San Lucas 11:2 - Q'eqchi Bible

² Li Jesus kixye reheb': —Naq textijoq, cheye chi jo'ka'in: «At qaYuwa', santob'resinb'il taxaq laak'ab'a', chichalq ta laanimajwal awab'ejihom.

Li Santil hu

² Ut li Ka̱cuaꞌ quixye reheb: —Nak textijok, te̱ye chi joꞌcaꞌin: Ka̱cuaꞌ, cuancat saꞌ li santil choxa, lokꞌoninbil taxak la̱ santil cꞌabaꞌ. Chicha̱lk ta la̱ nimajcual cuanquilal. Chi-uxk ta li nacacuaj joꞌ saꞌ choxa, joꞌ ta ajcuiꞌ saꞌ ruchichꞌochꞌ.

San Lucas 11:2 ပူးပေါင်းရင်းမြစ်များ

Eclesiastés 5:2

Ma yal aaseeb'a aawib' chi aatinak malaj chi k'oxlak naq wankat chiru li Qaawa', xb'aan naq li Yos wank sa' choxa ut laa'at sa' ruuchich'och'. K'oxla chi us li k'aru ok aawe chi xyeeb'al.

2 Crónicas 20:6

ut kixye: “At Qaawa', xYosat eb' li qana' qayuwa', ma ink'a' tab'i' laa'at xYosat li choxa ut wank aawankil sa' xb'eeneb' chixjunil li x'awab'ejihom li ruuchich'och'? Sa' laawuq' laa'at wank li kawilal ut li wankilal, ut maajun nakuyuk aasumenkil.

Apocalipsis 15:4

Ani ink'a' tixxiwa ut ink'a' tixnima ru laak'ab'a', at Qaawa'? Xb'aan naq ka'jat wi' laa'at santat, ut chixjunileb' li tenamit talaje'chalq ut te'xhupub' rib' chawe chawu, xb'aan naq xe'kanaak chi kutankil laaninqal k'a'uxl”.

Salmos 11:4

Li Qaawa' wank sa' li xloq'laj ochoch, li Qaawa' wank xk'ojarib'aal sa' li choxa; naril chaq chixjunil li ruuchich'och' ut naxk'e reetal chixjunil li qab'aanuhom.

Apocalipsis 20:4

Moqon kiwileb' li k'ojarib'aal, b'arwi' ke'k'ojlaak eb' li ke'k'ehe'k xwankil chi raqok aatin. Kiwil li raanmeb' li ke'ch'ote'k xjolom sa' xk'ab'a' Raatin li Yos jo'wi' xb'aan naq ke'xch'olob' resil li Jesus, ut kiwil chixjunileb' li ink'a' ke'xloq'oni li josq' aj xul chi moko li xjalam u: eb' li ink'a' xk'ulumeb' li reetalil chi xpeekemeb' malaj chi ruq'eb'. Eb' a'in ke'wakliik wi' chik chi yo'yo ut ke'awab'ejink rochb'een li Kriist chiru jun mil chihab'.

1 Ts 1:3

Junelik wank sa' qach'ool chiru li qaYos ut qaYuwa' li xk'anjel leepaab'aal, li xkuyum leerahom ut li xkawil eech'ool chi yo'onink sa' xk'ab'a' li Jesukriist li Qaawa'.

Filipenses 4:20

Li Yos, li qaYuwa', chinimaaq taxaq xloq'al junq'e junq'e kutan. Jo'kan taxaq.

Filipenses 1:2

Chiwanq taxaq eerik'in li usilal ut li tuqtuukilal nachalk rik'in li Yos li qaYuwa' ut rik'in li Qaawa' Jesukriist.

Efesios 1:2

Chiwanq taxaq eerik'in li usilal ut li tuqtuukilal nachalk rik'in li Yos li qaYuwa' ut rik'in li Qaawa' Jesukriist.

2 Corintios 1:2

Li usilal ut li tuqtuukilal nachalk rik'in li Yos li qaYuwa' ut rik'in li Qaawa' Jesukriist, chiwanq taxaq eerik'in.

1 Corintios 1:3

Chiwanq taxaq eerik'in li usilal ut li tuqtuukilal nachalk rik'in li Yos li qaYuwa' ut rik'in li Qaawa' Jesukriist.

Isaías 63:16

Laa'at li qana' qayuwa'! Us ta laj Abrahán ink'a' nokooxk'e sa' xch'ool chi moko nokoojultiko'k re laj Israel, a'ut laa'at li qana' qayuwa', at Qaawa'; chalen chaq sa' xtiklajik laa'at laj kolol qe.

Salmos 57:11

xb'aan naq nim chik laarahom chiru li choxa, ut li xtiikilal laach'ool nawulak toj sa'eb' li choql.

Apocalipsis 19:6

Ut kiwab'i jo' xyaab' xkux xiikileb' li poyanam, chanchan xyaab' k'iila ha' ut xyaab' kawil kaaq, yookeb' chi xyeeb'al: “Aleluya! Li Qaawa', li qaNimajwal Yos x'ok chi awab'ejink.

Apocalipsis 11:15

Li xwuq ánjel kixyaab'asi li xtronpeet, ut ke'ab'iik sa' choxa xyaab' kuxej q'axal kaw, yookeb' chi xyeeb'al: “Ak xk'ulunk li x'awab'ejihom li Qaawa': li qaYos ut li xKriist te'taqlanq sa' xb'een li ruuchich'och', ut te'awab'ejinq chi junelik q'e kutan”.

1 Ts 1:1

Laa'in laj Pablo, wochb'een laj Silvano ut laj Timoteo, nintz'iib'ak rik'in li x'Iklees eb' laj Tesalónika li wank rik'in li Yos Yuwa'b'ej ut li Qaawa' Jesukriist: eerik'inaq taxaq li usilal ut li tuqtuukilal.

2 Ts 2:16

A'aj tawi' li Qaawa' Jesukriist ut li Yos li qaYuwa', li xrahok qe ut, xb'aan xnimal rusilal, xk'e qe jun xk'ojob'ankil qach'ool li ink'a' nalajk na'oso'k jo'wi' xnimal xsahil li qaanm chi oyb'enink,

Colosenses 1:2

nintz'iib'ak rik'ineb' laj santil paab'anel aj Kolosas, eb' li was wiitz'in li neke'xk'e xch'ool chi paab'ank sa' xk'ab'a' li Kriist. Chiwanq taxaq eerik'in li usilal ut li tuqtuukilal nachalk rik'in li Yos, li qaYuwa'.

Romanos 8:15

Ut laa'ex moko xemaatani ta junaq musiq'ej nak'ehok eere chi moosil re naq wanqex wi' chik sa' leexiw; xemaatani b'an li Musiq'ej nak'ehok eere chi alalb'ej k'ajolb'ejil, a' li nokooruuk wi' chi xyeeb'al chi kaw: “Abbá”, naraj naxye: “At inYuwa'”.

San Mateo 10:32

“Yalaq ani taayehoq chiruheb' li tenamit naq naxnaw wu, tinye ajwi' laa'in naq ninnaw ru chiru linchoxahil Yuwa'.

San Mateo 5:16

Jo'ka'in naq chilemtz'unq leesaqenkil chiruheb' li tenamit, re naq te'ril leechaab'il b'aanuhom ut te'xnima xloq'al leechoxahil Yuwa'.

San Mateo 3:2

“Cheyot' eech'ool chejal eek'a'uxl, xb'aan naq li xnimajwal wankilal li choxa ak nach' wank”, chan.

Habacuc 2:14

Ut taanawmanq ru li xnimal xloq'al li Qaawa' junsut junrub'el choxa, jo' naq nanujak li palaw rik'ineb' li k'iila ha'.

Oseas 14:2

Sutq'inqex rik'in li Qaawa' ut yehomaq re: “At Qaawa', kuy chixjunil li qamaak ut k'ulub'a li us xqab'aanu. Cho'q ruuchil li kok' wakax tootijoq ut toob'ichanq chawu.

Daniel 7:27

Toja' naq li awab'ejihom, li wankilal ut li xnimal loq'al junsut junrub'el choxa taaq'axtesimanq reheb' li sik'b'ileb' ru xb'aan li Nimajwal Yos. Li x'awab'ejihomeb' taawanq chi junelik, ut chixjunileb' li wankeb' xwankil te'k'anjelaq ut te'paab'anq chiruheb'».

Daniel 7:18

Ab'an taawulaq xq'ehil naq eb' li sik'b'ileb' ru xb'aan li Nimajwal Yos te'k'ehe'q xwankil ut a'aneb' chik te'reechani li awab'ejihom junq'e junq'e kutan», chan.

Daniel 2:44

“Chiru li xyu'amileb' li awab'ej a'an, li xYos li choxa tixwaklesi chaq jun awab'ejihom li maajun wa taajuk'manq, chi moko taakanaaq rub'el xwankil jalan chik tenamit. Tixjuk'i ut tixputz'iheb' li awab'ejihom junch'ol, ut a'an wanq xwankil chi junelik.

Daniel 2:28

Ab'anan wank jun Yos sa' choxa li nakutanob'resink re li muqmuukil na'leb', at awab'ej, ut A'an xk'e chanaw li k'aru taak'ulmanq sa' roso'jikeb' li kutan. Laamatk' ut li moy u li xawil naq yookat chi wark, a'aneb' a'in:

Ezequiel 36:23

Laa'in tink'ut chiruheb' li tenamit naq q'axal sant link'ab'a' li muxb'il eeb'aan sa' xyanqeb' li xninqal ru tenamit. Ut naq tinb'aanu a'in, eb' a'an te'xnaw naq laa'in li Qaawa' -chan li Qaawa'-.

Salmos 108:5

xb'aan naq nim chik laarahom chiru li choxa, ut li xtiikilal laach'ool nawulak toj sa'eb' li choql.

Salmos 103:20

Chenima ru li Qaawa' chejunilex li x'ánjel, laa'ex li kaw eerib' chi xpaab'ankil li rajom ut yo'oon wankex chi xk'anjelankil li raatin.

2 Reyes 19:19

A'ut anaqwan, at Qaawa', at qaYos, choohaakol chiruheb', xnawaqeb' chixjunileb' li x'awab'ejihom li ruuchich'och' naq ka'ajwi' laa'at li Qaawa', li tz'aqal Yos”.

1 Reyes 8:43

chawab'iiq li xtij toj sa' li choxa, sa' laamuheb'aal. Chak'e re laj ab'l tenamit li k'aru tixpatz' aawe, re naq chixjunileb' li tenamit sa' ruuchich'och' te'xnaw aawu ut te'xk'e aaloq'al, jo' neke'xb'aanu eb' laj Israel laatenamit, ut te'xk'e reetal naq napatz'mank laak'ab'a' sa' li loq'laj ochoch a'in li xinyiib' cho'q aawe.

Levítico 22:23

Cho'q mayej li yal taa'alaaq sa' aach'ool xk'eeb'al, truuq taayeechi'i junaq teelom wakax malaj junaq karneer li yeq roq; ab'an wi taayeechi'i a'an re xpaab'ankil junaq yeechi'inb'il aatin, moko taak'ulmanq ta chawu.

Levítico 10:3

Chirix chik a'an laj Moisés kixye re laj Aharón: “A'an a'in li kixye li Qaawa': «Eb' li te'jiloq chaq wik'in tink'ut chiruheb' linsantilal, ut chiruheb' chixjunil laj Israel tink'ut linloq'al»”. Ut laj Aharón kikanaak chi maak'a' chik kixye.

Gálatas 1:4

A'an kixq'axtesi rib' sa' xk'ab'a' li qamaak re qakolb'al chiru li ruuchich'och' a'in li ink'a' us, xb'aan naq jo'kan kiraj li Yos li qaYuwa'.

Romanos 1:7

Eerik'in chejunilex laa'ex li raarookex xb'aan li Yos aran Roma ut b'oqb'ilex chi wank sa' santilal chiwanq taxaq li usilal ut li tuqtuukilal nachalk rik'in li Yos li qaYuwa' ut rik'in li Qaawa' Jesukriist.

San Lucas 11:1

Sa' jun li kutan yo chaq chi tijok li Jesus sa' jun li na'ajej; ut naq kiraqe'k chaq, jun reheb' li xtzolom kixye re: —Qaawa', tzolo chi tijok jo' naq laj Jwan kixtzoleb' li xtzolom.