San Lucas 11:22 - Q'eqchi Bible

²² Ab'anan, wi taachalq junaq q'axal kaw rib' chiru a'an ut tixq'ax ru, tixmaq' eb' li xch'iich' li kaw wi' xch'ool ut tixjek'i chixjunil li k'aru re.

Li Santil hu

²² Abanan cui ta̱cha̱lk junak kꞌaxal cau rib chiru aꞌan, aꞌan chic ta̱numta̱k saꞌ xbe̱n ut ta̱makꞌekꞌ chiru lix chꞌi̱chꞌ li cau cuiꞌ xchꞌo̱l ut ta̱jeqꞌui̱k li cꞌaꞌru re.

San Lucas 11:22 ပူးပေါင်းရင်းမြစ်များ

Isaías 53:12

Jo'kan naq tink'e xna'aj sa' xyanqeb' li xninqal ru winq ut tixwotz li sahilal rochb'eeneb' li wankeb' xwankil, xb'aan naq xq'axtesi rib' chi kamsiik ut xk'eemank sa' ajl sa' xyanqeb' laj maak. Relik chi yaal naq xriiqani li xmaak naab'aleb' chi poyanam ut xtijok, x'elajink chirixeb' laj q'etol aatin.

Isaías 27:1

Sa' li kutan a'an li Qaawa' tixrahob'tesi li xk'anti'il li palaw li jwal xiwajel ru ut aj eelel, rik'in li xq'esnal ch'iich' li jwal kaw ut nim roq; tixkamsi ajwi' li mama' xul wank sa' li ha'.

Génesis 3:15

Tink'e naq xik' teeril eerib' laa'at ut li ixq. Jo'kanaq ajwi' eb' laawal ut eb' li ralal xk'ajol li ixq: ut jun reheb' tixpitz' laajolom naq laa'at taakut aawib' chi rit roq”.

1 Juan 4:4

Ex inkok'al, rehex li Yos ut ak xeq'ax ruheb' li propeet aj b'alaq', xb'aan naq Li wank eerik'in a'an q'axal nim xwankil chiru li wank sa' ruuchich'och'.

1 Juan 3:8

Ani nab'aanunk re li maak a'an re laj tza, xb'aan naq laj tza namaakob'k chalen chaq sa' xtiklajik. A'in aj e naq kolxk'ut rib' li Ralal li Yos, re xsachb'al li xk'anjel laj tza.

Colosenses 2:15

Kixjuk' xwankileb' li musiq'ej neke'taqlank ut neke'awab'ejink, kixk'eheb' chi se'eek chiruheb' chixjunil ut kixk'ameb' chirix xb'aan xnimal xwankilal.

Éxodo 15:9

Li xik' na'ilok qe kixye: «Tinxik chi xchapb'aleb', toxintaweb'. Tinjek'i li k'aru reheb', ut taak'ojlaaq linch'ool; twisi linch'iich', ut te'sache'q ru xb'aan li wuq'».

San Lucas 11:21

“Naq kaw rib' junaq winq ut wanq xch'iich' re xkolb'al rib', wi yooq xk'aak'alenkil li rochoch, maak'a' tixk'ul li xjunkab'lal.

San Lucas 11:23

“Ani ink'a' na'okenk chiwix, xik' nikinril; ut li ink'a' naxokok wochb'een, pajink naxb'aanu.

Efesios 6:11

Tiqib'omaq eerib' rik'in chixjunil li xk'anjelob'aal li Yos re naq xaqxooqex chi kaw chiru leeraalenkil xb'aan laj tza.

Efesios 6:13

Jo'kan utan, chapomaq chixjunil li xk'anjelob'aal li Yos re naq teeram chiruheb' li maa'us aj kutan ut kaw xaqxooqex chi ak xeq'ax ru chixjunil.