San Lucas 11:31 - Q'eqchi Bible

³¹ “Li xna' li tenamit li wank sa' rokeb'l iq' taawakliiq chaq sa' xkutankil li raqb'a aatin rochb'eeneb' li tenamit a'in ut tixteneb' tojb'amaak sa' xb'eeneb', xb'aan naq a'an kichalk chaq toj sa' xmaril li ruuchich'och' re rab'inkil li xnimal xk'a'uxl laj Salomón; ut arin wank li naxq'ax ru laj Salomón.

Li Santil hu

³¹ Li ixk li quicuan chokꞌ reina saꞌ li tenamit li cuan saꞌ li sur, ta̱cuacli̱k chak saꞌ xkꞌehil nak ta̱rakekꞌ a̱tin saꞌ e̱be̱n ut tixye nak cuan e̱ma̱c xban nak incꞌaꞌ xerabi li cua̱tin. Aꞌan quichal chak toj saꞌ xmaril li ruchichꞌochꞌ chirabinquil li cꞌaꞌru quixye laj Salomón xban nak cuan xnaꞌleb. Ut la̱in kꞌaxal cuiꞌchic innaꞌleb chiru laj Salomón ut cuanquin arin saꞌ e̱ya̱nk. Abanan incꞌaꞌ nequepa̱b li cua̱tin.

San Lucas 11:31 ပူးပေါင်းရင်းမြစ်များ

2 Crónicas 9:1

Li xna'eb' li tenamit Sabá kirab'i resil li xchoxahil na'leb' laj Salomón ut koho Jerusalén chi xyalb'al rix rik'in patz'om jwal ch'a'aj xsumenkil. Kiwulak Jerusalén rik'in k'iila kameey li ke'k'amok chaq sununkil b'an, oor chi yo'oon ut xchaq'alil ru pek. Naq kiwulak rik'in laj Salomón, kixye re chixjunil li patz'om kixk'oxla.

Romanos 2:27

Ut li ink'a' uxb'il li sirkunsisyon sa' li xtz'ejwal, wi naxpaab' li Chaq'rab', taaraqoq aatin sa' aab'een, xb'aan naq wank aawik'in li Chaq'rab' chi tz'iib'anb'il ut aak'ulum li sirkunsisyon, ab'anan aj q'etolat Chaq'rab'.

San Lucas 3:22

li Santil Musiq'ej kikub'e chaq sa' xb'een kama' na'ilok junaq mukuy ut kichalk chaq jun xyaab' kuxej sa' choxa, kixye: “Laa'at li walal; aawik'in nasaho'k inch'ool”.

San Mateo 12:42

“Li xna' li tenamit li wank sa' rokeb'l iq' taawakliiq chaq sa' xkutankil li raqb'a aatin rochb'eeneb' li tenamit a'in ut tixteneb' tojb'amaak sa' xb'eeneb', xb'aan naq a'an kichalk chaq toj sa' xmaril li ruuchich'och' re rab'inkil li xnimal xk'a'uxl laj Salomón; ut arin wank li naxq'ax ru laj Salomón.

Jeremías 3:11

Li Qaawa' kixye ajwi' we: “Laj Israel, laj q'etol aatin, jwal kach'in ajwi' li xmaak chiru laj Judá, laj b'alaq'.

Hebreos 11:7

Sa' xk'ab'a' li xpaab'aal laj Noé kirab'i resil li k'aru toj maji' na'ilmank ru; kixxiwa ru li Yos ut kixyiib' li jukub' kab'l re xkolb'al li xjunkab'al. Ut sa' xk'ab'a' li xpaab'aal kixtz'eqtaana li ruuchich'och' ut koxreechani li tiikilal li nachalk xb'aan li paab'aal.

San Lucas 9:35

Toja' naq kichalk jun xyaab' kuxej sa' li choql, kixye: “A'in li walal sik'b'il ru inb'aan. A'an cherab'ihaq”.

Isaías 54:17

Ab'anan maajun xyiib'ank re li ch'iich' li taasachoq aawe. Mem taakanab'eb' li te'jitoq aawe sa' raqleb'aal aatin. A'an a'in li xmaataneb' laj k'anjel chiru li Qaawa', a'an a'in li q'axok u tink'e reheb'”, chan li Qaawa' Yos.