laa'in li Qaawa'.

Proverbios 28:22

Li pix aj winq narataw b'ihomo'k chi junpaat, ut ink'a' naxnaw naq sa' neb'a'il tox'oso'q.

Génesis 19:11

Chixjunileb' li wankeb' chirix kab'l ke'mutz'o'k xb'aaneb', jo' saajeb' ut cheekeb', ut ink'a' chik ke'xtaw li okeb'aal.

Proverbios 21:4

Li q'etq'etil ut li nimob'resink ib' a'an maak. Jo'kan ajwi' li xk'a'uxeb' li ink'a' useb' xch'ool.

Isaías 5:20

Ra chaalel sa' eeb'een li nekexyehok us re li ink'a' us, ut moko us ta nekeye re li chaab'ilal; li nekek'e cho'q saqenk li aak'ab', ut li q'oqyink nekek'e cho'q kutan; li nekek'e li k'a cho'q ruuchil li ki', ut li ki' nekek'e cho'q k'a.

San Lucas 11:35

Chak'e b'i' reetal naq li saqenk li wank aawik'in ink'a' aak'ab'aq ru.